الطيب دمعه والردى ضحكةحجاج//

يقول الشاعر/محمد السديري (رحمه الله) :


الطيب دمعه والردى ضحكةحجاج
ونفسك قبل لا تلوم الأيام لـمهـا

لو المراجل طالها كل هراج
رخصة فعايلها وقلة شيمها

الجهل غدراء ليل والحكمة سراج
والخلـق شــاره والمنايـا سهمــها

والضيق سجن البال والسجة إفراج
وأن ضامتك خطوى المقاريد ضمها

لو الرجال تقاس بالبشت والتاج
مانفرق شيوخ العرب من خدمها

ولو كل من تارد بهقوتك هداج
ماشفت كبد ناشفه من وهمها

ناسٍ فرقها وجودها بين الأفواج
وناسٍ تساوى وجودها مع عدمها

وقت يهيج ويصطفق مثل الأمواج
نبـني الأماني والظنون تهدمها

من جرب الحاجة عذر كل محتاج
ناسٍ عطاها الله وناسٍ حرمها

ماعاد يمدي والحكي دونه سياج
لكن تهجى كلمتي وأفتـهمـها

أما تجي بحراج وتروح بحراج
وألا تــثـمـن جيتك وتحشمها

الله ع آلآبيات الاكثر من رائعه
صح لسان شاعرها وسلمت عزوف ع آلآختيار والانتقاء الجمييل ..

صح لسان ما نقالها


وصح بدنك على هذا النقل المميز

دمتي بود تحياتي

رااااائع عزوووف
اختيار جميل ، الله يوفقك ويبارك جهودك

الله عليكِ يّ مبدعتنا .. أبياتِ جداً جميلة .. ماننحرمٌ منكِ ..!

اقتباس: المشاركة الأصلية كتبت بواسطة الراقيه    الله ع آلآبيات الاكثر من رائعه صح لسان شاعرها وسلمت عزوف ع آلآختيار والانتقاء الجمييل ..

الله يسلمك يالغلا ماننحرم من تواجدك

اقتباس: المشاركة الأصلية كتبت بواسطة التـميــمـي    صح لسان ما نقالها وصح بدنك على هذا النقل المميز دمتي بود تحياتي

حياك ومنور المتصفح

لو الرجال تقاس بالبشت والتاج
مانفرق شيوخ العرب من خدمها


اهنيك على جميل ذوقك
ربي يسعدك ويسلمك
دمتي بخير يسرك

ابيات رائعه .. تسلمي على حسن الاختيار .

اقتباس: المشاركة الأصلية كتبت بواسطة شموع    رااااائع عزوووف اختيار جميل ، الله يوفقك ويبارك جهودك

تسلمين ع التواجد