اغتيال شاعر

تساليني بلهفتك كيف الغلا يغتال شاعر=واسالك كيف النجوم اللي عتلت تدمي قمرها
ادري بقلبك عشقتي بس وش ذنب المشاعر =دامها غلطة خفوق كل احاسيسه نثرها
يعلم الله ماهجرت الحب معرض او مكابر =المحبة في خفوقي غصت في لجة بحرها
بس روحي اغلبتها كثرة جروحك يا هاجر=عيا نزفه يستطيب وهذا هو قاسي قدرها
ماطلبت الحب بعدك كيف تحيا روح عاثر=ذاقت ورود المحبة وارتوت اعذب نهرها
التفتي يمي بضحكة مكر في قلب ساحر=ثم صديتي وعينك اغمزت لي من حورها
قلتي الحب العظيم اللي سكن قلب غادر=كيف يحيا والاماني كاذب احساسك دمرها
الوصل بلسم حياتي والهجر بالحيل كافر=والمدينة خاوية مسلوبة من اغلى بشرها
التفت احضن عيونه هالني ذا الدمع حادر=احرق الخد الرقيق واستقر داخل نحرها
قلت لك والجرح ينزف كيف تغتالين شاعر=طاحت نجومه بسماك واحترق حتى قمرها

التفتي يمي بضحكة مكر في قلـب ساحـر
>>>>>>>>>>ثم صديتي وعينك اغمزت لي من حورهـا

تسلم اخي الغالي في الصميم

وشكرا على هذا المجهود ولكن من هو قايلها .. لا هنت

صح لسانك يا اخوي في الصميم وماشاء الله ابداع في محله شكرا فهذا اقل شي اقدمه لك

اسعدني مروركم الكريم . والقصيدة للشاعر / حامد العيد ............ والله اعلم

بارك الله فيك
مشكوووووووور اخوووووووووي الغالي في الصميم
قصيدة رااااائعه ...صح لسان قايلها
وتسلم على أختيارك الموفق..
دمت ودام عطاك والله يحفظك
جهد جبار ومميز
وإلى مزيد من التميز والإبداع

ولكم ارق تحيه من اخيكم في الله...........مرعب النفوس