قصيده خــاصــــه للاسهم

11 / 09 / 2006, 06 : 09 AM

السلام عليكم

قالو علامك مادخلت بفزه السوق = تاخذ نصيبك والهوامير جلاس
وإلا تدين واجعل الطاق مطبوق = من ها لبنوك إللى بها الناس تحتاس
وإلا تبيع الدار والعفش والنوق = وتدخل بها للسوق مع جمله الناس
دارت بى الافكار فى سطح وعموق = وحسبتها بالفكر فى جو نسناس
روحت انا للبنك مسرع ومطفوق = واخذت انا منهم بتوقيع قرطاس
وقام الموظف يكلمنى بحسن منطوق = ويقول زيد القرض وقول لاباس
جيت المؤشر وليا المؤشر طالع فوق = وشريت فيهن دون تفكير وقياس
ساعه شرينا روحن مالهن عوق = اسرع من الطاير بشاير للافلاس
القرض حل واصبح الوقت خازوق = والسم عود من علاويه للساس
قمت اتصدد كل ماشفت مخلوق = والقلب كنه صايبه جرح الامواس
ولاغريق البير من فوق زرنوق = ولاكسير الساق فى حمر الاطعاس
عقب المفطح وعقب اصنافً لها ذوق = صار الغداء خبزه على الشاى بالكاس
حلفت انا بالله ماكل ولاذوق = لين السهم ايعود بعالى ونوماس

الشاعر / علي بن عبدالله القديرى ( ابومتعب )

12 / 09 / 2006, 15 : 01 AM

عقب المفطح وعقب اصنافً لها ذوق
............صار الغداء خبزه على الشاى بالكاس

الله الله صح لسانك يا علي القديري

والله يعوض عليك.... الناس كلها تشكي من الاسهم

وتتشرف ساحه الشعر بوجود الشاعر على القديري على صفحاتها

والله يحييك تحية المطر .. ونتمنى التواصل

تقبل فائق احترامي

12 / 09 / 2006, 41 : 10 AM

هلا وغلا بمشرفنا الغالى السنافى

وصح بدك والله لايهينك

وللمعلوميه ليس لي دخل بالاسهم

ولاكن لجبر خواطر الذين خسرو بالاسهم

تحياتى

12 / 09 / 2006, 32 : 01 PM

لاواهني اللي همومه مغير سهوم === ولاجت عليه هموم تقضي على حاله

12 / 09 / 2006, 53 : 06 PM

صح لسانك ياابو متعب على هذه الأبيات التي تحكي معانات شخص أنهكته الأسهم
الله يخلف عليك بخير منها ,,,,, مع تحياتي (الـــراكـــد)

12 / 09 / 2006, 29 : 07 PM

بارك الله فيك
مشكووووووووراخووووووووووي الغالي ابو متعب
قصيدة رااااائعه ...صح لسان قايلها
وتسلم على أختيارك الموفق..
دمت ودام عطاك والله يحفظك
جهد جبار ومميز
وإلى مزيد من التميز والإبداع

ولكم ارق تحيه من اخيكم في الله...........مرعب النفوس