بــــــــــــــــــــطاقة شــــــــــــــحــن

تنبيه عاجل والخبر يعرض الآن=والبث في همس القوافي وحصري
احذر تجيك مكالمة صوت نعسان=وتقول خالد او محمد ويسري
والا تقول آسف انا شخص غلطان=لك اعتذر وانت اقبل الحين عذري
وشوي توصلك رساله بعنوان=صوتك ملكني داخل الدم يسري
ممكن تدق اكلمك يااروع انسان=وان كان ماودك مهو شي جبري
وبلا شعور تقول طاحت وسبحان=رب ٍيسوق الحظ من دون مدري
فرصه وجت لي صدق ماني بخسران=اعيش جوي وابسط اليوم فكري
وتبدا علاقة حب وافراح واحزان=وتقول انا عاشق ولله دري
وتنظر لجوالك على نار ولهان=وان دق قلت اهلين يابعد عمري
يافرحة الماضي ويانور الاوطان=مستقبلي انتي ولو طال صبري
وتسمعك فالحب انواع الالحان=وتذوب حتى يصبح الوضع مزري
وتقول احبك واعشقك دوم يافلان=لكن لي عندك طلب قد ظفري
ان كان لي عندك معزه ولي شان=ابي بطاقة شحن واهتم بامري
هذا غرام اليوم من جد ياخوان=البنت باسم الحب باعت وتشري
واللي يبي نصيحتي يعلن الان=الجنس الاخر يهجره مثل هجري

مشكور في الصميم
وهذي رساله لبعض الشباب اللي يدوخ مع اول نبرة صوت ناعم يسمعه.
وتصدق المجتمع ملئ بالمغفلين اللي يصرفون اموالهم على هالنوعية
وما اقول إلا يستاهل كل سافل يمشي خلف الامور التافهه ويشحن ويحول فلوس بعد على من؟؟الله اعلم
تلقى هالسخيف يحول مبالغ واهله في امس الحاجه ,
وهو يتبع هوى النفس مع بنات الشوارع واشباههن.......
مشكور مرة اخرى ولو اني اعتبر انها رسالة لفئة غير أعضاء المنتدى الكرام

مشاء الله تبارك الله ابداع وتميز مستمر
مشكوووووووور أخووووووي الغالي في الصميم على هذا الموضوع الجميل والرايع د
نعم قصيدة جميلة وتستحق القراءة مراراً وتكراراً
دمت ودام عطاك والله يحفظك ذخراً للمنتدى يالطيب
دائماً وبأستمرار تبذل جهد جبار ومميز
ننتظر منك المزيد من التميز والإبداع



تحياتي للجميــــــــــــــع...............مرعب النفوس