ديوان الشاعر الكبير / فهد بن إبراهيم المفرج

بسم الله الرحمن الرحيم
أخواني / اعضاء المنتدى الغالي
السلام عليكم ورحمه الله وبركاتة
تعتزم ساحة المكتبة السمعية والمرئية بوضع ( دواوين صوتية مثبته لشعراء مدينة تمير )
فمن يرغب ان يكون له ديوان صوتي في ساحة فليرسل برساله خاصه لمشرف الساحه
وتتضمن الرساله اسم الشاعر كاملا أو لقبه اذا اراد ذلك ...
وسوف يوضع له ديوان خاص به ويتم تحديثه من قبل الشاعر نفسه
أو من قبل الاعضاء وكل ديوان سوف تنشر فيه قصائد صوتية للشاعر فقط
علما ً بأن الفكرة قد قدمت بساحة الشعر
ومن لديه أقتراح حول هذه الفكره يقوم بكتابته في هذا الموضوع مشكوراً
وعلى الرحب والسعه
أملين منكم التفاعل حتى نقدم لمنتديات تمير ما يليق بها ...
والسلام عليكم ورحمة الله وبركاته.
مشرف الساحة / مخاوي سدير.

::|[ ديوان الشاعـــر فهــد المفـــرج ]|::

--------------------------------------------------------------------------------

• + - - - - - - - - - - - - - - - - - ₪ - ::
----------------------------------------

:: ₪ ::::₪ ::

بسم الله الرحمن الرحيم

:: ₪ ::::₪ ::


نرحب بكم في ديوان الشاعر القدير / فهد المفرج

والذي يضم أروع القصائد والشيلات الحصرية

متمنين أن تقضوا معنا أجمل الأوقات


• + - - - - - - - - - - - - - - - - - ₪ - ::
----------------------------------------

• + - - - - - - - - - - - - - - - - - ₪ - ::
----------------------------------------

:: ₪ ::::₪ ::

الرحيــل

:: ₪ ::::₪ ::



صباح الاثنين كـل النـاس مذعـوره
... علم لفى كدر القاصـي مـع الدانـي
قالوا وطنكم توفى اللي حمى سـوره
... العاهـل اليعربـي يالقايـد البـانـي
موكدين الخبر بالصـوت والصـورة
... والله فلاأدري عقب ذا العلم وش جاني
هلت دموع العيون وقلـت معـذوره
... حاولت أكف العباير ميـر ماأمدانـي
نبكي وكل العرب يبكون اخـو نـوره
... يبكون عز الديـار ونـور الأوطانـي
من عاليات الحجـاز لـرأس تنـوره
... ومن صوب حد اليمن لحدود عمانـي
وتبكيه مكـه وبيـت الله وحضـوره
... والكعبة اللي كساها بأغلـى الأثمانـي
ويبكيه مسجد رسـول الله وجسـوره
... له بصمةٍ باقية مع طـول الأزمانـي
والأسرة المالكة والشعـب وقصـوره
... يبكون فرقا ملكهـم سـر واعلانـي
جونا ملوك الدول من كـل معمـوره
... من جاه علم ابوفيصل جاء لنا عالـي
كلٍ يعـزي نـوادر نجـد وصقـوره
... في شيخنا اللي توفى ذرب الأيمانـي
محدٍ لعب دور في الدنيـا مثـل دوره
... أنا أشهد انه فريـد النـوع وحدانـي
له فزعةٍ مع كويت الخيـر مشهـوره
... ولـه وقفـةٍ يحترمهـا كـل لبنانـي
مواقف الفهد تحسب لـه ومشكـوره
... ومساهمات الفهد فـي كـل ميدانـي
شيخٍ مدون له التاريخ فـي سطـوره
... سيرة بطل للشرف والمجـد عنوانـي
زعيمنا معجـزة .. لاوالله اسطـوره
... لو جيت أعدد فعوله يعجـز لسانـي
قالوا توفـى فهدنـا واختفـى نـوره
... قلنا ليـا غـاب نجـمٍ يطلـع الثانـي
يبقى فهد في قلوب الشعب وجـذوره
... تروي بغيث الكرامة كـل ضميانـي
والحـمـدلله راضـيـن بمـقـدوره
... وحنـا عوضنـا بعبـدالله وسلطانـي
وأخوان عبدالله اللي شورهـم شـوره
... نحبهـم كلهـم مـن دون نقصـانـي
وعسى السحايب بنو الخير ممطـوره
... تمطر على قبرٍ شيخٍ شـد الأضعانـي
تسقي ثرى العود وتديم علـى قبـوره
آميـن ياربنـا خــلاق الأكـوانـي
...




للإستماع للقصيدة وللحفظ اضغط هنا

• + - - - - - - - - - - - - - - - - - ₪ - ::
----------------------------------------

• + - - - - - - - - - - - - - - - - - ₪ - ::
----------------------------------------
:: ₪ ::::₪ ::
الله يعز البلد في ظل عبدالله
:: ₪ ::::₪ ::
الله يعز البلـد فـي ظـل عبـدالله
... سادس ملوك الوطن شيخ السعوديه
قالوا توفـى فهدنـا قلـت لاوالله
... مامات شيخٍ له اخـوانٍ شقرديـه
اليوم في عهد ابومتعب تحت ظلـه
... يمشي على سيرة أسلافـه بجديـه
يقول شعبي مثل عيني وأبفطن لـه
... لله درك ملـك ياطـيـب النـيـه
مجبول فيك التواضع وأصبح جبله
... تحظى بتقدير من شعبك وشعبيـه
زعيمنا يرتكـي للحمـل ويشلـه
... زعيمنـا للعـدو مافيـه مـاويـه
زعيمنا جعل رب البيت يمهل لـه
... ريف الرمل واليتامى والجلاويـه
ماهو غريب السياسة فيـك مندلـه
... من روس حكام ورجـال سياسيـه
أهل المواجيب وأهل السيف والدله
... وأهل الشجاعة ليا من كبرت الهيه
أهلـك خيالـة التوحيـد والملـه
... حرابة الشـرك بآيـاتٍ سماويـه
يوم القبور عبدوها والفتـن علـه
... جدك عدلها عقب ماهيـب ملويـه
وابوك عبدالعزيز الدين شرعٍ لـه
... ماجابن البيـض لامثلـه ولازيـه
لاحل طاريه يرتـد الحكـي كلـه
... ماعاد للسالفـة روحـه ولاجيـه
معزي اللي يعقـد الحبـل ويحلـه
... معشي الذيـب زيـزوم الرياديـه
يالله عسى الجنه الخضراء مقرٍ له
... آميـن ياربنـا ياغافـر السـيـه
ماشفت حاكم حكيم مثـل عبـدالله
... ولاشفت شعبٍ مثل شعب السعوديه
للحفظ اضغط هنا..
• + - - - - - - - - - - - - - - - - - ₪ - ::
----------------------------------------

• + - - - - - - - - - - - - - - - - - ₪ - ::
----------------------------------------

:: ₪ ::::₪ ::

البيعـــة

:: ₪ ::::₪ ::




مضى عامٍ على البيعة ومازلنا على المعهـود
... على المعهود من عهد الولاء والسمع والطاعة
الا ياعيال ابوتركـي ترانـا مانسينـا العـود
... وحنـا للذمـم وعهـودنـا مـنـاب بيـاعـه
توارثنا محبتكـم مـن الجـدان ورث جـدود
... وحنا مانبي الا أنتـم محبـة قلـب وولاعـة
غلاكم من غلا عبدالعزيز ابو الكرم والجـود
... جمعنـا عقـب فرقتنـا وربعنـا بمربـاعـه
جته بالسيف الأحدب والتعب والجهد والمجهود
... الين أضفى عليها ستـرة التوحيـد وشراعـه
وعقبه واصل المشوار راعي المكرمات سعود
... سعود سعود راعي الجود عون العود وذراعه
وجاء للحكم فيصلنا وفيصل موقفـه مشهـود
... شهيد الدار يبكونـه رجـال الديـن وأتباعـه
ومن بعده حكم خالد وخالد لـه بقـاء وخلـود
... وفي عهده شملنا الخيـر بأشكالـه وبأنواعـه
وحكمها بعد ابو بندر فهد والفهد نسـل فهـود
... عليه الشعب يبكي من شهر ستة لـذا الساعـة
وحنا اليوم في حكم الإمام العـادل المحمـود
... قوي الباس ابومتعب قرين الخير مـن باعـه
حبيب الشعب ابومتعب وحنا له سنـد وجنـود
... زعيمٍ حافظٍ دينـه وشعبـه حسـن أوضاعـه
نحبه حب مايوصف نحبه حـب دون حـدود
... نحب اخوان عبدالله ليـوث الـدار وسباعـه
الا ياكثـر ماقلنـا وقلنـا نطلـب المعـبـود
... ألا يالله طول عمر ابومتعـب علـى الطاعـة



للحفظ اضغط هنا ..

• + - - - - - - - - - - - - - - - - - ₪ - ::
----------------------------------------

• + - - - - - - - - - - - - - - - - - ₪ - ::
----------------------------------------

:: ₪ ::::₪ ::

ياريـوف

:: ₪ ::::₪ ::




ياريوف ياعلك بحالـي تروفيـن
لاقل شوفي وانحنت بي عصايـه
يمين من نـزل تبـارك وياسيـن
انك قمر عمري وكوكب فضايـه
أدراك بالخاطر وأعاملـك بالليـن
وأرجي عسى الله مايخيب رجايه
أحب من حبك وأعادي المعاديـن
وأدعي لك الله بالستـر والهدايـه
فقدتك البارح وجريـت صوتيـن
هذي وهي ليلـة وعنـد نسبايـه
كله غلا ياويلي اثر الغـلا شيـن
الله واسالـه لايبـيـن غـلايـه
من حبها حبيت كـل الصغيريـن
صارت محبتهـم بقلبـي هوايـه
عودتك الممشى علشـان تمشيـن
أشـد بالثنتيـن وأقصـر خطايـه
واليا بكيتي قمت أهلـل وتصغيـن
وأحيان أغني لـك وأردد غنايـه
يضيق صدري لاسمعتـك تونيـن
وأجر صوتي من خلايب خلايـه
وان جيت أبسهي عنك لديت بالعين
الدرب قدامـي وأطالـع ورايـه
رد الوفا ياريوف مابيـه هالحيـن
أبيـه لادارت علـيـه رحـايـه
أبيه لامن صارت العشـر ثنتيـن
اليا تركونـي عزوتـي واقربايـه
وأبيه لامنه غـدى الليـل ليليـن
لااشتدت الأيـام وأظلـم سمايـه
وأبيه لا عـزوك فيـه المعزيـن
تدعين رب البيت يغفـر خطايـه
اليا كتب ربـي فـراق المحبيـن
ثـم دفنونـي لابتـي وأصدقايـه
توك صغيرة سن منتيـب تدريـن
والعالـم الله وش تكـون النهايـه
اما التفتي لي وزين علـى زيـن
والا رميتينـي بـدار الرعـايـه


للحفظ اضغط هنا ...

• + - - - - - - - - - - - - - - - - - ₪ - ::
----------------------------------------

• + - - - - - - - - - - - - - - - - - ₪ - ::
----------------------------------------

:: ₪ ::::₪ ::

رهــف

:: ₪ ::::₪ ::




البارحه ساهرٍ ماغمضـت عينـي
وشلون ابرقد وانا عيني شقاويـه
اليا تذكرت بنتي فرحـة سنينـي
هلت دموعي على الخدين جبريـه
بين الدكاتر تصوت لي وتدعينـي
لبيه ياقلب ابوك اللي طفى ضيـه
شالوا ذهبها على زين الفساتينـي
والثوب الازرق عليها صار ماريه
تلد عين الحزن وتقول وش فينـي
بابا حبيبي تكلـم قـول وش فيـه
صديت عنها وانا اللي في كافينـي
في ذمتي يارهف ماهوب في يديه
خليتها عندهم واقفيت مـن حينـي
ومن ضيقة الصدر جريت الهجينيه
العين تبكي وهوجاسي مخاوينـي
ومن لامني في رهف مافيه ماويه
والله مااخليـك دام الله مخليـنـي
ياشمعة الـدار يانـور العزيزيـه
ومادبر الواحد المعبود مرضينـي
رضيت في دبرتك ياعالـم النيـه

للحفظ اضغط هنا..

• + - - - - - - - - - - - - - - - - - ₪ - ::
----------------------------------------

مشكووووووووووووووووووووووووووووووووووووور يعطيك العاااااااااافيه
الحمدلله حصلت الكلمات والشعر
صراحه مجهود تشكر عليه
ولك مني كل الشكر والتقدير ماتدري كم عانيت وانا ادور الكلمات
الحمدلله اني حصلتها
مشكووووووووووووووووووووووووور اخوي

ماشاء الله
قصائد رائعة وجزلة

اقتباس: رد الوفا ياريوف مابيـه هالحيـن أبيـه لادارت علـيـه رحـايـه أبيه لامن صارت العشـر ثنتيـن اليا تركونـي عزوتـي واقربايـه

روعة وابداااع وتميز

صح لسان الشاعر
دمت بخير

يعطيك العافيه اخوي مخاوي سدير على الطرح المميز ونشكر الشاعر الكبير // فهد ابراهيم المفرج