بنت البدو يابنت تضرب بالامثال......................

قالت ترى منت بحلو قلت رجال...........................والزين ماهو من شروط الرجوله

الزين يلقى عند لباسة الشال...............................والرجل زين ان كان زانت فعولــــه

قالت علامك تلبس شماغ وعقال............................انت بدوي قلت بدوي من حموله

ماالبس بناطيل لها انواع واشكال..............................وامتر الشارع بعرضــــه وطولـــه

قالت أجل راعي معاميل ودلال................................شرب القهاوي تحسبونه بطولـــه

قلت اسمعيني وأفهمي كل الاقوال.............................تمعني في كل حرفٍ اقولـــــــه

كيفي يابنت الحضر دله وفنجال.................................وحليب خلفه بالمراح معقولـــه

حب الكرم والطيب وعلوم الابطال................................مغروس فينا من زمان الطفوله

قالت ترى بنت البدو حظها مال...................................قلت احذري حذرا تكوني جهوله

بنت البدو يابنت تضرب بالامثال..................................غير الجمال وطاعه الله خجولــه

زينه على كل المزايين تختال.................................مثل القمر ينشاف والحد يطولــــه

ماتنخدع في كل ماكر ومحتال.................................اللي لهم بالسوق صوله وجولــه

هي مهرةٍ تصعب على كل خيال.............................وانتي ومثلك عسفها بالسهوله

قالت تغزل بي وشف حبة الخال............................ناضر عيوني والرموش الكسولــــه

وناظر جديلٍ فوق الامتان ميال.............................ومبيسم يعجبك تنظيــــــــم لوله

قلت العفو مايستو ى زين وهبال.............................واللي تبينه شيبي عن حصوله

قالت وقلت كلمة الحق تنقال...............................والزين ماهو من شروط الرجوله

صح لسانك اخوي في الصميم قصيده رائعة منك والله يكثر من امثالك معنا