[ .. تظمأ عيوني شوفك , وتشبع سهاد .. عيّا الزمن يقطع ظماها بــ رشفه..!

الشوق ماله عمر , يفنى وينعاد له في الضلوع أن عاد وأن غاب رجفه مع كل فرقا , له ورى الجفن ميلاد وأن ماتت الفرقا لقى الشوق حتفه ..! جيت أقتل الفرقا من بلاد لــ بلاد ملّ الطريق يشيلني فوق كتفه وأنا بعد مليت من كثر ما أرتاد هالشارع اللي كان لك فيه شرفه ..! تظمأ عيوني شوفك , وتشبع سهاد عيّا الزمن يقطع ظماها بــ رشفه لاوجهك أسقاها , ولا ذاقت رقاد ماغير طيفك , طيفك اللي أعرفه ..! كنّه ظبي , وعيوني ظلال صيـاد يجفل قبل يرتد للجفن طرفه مشكلته أنه كل ما أشتقت يزداد حتى ملا جدران وقتي وسقفه ..! وأصبحت أشوفه ف أول الغيم لاجاد وف أقصى الشفق لاطاحت الشمس خلفه وفـي الأرض لانامت عقب صوت رعاد وفي كل شباك ٍ صحت منه درفه ..! أتعبت طيفك لوم , واللوم مافاد ويوم الأمل في شوفتك مات نصفه نويت أسافر عنك بجروح ٍ جداد وعمر ٍ من أوراق الزمن حان قطفه ..! نويت , لكن جابني الشوق منقاد وجابك حنينك , والزمن سال عطفه شفتك تبــسّـم لي خجل مدري عناد وفي نظرتك شوق ٍ من الظلم وصفه ..! حسيت كني طفل , وعيونك أعياد ياعيدي اللي له ورى الصدر رجفه سـمّ اللقا صدفة , وأسـمّيه ميعاد أنا أنتظرتك , وأنت مريت صدفه ..!! لـ / الشآعر ..فهد آلمسـآعد ..!

احسنت اختيار جميل

ومجهود رائع , وفقك الله وبارك جهودك

شكراً لـ حضورك الجميل ..،
لآهنت ،

شفتك تبــسّـم لي خجل مدري عناد
وفي نظرتك شوق ٍ منالظلم وصفه ..!

شكرا .. ابيات رائعه كل بيت احلا من الثاني .

عشان كذا اقول :

مدري وش اختار هذا البيت ولاّ ذا ..
احترت انا يـ الوفاء اياهم الاحلا
ان قلت الاول اشوف اللي كتبت بذا ..
احلا .. ولا ادري كلامي صح ولاّ لا

عسآك تسلم أخي .. هذآ من ذوقك .. الله يسعدك .. !
لآهنت ،

أتعبت طيفك لوم , واللوم مافاد
ويوم الأمل في شوفتك مات نصفه

الله ع جمال الآبيات كل بيت آحلى من الثاني
تسلمين ويسلم لنآ ذوووق الجميل بجمآلك
كل الشكر لك ..

اقتباس: . الشوق ماله عمر , يفنى وينعاد له في الضلوع أن عاد وأن غاب رجفه مع كل فرقا , له ورى الجفن ميلاد وأن ماتت الفرقا لقى الشوق حتفه ..!

ياجمآل هذه الابيات وجمآل ذوووقك

متميزه في انتقاءك وعطاءك

ابدعتي غاليتي

اقتباس: المشاركة الأصلية كتبت بواسطة الراقيه    أتعبت طيفك لوم , واللوم مافاد ويوم الأمل في شوفتك مات نصفه الله ع جمال الآبيات كل بيت آحلى من الثاني تسلمين ويسلم لنآ ذوووق الجميل بجمآلك كل الشكر لك ..

الجمالَ حضوركِ أختي الرآقية .. والذوق أنتيّ منبعه ..!
الله لايحرمنيّ هـ التوآجدَ ،
لآهنتيٍ ،

الله الله

قصيدة راااائعه لا تقل روعة عن كاتبها

و ليس بجديد عليك هذا الابداااع


سلمت وسلم ابداعك اختي الوفاء

اقتباس: المشاركة الأصلية كتبت بواسطة ملامح صادقه    ياجمآل هذه الابيات وجمآل ذوووقك متميزه في انتقاءك وعطاءك ابدعتي غاليتي

الجمالَ حضوركِ يَ أنيقة .. ربيَ يسلمكِ ويسعدكِ .. ولايحرمنيّ هـ الطله الحلوه ..!
لآهنتيّ ،