بعنا الصبر

ياليتنـي حطيت للـقلـب عـــداد
يطبع فواتير الغلا والموده

من شان لاجاني من الناس نشاد
اسحب له برنت الغلا والمودة

احيان اهني صاحب المال بالمال
واحيان اهني صاحب الفقر فقره

احيان اكشخ والبس شماغ وعقال
واحيان اسير ولا على الراس غتره

الناس فيها هم يا طيب الفال
خذ لك من ايامك وانا خوك عبره

ترى أختلاف الحال حالن بعد حال
يعطيك فالدنيا مع الناس خبره

كم عاش فالدنيـا فقيـر من المال
والناس تدعيله حتـى بقبـره

وكم ولد لاش عاش في بارد ضلال
ما فاد شي ومات زولـه وذكـره

والوقت نفسه مـا تغيـر ولا زال
يوم وسنه والشهر هو نفس شهره

بس البلاء بنفوسنا صابها هبال
نركض بهالدنيا على غير دبره

بعنا الصبر من شان تحقيق الامال
واثر الامل مربوط في طول صبره

ومجملات الهرج قلنا وذا قـال
في رجل ما يسوى لتعظيم قدره

ما كل منهو يلبس البشت رجال
يبرك ويشتال الثقيلـه بظهـره

ياهيه ياللي غرك الوقت تختـال
كلن يعيش بحسب رايه وفكـره

كتبتها من طيب مدري من هبـال
وقفلتها يوم القلـم جـف حبـره

ابيآت اكثر من رآئعه صح لسآن شاعرهآ
وتسلم ع الاختيآر والذآئقه الجميله ..

ابداع يانادر
والله ماانت سهل
الله يوفقك

اقتباس: المشاركة الأصلية كتبت بواسطة الراقيه    ابيآت اكثر من رآئعه صح لسآن شاعرهآ وتسلم ع الاختيآر والذآئقه الجميله ..

حياك الله اختي الراقية وعلى الرحب والسعه
والذوق تواجدك وتشريفك

اقتباس: المشاركة الأصلية كتبت بواسطة العالمي    ابداع يانادر والله ماانت سهل الله يوفقك

حي الله ابوعبدالعزيز سعيد بهالطله والتواجد
وشرفني تواجدك اكثر

كم عاش فالدنيـا فقيـر من المال
والناس تدعيله حتـى بقبـره

وكم ولد لاش عاش في بارد ضلال
ما فاد شي ومات زولـه وذكـره

.
.
وآنا آشهد
صح لسآن الشاعر ، ولاهنت أخي النادر ،

صح بوحك وتسلم ع الانتقاء

صح السانك

كلمات راائعه وجميله

تسسلم اديك وصح السانك..

جميــــــــل جدا مانقلت لنـــــاا لقـــــــــــد أبحــرت بنــــــا على زورق بلا مجــــــــداف على كف الزمــــــــن تائهيـــــــــن بمعــانيهاا.. شــــــكرا لك