ابيات تستحق الاحترام........

11 / 08 / 2006, 44 : 01 AM

السلام عليكم ورحمه الله
هذى ابيات اعجبتني وحبيت اكتبها لكم وان شااااء الله تعجبكم
يا ليتني بينك وبين المضره .........................من غزة الشوكة إلى سكرة الموت
(سعود بن بندر)
______________
أصد عنك ناوي الشر و ادرى ..........................واحمل صوابي داخلي وكتم الصوت
(شريدة المعوشرجي)
_____________
الموت حق وكل نفسٍ تذوقه ................................مير البلا من ذاق طعمه ولا مات
(سالم الميع)
____________
نعطي ولا نتبع عطانا بالاقوال ..............................ونبذل ونسكت كننا ما عطينا
(محمد السديري)
___________
لا تامن الخوّان لو زخرف حكاه .............................من خان بك مره يبي باكر يخون
(خالد الفيصل)
__________
لو إن طيبك هو زكاة المساكين ...........................حرام ما تلقى على الأرض محتاج
(............)
___________
من لا غنته يمناه عن مدة الغير .........................يكتب على جبهة جبينه مذله
(خالد الفهد)
__________
جعل العيون اللي تبي يوم فرقاك .............................تفقد مع الايام نعمة بصرها
وجعل القلوب اللي قست يوم وياك............................توقف عن الدقه وتنثر حمرها
(.............)
_________
وافطن ترى زول الرجاجيل توّاه ............................كم واحدٍ يعجبك زوله وهو لا ش
(...............)
_________
لا صرت ما تقدر تغيّر طبوعك .................................ما نيب فى طرد المقفين مجبور
(بندر بن خالد أل سعود)
_________
من لا يحطك تاج راسه وهو حي ..............................عساه لفراش المذله وساده
(..................)
_________
لو تحل المشاكل عقب حب الخشوم....................كان حبيت خشم المشكله واستحت
(حامد زيد)
________
يا صلاح الدين وينك يا صلاح ...............................امتلا القدس الشريف من اليهود
(فيصل بن طواله)
________
كم واحدٍ وده يجاريك في الطيب ...........................واتعبت كل الناس من زود طيبك
(...............)
________
يا ما عطيناهم وياما وهبنا .................................واليوم بالنكران قاموا يصيحون
(خالد الفيصل)
________
لو المراجل تاج لبستك إيّاه ........................واخضعت لك روسٍ رفعها الزماني
(..................)
ولكم مني كل الشكر والتقدير