مدام مقعادك إلى جيت بره*** معزتك للنفس تعطيك توجيه ......

هذه الابيات تعبر عن حاله مر بها الشاعر :

انا خلصت وخاطـري طـاب مــره ()() مالي عـلـيـكـم ياجماعه مشاريه
الـطــيــب حـنـا عـارفـيـنٍ مـقــره ()() والكذب يذهب ياهل الصدق تاليه
يـقـولــه اللي مالـقـى مايســـــره ()() يـتعــب وتالـيـهـا تروح وتخـلـيـه
اللـه يـكـفـيـنا من الـوقـت شــره ()() واللي مهو باغـيـك بالك تحاكـيه
ثوبك عن اللي يغضب الحق زره ()() لا بـد ما يـومٍ تـبـيـن خـوافـيــــه
مـدام مـقـعـادك إلـى جـيـت بــره ()() معزتك للنفــس تعـطـيـك تـوجـيه
لو كنت وحدك ســــاكنٍ بالمجره ()() اخير من شــوفت بشــر ماتدانيه
بعض العرب بعض المواقف تغره ()() وبعدين لو ياسف فلا احدٍ مواسيه
من لا نشـد عن غـيـبـتـك لا تمره ()() واترك ســبيله لا تفتش دعاويه
عـلـيـه لا تكثر ســـؤال وتشــــره ()() الســيل خله ماشئٍ مع مجاريه
مع الاســف من جاه بالحكي فره ()() هذا يجيه من المقاريد توجيه

مع تحيات / مريح الفرحان التميمي

اخوي مريح الفرحان قصيده رائعة وصح لسانك ومشكور على طرحك

هذه الابيات تعبر عن حاله مر بها الشاعر :

مشكورررررررررررررررررررر

رائع كعادتك

من لا نشد عـن غيبتـك لا تمـره
........واترك سبيله لا تفتـش دعاويـه


صح لسانك يالتميمي قصيده في قمة الروعه

من اول القصيده لا خرها كلها حكم

تمنيت شي واحد بس وهو ليتها كانت أطول من كذا فعلا قصيده تستحق الثناء

لا تبطي علينا بالطيب يالتميمي