حزن الغياب

مانشدت الشمس عن حزن الغياب
علمتنا الشمس نرضى بالرحيل

كل يومٍ يغرق الضي فــ عـــبـاب
ما سمعنا ناعي ٍ .. مابه عـــويل

وما هقيت الموت يجرحني جـــواب
لين شفتك في سما عمري اصيــل

علميـــني ياللي كفوفـــــك سحـــاب
وابتسامك غيث واهدابك نخـــيـــل

وش أسوي لا دخل فصل الضبـاب
وكــفــت عيــوني وضيعــني الدلــيل

حــاجــتي والشيــــب يهديني الصــــواب
حاجتي لك ما مضى فـــ عمري حصيل

آآآ ه يا سلمى مضى وقــت العتاب
والحـديـــث اللي بـقوله لك طويل

اعـــتــذر يمـه حصـل مني غيـــاب
واعــتـــذر ازريــت لا ارد الجمـــيــل

مـن يجـــازيـــك وعطاياك الشبــــاب
والله العــــالم تـــرى مـــاني بخـــيـل

يـــوم انا عــاري غــديــتي لي ثيـــاب
وان شــكيــت الـضر شـافيتي العـليل

ويــوم كــبر الطـــفل ولمتي الزهاب
كل مــا في الـكــون مـن طبـعٍ جمــيل

هي درت حــايل وهـــذيــك الهضـــــاب
عـن غيــابك هــــــو درى الروض المســـيل

بنــــت مــن لا ثــوروا فــــوق الــركاب
مـا يبــاريهـــم سـوى نصــل وأصــيل

واخــت مــن لا كـــسرت سمـــر الحـــــراب
مــن عــنيـف الـطـعـن ردوا للصـقيـل

وام مـن جــدانهــم مــثـل الشــــهــاب
كاســبـــــين المجــد مـن جـــيـلٍ لجــيـل

يالله المـطـلــوب يا جـزل الـــثواب
تجـــعــل الجــــنـــة لــهـا ظـلٍ ظليـــل

وش أسوي لا دخل فصل الضبـاب
وكــفــت عيــوني وضيعــني الدلــيل

ابيـآت حزينه
الله يبعد الحزن والهم عنا وعن الجميع تسسلم اخي النادر عن الاختيار
والذائقه الشعريه الجميله ..وصح لسان شاعرها ..

"

كل بيت في هذه القصيده عن قصيده كامله

البدر مهندس الكلمه الشعريه تقف عاجزا عند ابداعه

احسنت الاختيار اخي النادر .. ذائقه شعريه جميله

مانشدت الشمس عن حزن الغياب
علمتنا الشمس نرضى بالرحيل



المشكلة ان الشمس علمتنا الرحيل ؛ ثم العودة ؛؛ هناك غياب لا يعود

ربما اننا خدعنا انفسنا بمتابعة شمس ترحل فتعود ؛ ولكن الغياب ؛؛ لا يعود

اختيار موفق اخوي النادر ؛ و دائما اختياراتك دقيقه ؛

لا حرمنا الله وجودك

تحياتي

الله الله ابيات اكثر من رائع

انتقاء مميز كتميز حضورك

الله على الابيات وصح لسان قايلها وتسلم على النقل ويعطيك العافية


تحياتي وتقديري

آحب هـ الابياتَ كثيراً ،
صح لسانكَ يِ الطيب .. ذائقة مترفة أصيلة .. !
ماننحرمَ جديدكِ ،

اقتباس: المشاركة الأصلية كتبت بواسطة الراقيه    وش أسوي لا دخل فصل الضبـاب وكــفــت عيــوني وضيعــني الدلــيل ابيـآت حزينه الله يبعد الحزن والهم عنا وعن الجميع تسسلم اخي النادر عن الاختيار والذائقه الشعريه الجميله ..وصح لسان شاعرها ..

يامرحبا بالراقيه حياك الله وشرفني تواجدك واطراءك
والله محييك وصباح الخير

اقتباس: المشاركة الأصلية كتبت بواسطة قصائد    " كل بيت في هذه القصيده عن قصيده كامله البدر مهندس الكلمه الشعريه تقف عاجزا عند ابداعه احسنت الاختيار اخي النادر .. ذائقه شعريه جميله

هلا بقصائد شرفني تواجدك وإطرائك وشخصيه مثل البدر تجبر الكل على متابعته وحياك الله وصباح الخير

اقتباس: المشاركة الأصلية كتبت بواسطة توأم الجود    مانشدت الشمس عن حزن الغياب علمتنا الشمس نرضى بالرحيل المشكلة ان الشمس علمتنا الرحيل ؛ ثم العودة ؛؛ هناك غياب لا يعود ربما اننا خدعنا انفسنا بمتابعة شمس ترحل فتعود ؛ ولكن الغياب ؛؛ لا يعود اختيار موفق اخوي النادر ؛ و دائما اختياراتك دقيقه ؛ لا حرمنا الله وجودك تحياتي

هلا بخوي ابو ياسر حياك الله وسعيد بهالطله وشرفتني بهالتعليق
والله محييك وصبحك الله بالخير