جدت قمر تزور منتدى تمير

بسم الله الرحمن الرحيم

لا إله إلا الله محمد رسول الله يا الله في حجاك ورجاك ياالله عفوك ورضاك ياالله

يالله ان تصبحهم بالخير ياالله

تصدقون يا عييلي جيت لقيت قموره ناسيت (ن) جهازها مفتوح والانتر نتا مشغل طلبتها ابجلس عندكم شوي ابشوف منتدى تمير هااللي ا في كل متسان وعلى كل لسان والا انا غلطانه ..

ايه ياحليلهم هذي (حجيرة السواليف والصرقعه )حليلاه !


دام ان مهوب شايفني الا انتم يا عييلي فما عنكم غطا !

والا ..!

دام الدعوة تسذا صبو لي قهيوه وقربوا لي القدوع ابا اقدع من قديعكم لاتزعلون علي وتقولون

ياخفتنه ماجازلها حطنا!
وصبو لي حليبه والله يستر لايرتفع علي السكر ثم افطس وش اسوي تحسبونكم رخيصين عندي؟

لا منتب رخيصين (لوكم) رخيصين تسان ماتسبعت عباتي من صبح الله وخليت عييلي والأبو لحيلهم

وجيت اسبحن عليكم

ابااقوللكم ها السبحونه تقرقر في بطني عاد انا بطني مهوب جرابن لحد


يقولون هناك الواحد والواحد الله في سماه العالي والا كل ابليس مخزيه الله والى هاك الرجال اللي

نازلن في الرياض واهله في حدا هاالدير اللي بعيدتن عن الرياض ولاه مايسقم عن اهله ومتعودن كل ربوع يروح لمهم

ومن يوم يطلع من شغيله يركض ومايلحقه ثويبه من العجله! ويدق سلف شفدزن على اميمته وابيه واخيانه الله يخلي هم له

وفي طريدزه ( قبله ) يودزف على دربه عند ذيك الديرة الصغينونه

اللي فيها( شيشة)(اي محطة بنزيم)

يعبي مويتره بنزيم ويدخل الدكيكين ياخذ له قويطي ببسي واميهه

وبسيكيتات و(حبيبات) (اي فصفص)ثم يتوكل على ربن خلقه

المهم وهو على هاالحال الا مرتن من المرات يوم وقف مثل

كل مره الا وهو يشوف ناسن شايلين لهم

نعش وفوقه جنازه >>اجل ظنكم فوقه تبسي ؟اللهم يا كافي وقال في نفيسته وش يضرني؟

لو صليت معهم على ها لميت؟ مالي إلا اجر ويطفي مويتره ويروح معهم للمسجد

والاهم مامن كثر يجي لهم سبعه او تسعه >>قال صفوا صفين قال حنا ماغير اثنين

المهم كبر معهم واثر الميت تسنه تحرك وخوينا بعد مليدزيفن الله يصلحه ناضره بعيينته

واثر الميت غمز بعيينته لرفيزنا تقل يغازله اللهم يكافي

الا وخوينا طارت بويهته ثم الميت طلع لسينه عقبها خوينا طار عقيله وهج من المسجد (والميت)

يادافع البلا قام وراه يركض يبي يشده لكن اشوى

رفيدزنا ركب مويتره ونحاش وكل الدرب وهو يسمي

على رويحته ويقرى المعوذات والورد>> تخبرون الى منه خاف قام يستغفر ويهل

يا الله لاتعادزبنايا الله!

والحمدلله اللي ستر على الرجال ولا اندفق عقيله وصار مهوب صويحي

عاد في هذيك الحزة يمكن ان اميمته داعية له
والحمدلله وصل بييتهم وهو بخير ولا جسر يعلم احد بسالفته.. يقول في نفسه (وشوله) ؟ اعلم

محدن مصدقني وبصيرماغير علتس بحلودز الناس واصير مطنازتن لهم

ومن عقب هاالسالفه وهو مستحيل يودزف عند هالديره ومن قبل ما (يدزقبل ) عليها

الا وهو مشغل اذاعة القران الكريم

وخذ له مدة مهيب شويه وهو على هالمنوال

الين جاء ذاك اليوم اللي مدري وين حاطن رفيدزنا عقيله فيه

اثره نسى يعبي بنزين وهذي لمبة البنزين والعه ولاه حول

هالديرة اللي صارت فيها سالفة الجنازة وماله إلا إنه غصب يعبي منها بنزيم قال الشكوى لله ويوقف

وهو متوجش وطاقته النغاظه بس مسوي رويحته إنه عادي ولاهوب خايف

ويقول في نفسه يا الله سترك ياالله إنك تعديها على خير وقام يطقق باصيبعاته من الزمل

ويوم جا ء يحاسب الا هذا اللي يحط بدبته على تستفه؟

ر ويمسك مفيتيح مويتره وياخذه معه وقال له وين رايح؟

ويوم رفع رفيدزنا رويسه!

إلا بسم لله الرحمن الرحيم يا الله لاتبلانا عسى مهيب عقوبة!

هذا هونفسه اللي كان مكفن (يحيي العظام وهي رميم) امنت بالله

رفيزنا تصبت رجيلاته وطقته (أم الركب )وقام يتنافظ وصار يقول

(بببببببسسسسسسسمممم الله ععععععلي انسسسي وووولا من اههههل بسسمم الله

رد عليه قال بسم الله عليك الرحمن الرحيم اصبر خل اعلمك السالفه

انا ياوخيي رجالن ماشاء الله علي

نظول وكل يوم والاي ماغير مسدحن خلق الله

اما سادحن لي رجال والا بزير والاحريمه (هها عن النية

يقصد ناظل ) والا مكينة مزرعةوالاغنم او بعارين >>ماله تخصص معين مشاء الله عليه

وانا غصبن علي انظل اجل فيه واحدن ينطل وليده

المهم ملوا جماعتي مني وقالوا مالنا إلا نصلي عليك

صلاة الميت لأنه جايهم علم إن النظول اذا صلوا عليه يخزيه الله ولا عاد يقدر ينظل !

ويوم قالوا لي وش رايك؟ قلت لهم انا عصاكم اللي ماتعصاكم سووبي اللي تبون

ثم عقبها كفنوني وشالوني على النعش

ثم وهم يصلون علي ألا وانا اشوفك انت يا الإجنبي صافن تصلي معهم

ويوم شفتك تناظرني مادريت عن نفسي إلا وأنا غامز لك

ويوم خربت الدعوةعقبها قلت خل امزح معه ثم شفتني مطلع لسيني عليك

ويوم شفتك منحاش وخايف قلت خل الحقه واعلمه بسالفهتي لايندفق عقله

بس انت الله يهاديك (فشقه) عجزت اصيدك واحمد ربك اني معد صرت انظل

تسان هالحين انت محرول

وهذي القصه ومافيها

وياالله مع السلامه يا عييلي الى لقاء اخر ..(سامعتها في البرمانج)

قمر تمير معكم الان ..:

هلا والله عسى جدتي ما فضحتنا عندكم او غثتكم ...

مع تحياتي قموره الاموره

وفي اتضار ردودكم ولو عجبتكم جدتي ودها تسجل معكم .

ياجدة قمر تمير الله يحييك هذي الساعة المباركة اللي تسجلين وانتم كلكم الخير والبركة
والله يخليك لنا ولقمر ويطول في عمرك على طاعته
تمسي على خير

هههههههههههههههههههههههههههههاو

الله يرجك ياجدتي وخليك لنا ويعطيك طولت العمر

بس قصتك مغبره ياجديده لو انك مخليتن بنيتك قمر

تقص لنا قصص جديده من قصص اليوم ولا تعبتي نفسك

وانتي تسردين لنا القصه قديمه على عهد السبله

خخخخخخخخخخخخخخخخخخخخخخخخخخ

شكلي ابعطيك عين واسدحك وش رايك

بس عشان قمر وعيون قمر مااقول غير

الله يعطيك العافيه وتسلم يمينك يالغلاااا

لك مني كل الود

ياوليدي المصمم

حياك الله معنا ..

والله يطول بعمرك انت بعد وتقص هالقصص على عييلك يا وليدي

..

امون صح ايه قموره الاموره نايمه في سابع نومه

انتى هالحين وش كارس مني

ياهولي من البنيات خليني اشوف دربي>>


خايفتن اخاذ البساط منتس واخزياه بس اعقلي

وترى بند فنس مثل هاالرجال

بتظليني ياالنظول ...

واخزياه بس ابي حق الفيتو لو سجلت عندكم ..

ويا حبيلس بس يا سحايب غلاتك من غلات قمر..

بس والله اني حابتس يا بنيتي ودي اخطبس لوليدي ..


يؤ لا يطردوني بس ...

ياويليه من قمر لو صحت واخزياه بس..

ماعاد هيب مسجلتني معكم قموره الاموره ..

حياك يا بعد الدنيا انا اموت في العجز عندي جدي يدوره حرمه تبينه هههه

مرحبا والمنتدى منتداك ويا زين القصص الزينه منك داري انها بعضها يطير به الهو بس ماعليه

اقتباس: تصدقون يا عييلي جيت لقيت قموره ناسيت (ن) جهازها مفتوح والانتر نتا مشغل طلبتها ابجلس عندكم شوي ابشوف منتدى تمير هااللي ا في كل متسان وعلى كل لسان والا انا غلطانه .. ايه ياحليلهم هذي (حجيرة السواليف والصرقعه )حليلاه ! دام ان مهوب شايفني الا انتم يا عييلي فما عنكم غطا ! والا ..!

هذا ياجده من اللقافة الزايده كان طفيتيه وعاد يوم تفشين وش ضرس واحد وعساه ما ينكسر

اختي قموره الاموره اليوم ابدعتي وانورتي الساحة بوجودك فطلع الابداع واتمنى الاستمرار انتي وجدك معنا بالتوفيق وسسعتي صدورنا يا جده ههههههههههههههه

اذا عجبتكم جدتي فابشرو بسعدكم كل عصريه ابرزه لكم


حياك الله اخوي الجنوبي


الابداع هو ابداعك بس ولا يهمك ابشرو

بس اخاف ما تعطيني جدتي فرصه اسولف معكم ...

وتخرب علينا ..

<<<< على بالي اعقل من جدتي

ههههههههههههههههههههههههههههههههههههههه
قموره الاموره

حياك الله يالجده و الله انها الساعة المباركة اللي نست فيها قمر الجهاز متصل ( جعلها تنساه كل يوم عشان نلاقي هالسويليفات الزينه )

سباحين منول ( اسلوبك يالجدوده يوسع الصدر و ياخذ العقل ) ؛؛

عاد تدرين يالجدوده ان هالكلمة اكثر ماعجبني هي ( ..(سامعتها في البرمانج) )

و بحكم انها اول سباحينك ودي اطلب منك طلب و هو انك تلبسين طقم الاسنان لانتس باين من التسلام انتس ناسيته ( يمكن من الفرحة تخافين ان قمر تجي و تطفي الجهاز اذا رحتي تلبسينه )

كثري علينا من سواليف الاولين ؛؛

الى الاخت قمر ؛؛

رجاء خاص انك تعطين الجده فرصتها تراها ( مهيب سهله ) و يمكن تاكل عليك الجو

تحياتي

والله يالجده منتي هينه تعرفين للانترنت

وسوياليفات وش زينها يا جده عسى الله يطول بعمرك على طاعة الله ورسوله

الله مير يحيكم


كلكم


يا عييلي


بس انتظروني سالفتي في اول يوم دخلت النت ...


ابقول لقموره الاموره تكتبها لو ما خلتني