هو يدري ان الغلا مايقبل القسمه ..

هو يدري ان الغلا مايقبل القسمه ..
مدري وش اللي حصل ما بينه وبيني
يفز قلبي ليا من احدن اطرى اسمه ..
واذكر ليالي وصاله وافرك ايديني
كم لي وانا احاول اضحك وارسم البسمه ..
واحاول انساه وانسى ماضي سنيني
لكن ترك صورة بالبال منرسمه ..
من وين مالد في عيني تناديني
وشلون يفرض علي الامر ويحسمه ..
وهو يدري انه بطول الهجر ينهيني
من الدلع والوصايف وافر قسمه ..
اليا وصل ضاعت علوم المزاييني
لا سلهمت بالعيون النعس مبتسمه ..
لهموم قلبي بنظرتها تنسيني
مشكلته انه ترك وسط الحشا وسمه ..
من جاء يبي يسكن بقلبي درى فيني
مما راق لي ..

آبيات في قمة الروعه
تسلم على الآختيار والانتقاء الجمييل ..

اقتباس: المشاركة الأصلية كتبت بواسطة الراقيه    آبيات في قمة الروعه تسلم على الآختيار والانتقاء الجمييل ..

الراقيه .. اشكر لك طيب مرورك وجمال تواجدك ..

وشلون يفرض علي الامر ويحسمه ..
وهو يدري انه بطول الهجر ينهيني

ذوق جميل بسم الله عليك 🌸💖
ججازت لي الأبيات حيل تسلم يمينك ع الطرح الحلوو
وولاهنت

اقتباس: المشاركة الأصلية كتبت بواسطة همس الجفاء    وشلون يفرض علي الامر ويحسمه .. وهو يدري انه بطول الهجر ينهيني ذوق جميل بسم الله عليك 🌸💖 ججازت لي الأبيات حيل تسلم يمينك ع الطرح الحلوو وولاهنت

همس الجفاء .. اشكر لك طيب مرورك وجمال تواجدك واشادتك بما نقلته .

الباهي

يعطيك العافية ، ابيات جميله ، وفقك الله .

اقتباس: المشاركة الأصلية كتبت بواسطة دانة الخليج    الباهي يعطيك العافية ، ابيات جميله ، وفقك الله .

دانة الخليج .. اشكر لك طيب مرورك وجمال تواجدك واشادتك بما نقلته .