ارض النفوس اللي تبيك وتبيها

نفسك لا تظلمها ولا تظلم الناس
واليا نطقت..! الناس لا تبتليها

مثل ما فيك احساس للعالم احساس
والناس مثلك، مثل ما فيك فيها

اليا اشتريت اشتر ذهب والماس
والحاجه اللي ماش، لا تشتريها

لا يضيع عمرك وانت تجمع لك نحاس
حوادث الأيام لا تزدريها

ولا تقول الراي لصرت محتاس
والكلمة اليا كفيتها لا تحكيها

صمتك على كلمة بلا عقل وقياس
أبرك، ولا انت تقولها وتعميها

حاول تجي مثل الجبل ما انت قرطاس
ما كل هبات الزمن تشتهيها

ناس ليا من طحت لفاظة انفاس
وناس طواري طيحتك تحتريها

خلك حديد إن ثقلوا ضربت الفاس
تراك لخشبت بتروح فيها

والبس من ثياب المعزة لك لباس
وناس ما يفرح قربها، لا تجيها

واليا بنيت ابن العلاقة على ساس
وارض النفوس اللي تبيك وتبيها

يسرك اللي خوته ترفع الراس
ويبور منهو خوته لك عليها

صح السانك والسان الشاعر

قصيده جميله

تسسلم وماقصرت يا ابوعثمان

ابيات رووعه
ابدعت والله في اختيآرها
تسلم آلآيادي ..

ابيات رائعه
يعطيك العافيه على حسن الاختيار

اقتباس: المشاركة الأصلية كتبت بواسطة أبـوحـمـد    صح السانك والسان الشاعر قصيده جميله تسسلم وماقصرت يا ابوعثمان

هلا يابوحمد صح بدنك وعلى الرحب والسعه
وحياك الله

اقتباس: المشاركة الأصلية كتبت بواسطة الراقيه    ابيات رووعه ابدعت والله في اختيآرها تسلم آلآيادي ..

يسلم غاليك ومغليك يالراقيه
والله يحييك

اقتباس: المشاركة الأصلية كتبت بواسطة كلاش تمير    ابيات رائعه يعطيك العافيه على حسن الاختيار

على الرحب والسعه اخوي كلاش تمير
والرائع تواجدك لاعدمنا هالتواجد

ابياات رائعه ماشاءالله
تسلم ع الاختيااار
يعطييك العافييه

اقتباس: المشاركة الأصلية كتبت بواسطة جروح الوفا*    ابياات رائعه ماشاءالله تسلم ع الاختيااار يعطييك العافييه

الله يعافيك اختي جروح وسعيد بتواجدك وتشريفك

قصيدة آبدآع .. صح لسآن شآعرها .. ولآهان نآقلها