شهرين في لندن وشهرين في جنيف

03 / 09 / 2006, 13 : 11 PM

ياناس عيت تنطفي جمرة الصيف= من حرها عيا يجينا الرقادي
الجو حرا ً ما نفع فيه تكييف = والله شوانا القيظ شوي الجرادي
لو الدراهم في يديّه على الكيف= والله لا أصيف في ديار البرادي
شهرين في لندن وشهرين في جنيف= حتى ولو قلتوا سقيم(ن) وغادي
مير البلا من يرتكي للمصاريف = وحنا فالاسهم معلنين الحدادي
مرات تجميع(ن) ومرات تصريف= محد(ن) عطانا فيه علم(ن) وكادي
وراعي الدراهم ما يحسب التكاليف = أكد على حجزه وخل البلادي
دايم يصيّف في ديار المواليف = اهل المربى والجبن والزبادي
وانا مصيفي في سموم وعواصيف = غصب (ن) عليّه مابغيت القعادي
لاضاق صدري رحت روس المشاريف= في ليلة(ن) قمرا بها الجو هادي
أدله الخاطر بكثر التصانيف = وانظم من بيوت القصيد الجدادي
وأنحاش عن ناس(ن) خبول(ن) ملاقيف= اللي يجمّعها اللحم في البوادي
كبار الكروش ملفقين السواليف= يالله عساهم للفنا والنفادي
بعض العرب لامات رحمه وتخفيف = وبعض العرب موته يهز الفوادي
أخاوي الطيب ومن يكرم الضيف = اللي ليا ضاقت عليه اعتمادي
واسج رجلي في خلا مابعد شيف = هذا هوى نفسي وغاية مرادي
في تمير ياجعل المزون المراديف= يسقي مطرها كل شبراً ووادي
في خاطري تسوى هل جنيف وجنيف = وان كان ما صيّفت مانيب غادي

عزام الخريف

03 / 09 / 2006, 36 : 11 PM

صح لسانك وسلمت ابو عبدالله

مغاط جابر

04 / 09 / 2006, 07 : 03 AM

الله الله
يا سلام يا ابو عبدالله
لعزام الخريف.. اسلوب مميز في اختيار مواضيع و (( فلاشات )) قصائده..
في هذه الرائعة نجد شاعرا متجددا.. وشعرا مميزا كالعادة..
انها احدى هدايا الحب والحنين لمدينة تمير !!
تسلم اخوي / السنافي
على هذه الرائعة المميزة

04 / 09 / 2006, 03 : 04 AM

صح لسانك يا ابو عبدالله وسلم الله قلمك الرائع حقا

يا سلام ايها السنافي قصيدة روعة وهي من قصائدك الدائمة مميزة

سلمت لنا يداك يا شاعر تمير

04 / 09 / 2006, 54 : 11 PM

أخاوي الطيب ومن يكرم الضيف = اللي ليا ضاقت عليه اعتمادي
واسج رجلي في خلا مابعد شيف = هذا هوى نفسي وغاية مرادي
في تمير ياجعل المزون المراديف= يسقي مطرها كل شبراً ووادي
في خاطري تسوى هل جنيف وجنيف = وان كان ما صيّفت مانيب غادي
صح لسان الشاعر
وتسلم يالسنافي على التميز واختيار المناسب دائما في النقل
وعلى المحبة نلتقي