قاق قاق وش نبى ياغرب تبى بنية ولا ولد

ياحبكم للقافة من شفتو كلمة بنت تفتحت مناخركم >>>> انا مثلكم ههههه

مصدقتو خبر جايين تركضون وين تبون نصير حضارين معة يلا اوكى عرب اسمعو هالسالفة الحلوووة بس لونها هالحين موجودة كان نلعب مع البنات فيذا بس ياخسراة ماعاد فية طيبة فى القلوب انا سعودى ههههه

يلا اسمعو-----

منول يوم المجبب والعاير وقوع الدلو الحايط والاويسط والمراجيم والسليل وظهرة سمحا والطالعى ودنة والسوق الاوسط والحصية والثغب والعنترى هههه ترى هذى احياء شعبية فى تمير مهيب قصيدة هههههههه
كنا كل يوم من نطلع من المدرسة لين تغاب الشمس وحنا فى ترابط وعلاقة اقوى من الحديد بين البنات والعيلان ونلعب اشكال والوان من الالعاب القديمة مثل ( الصويبا و عظيم سارى و طاق طاق طاقية ) وماعندنا حسد ولا كراهية والقلوب بيض والو تصخن واحد فينا نروح نزورة بالبيت ونرفع معنوياتة واذا جيناة نعطية اخر الاخبار المستجدة على ساحة الهبال بيننا فى السوق وش الجديد بس تصدقون اذا قعدنا نسولف علية طاب ولا نطلع من عندة بعد الزيارة الا هو طيب وماعاد فية الا العافية نعطية شحنة كهربائية حق الشيطنة الله الله
تدرون وش فية خوينا او خويتنا مرض ياعينة تعورة فيها جحام وارمة وسبب الجحام تدرون وشو منة طيب انا اعلمكم ومانتو مصدقين (( منول البيوت خشب وسعف نخل والفار الله يكرمكم يعيش فى سقف الغرفه ويولد ويتكاثر واذا جاء فى الليل تزغل الفارة (( تتبول ) نايمين وطلام ولاكهرب ولاشى ويصر فى عيون هالمسكين هم تورم عينة وتصير مثل حلمة الرضاعة اذا حطينها فى (كاز ) تكبر ومعاد يدرس ولا يلعب ويدلون يعالجونها اهلة بالخرمان والخرمان نبات يجى فى النخل على جال الساقى يجبونه ويعلكونة ويحطونة على العيون ويربطونها بخرقة وبعد ثلاثة ايام تفش العين ويطيب تدرون لية هالامرض منول تجى لانة الجسم نظيف وخالى من الكماويات مثل الحين مهما يكون فيك قليل المرض الله الله

تبون قاق قاق طيب

قاق قاق لعبة شعبية نحبها يالاولاد كثيرررررر تدرون لية انا بعلمكم

لانة لعبة فية عرس يجلس اول شى ولد ويمد رجلية وتجى بنت تجلس بحضنة وثم يجى ولد ويجلس بحظنها وهكذا حتى يكتمل العدد المشاركة حتى لوكان 20 شخص عادى وبعدها يجى ولد يمشى على رجل وحدة ويدور على المجموعه وهو مغطى عيون وماشاف المجموعة على شان العبة تحلو نقوله ( قاق قاق وش تبى ياغراب تبى ابنية ولا وليد ) واذا قال ابى بنية ياخذ الى قدامة وفيها ضحكة ووناسة تدرون لية ممكن ياخذ ولد ونضحك علية وبعدها تجى بنت ونغطى عيونها وتدور نفس الحركة على رجل وحده وتقول نفس الكلام تطيح فى بنت مثلها تصير ضحكة ونطاحت فى ولد تعرس علية ياسلام براءة وهذى العبة انا اموووت فيها لانها حلووووووة وسلامتكم الى القاء فى سالفة ثانية

انا فرحت لما شفت كلمة ولد هههههه


ذكرتني باياااااااااااام جدت جدتي


اجل انت لاحق على حركات منول

هلا وغلا اسيرة مشالله عليك

تواجدك سريع والحقيقة انا وانتى مابيننا فرق لاتحطين الدعوى على جدتك يادباااااااا

الكبر شر لابدمنة ههههههه

قويييييييييييييييييييييييييييييييييييييييييييييييي ة


والله سالفتك جذبتني بالحيل


وعشت ايام حلوه من خلال تصفحي للسطور وما بينها( انتبه للغة العربية ) وتذكرت اشياء جميلة وزينه خاليه من الحقد والحسد والكراهية وين منول حنا ( وراك خرت ورجعت للعامية ) نكشت كلنا في البر ونخيم رجال وحريم ولا فيه شي اسمه شك ولا ريبه وكانت القلوب صافيه ونقعد على الضو ونسولف سواليف تخلي الوقت يسري ما دريت الا والساعه 11 او ثنعش بالليل مغير شرب حليب وسواليف على ضو هالحطب وهالحين لو تقول لواحد خل نكشت اهلي واهلك قال لا والله ننروح لحالنا


الا من جد وش السبب


الحريم والا الرجاجيل

انا احسن ان الرجاجيل دلو اذا جا الليل فتحو اذانهم للحريم وخذ من الخرطي وهو ما غير يسجل وينفذ وتحسبنها اذا كشتت لحالها انها وخر استانست

اهم ما عندها انها ما تغطى ؟؟؟؟


ما نقول الا الحمد لله

مشكور يالهبوب ونبي سالفة العنز !!!!!!
سلام

ههههههههههههه
الف شكر هادى وابشر

بالى تبى << وهقتة ام جمعان
الاول تحلو والحين شوفت عينك ام توتو وبنت الشيوخ وانت ماشى

هههههههههههههههه يمزح ههه

هيه وين وين ؟؟؟

جعلك الصمرقع ( لاقطتها من حوطيه ساكنه جنبهم ) وش تقول ؟؟

وش دخل ام جمعان

اجل تلعب انت وهي قاق قاق


هبوب الشمال تسلم عليك امي وتقول ( ما وده نلعب غميما ) بذمتك هبوب الشمال وايش هي الغميما ؟؟

تسلموووووووو على هذي القصة الجميلة

ام توتو

هلا اختى ام توتو

مراحب ام جمعان كنت تجلس بحظنى بس كنت دباااا <<< مصعت قلبة هههه

عليك وعلى امك السلام وربى يطول بعمرها يارب

اوكية ( غميما ) نحولها على المترجم ( غميما يعنى يغطون عيونك بقطعة قماش ويسئلونك عن شى او يحطون شى واذا فتحو عيونك قالو وينة فية لة عدة طرق
مثلا فية طريقة يجبون بنات او عيال وسئلونك وعيونك مغمغة ويقولون لك هذى رقية ولاشمايما ولا محميد ولا مثلى حميد وهاكذا بمعنى يغطون عيونك ويتخبون عنك مثلا فى مكان وانت تدور عليهم على الصوت لعاب شعبية جدا روعة