يقولون مال للعبد بدٍ عن المقسوم

28 / 12 / 2016, 57 : 09 AM

يقولون مال للعبد بدٍ عن المقسوم

وانا اقول صح ويقنع العبد مقسومه

عسى الله يعين اللي توافد عليه هموم

هموم تخلي طبلة الراس منجومه

ترى والله انه مايكدر عليك النوم

سوا كلمة من بعض الاصحاب مسمومه

إلى جت من الغالين والا الرخوم رخوم

ولا امحق من الغالي ليا شانت علومه

ضعاف الروابع تبتلش والقروم تشوم

ولا هيب لا شامة من الشين مليومه

ولا ازين من القاع الخلا والوجيه سلوم

ولا رفقة مع طول الايام ملغومه

ولا الذ من عشرة شريفن من اقصى القوم

يبادلك فعل الطيب معناه وسلومه

ولا شفت في جو الصداقه غبش وغيوم

عطيت الدروب اللي مع الارض مرسومه

ولا مثل عز النفس لو مامعك مطعوم

وعن اهل الشماته خل الاسرار مكتومه

معي لو سمحت شوي عقبن عداك اللوم

ابعطيك عن بعض الرياجيل معلومه

ترى اللاش لو وقف معك في حياته يوم

تشوف الردى متبين فيه من يومه

وانا اقول لو ان في وجيه الرخوم وسوم

عرفنا نمييز قيمة النذل بوسومه

علشان نجلس مع رجال الوفاء ونقوم

ونبعد من اللي عند الاجواد مذمومه

انا اسمع مع اهل التجربه فالحياة علوم

بعضها صحيح وبعض الاخبار موهومه

يقولون وكر الحر مايعتليه البوم

انا شوف عيني وكر حر تحت بومه

28 / 12 / 2016, 31 : 11 AM

ولا شفت في جو الصداقه غبش وغيوم
..............عطيت الدروب اللي مع الارض مرسومه

آختيار وآنتقاء مميز كمآ عودتنا عليه اخي النادر
صح لسان شاعرها وكل الشكر لك ع الاختيار..

28 / 12 / 2016, 36 : 01 PM

انتقاء مميز
يعطيك العافيه

28 / 12 / 2016, 49 : 01 PM

اقتباس:

المشاركة الأصلية كتبت بواسطة النادر


	ترى والله انه مايكدر عليك النوم سوا كلمة من بعض الاصحاب مسمومه إلى جت من الغالين والا الرخوم رخوم ولا امحق من الغالي ليا شانت علومه انا اسمع مع اهل التجربه فالحياة علوم بعضها صحيح وبعض الاخبار موهومه

اختيا جميل .. تسلم اخي النادر .

29 / 12 / 2016, 41 : 06 AM

اقتباس:

المشاركة الأصلية كتبت بواسطة الراقيه


	ولا شفت في جو الصداقه غبش وغيوم ..............عطيت الدروب اللي مع الارض مرسومه آختيار وآنتقاء مميز كمآ عودتنا عليه اخي النادر صح لسان شاعرها وكل الشكر لك ع الاختيار..