تدور الارض

تدور الارض وتدور السوالف والسنين تدور

وأنا لو أعرف اللي راح ماني بعرف الباقي

يقولون القصيد شعور والشاعر بدون شعور

وأقول الله يعاقبني اذا ماهو من أعماقي

انا لو أكذب بشعري وقف نبض ويبس حنجور

وقادر أخسر الدنيا وعاجز أخسر أخلاقي

ولأجل عنق المها والصوت الأدفى والعيون الحور

وقف عمري ولاادري ويش انا من وقفته لاقي

قسم بالله .. ما قبلك غياب ولا بعدك حضور

ولكن ودي بفرقاك .. لو ما ودك فراقي

تعاتبنا بما فيه الكفايه من ثمان شهور

وسالت دمعتين وطاح قلب وماتت أشواقي

تعدتك المشاريه وجفاك اللوم والمستور

اذا ما يكشفه صوتي كشفه الحبر بأوراقي

تعبت أضحك على نفسي وأبرر لك وأعيش الدور

وتعبت أجامل ظروفك وأصدّق كذبك الراقي

يكفّيني أغيب وخافقي ماجاك منه قصور

ويكفّيك اتّذكّر كل ليلة لهفة عناقي

تذكّر يوم أخليك اتباهى كبرياء وغرور

يوم اني اتحدابك وأخيب هقوة الهاقي

وتذكّر يوم أعذرك وانت لا صادق ولا معذور

أدورلك عذر وأصدقه وأكذّب أحداقي

وتذكّر يوم جيت من الحزن متضايق ومكسور

فرشت لك الضلوع وقلت لك يا سيد عشاقي

خذ اضلوعي وابن فيها يسار الصدر بيت وسور

ترى مافيه قبلك من سكن صدري وخفاقي

وبعد هذا رحلت ولا بقى إلا بيتك المهجور

وألا ياكبرها لا من رحلت ومنزلك باقي

يقولون القصيد شعور والشاعر بدون شعور

وأقول الله يعاقبني اذا ماهو من أعماقي


سلمت على الذووق المرهف..

آبيآت جميله
سلمت على آلآختيآر الجميل والذووق العآلي ..

وتذكّر يوم أعذرك وانت لا صادق ولا معذور
أدورلك عذر وأصدقه وأكذّب أحداقي


آبيآتِ جداً جميلة .. صحَ لسآن شآعرهآ .. ولآهآن نآقلهآ ،
لآتبخل علينآ بـ جديدكَ ،

اقتباس: المشاركة الأصلية كتبت بواسطة ع ـزَوـوفـے ْ..(؛    يقولون القصيد شعور والشاعر بدون شعور وأقول الله يعاقبني اذا ماهو من أعماقي سلمت على الذووق المرهف..

هلا بعزوف الذوق تواجدك
وحياك الله

اقتباس: المشاركة الأصلية كتبت بواسطة الراقيه    آبيآت جميله سلمت على آلآختيآر الجميل والذووق العآلي ..

هلا بالراقيه على الرحب والسعه
دائما حضورك رائع

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    وتذكّر يوم أعذرك وانت لا صادق ولا معذور أدورلك عذر وأصدقه وأكذّب أحداقي آبيآتِ جداً جميلة .. صحَ لسآن شآعرهآ .. ولآهآن نآقلهآ ، لآتبخل علينآ بـ جديدكَ ،

هلا بالوفاء على الرحب والسعه
وان شاء الله القادم اجمل
وحياك الله

؛

يكفّيني أغيب وخافقي ماجاك منه قصور

ويكفّيك اتّذكّر كل ليلة لهفة عناقي

ابيات رائعه وأنتقاء جدا جميل ينم على احساسك العذب ايها النادر

شكرا لك وبنتظار ماتجود لنا به

ابيات جميله

بنتظار جديدك المميز

ابيات راقي لي
يعطيك العافيه على الانتقاء المميز