هبت هبوب الشمال ..

عـديت في مرقبً واللـيل ممسيني =بـديار غرب لعل السيل ما جاها
أضحك مع اللي ضحك والهم طاويني =طية شنون العرب لا سربوا ماها
وراك ما تزعجين الـدمع يا عـيني =على هنـوفً جديد اللبس يزهاها
هـبت هبوب الشمال وبردها شـيني =مـا تدفي النار لو حـنا شعلناها
مـا يدفي الا حشـى مريوشة العيني =وإلـيا عطشنا شربنـا من ثناياها
أبـو عـيونً لـيا سلـهم تنـاجيني =يـا قرد عين المشقى كيف يقواها
يـا شبه وضحـى فـتاةً دلها زيني =داجت على عقلةً والورد ما جاها
يا عل من شار بالفرقى عمى العيني =مخباط صمعا جليل الفخذ يشظاها
جـعله حـسير كـسير وراكبه ديني =وأتـلى حـلاله ذلولً راح يطـلاها

شاعرها عليه أختلاف ( عبدالهادي الروقي أو فهد العجمي أو راكان بن حثلين )

صح لسان قائلها

وسلمت يمينك يا السنافي اظن الجو هاليومين اثر فيك شوي

مشكور يالسنافي

وقصيدة تردد دائما ولها جمهورها

عديـت فـي مرقـبً واللـيـل ممسيـنـي
بديـار غـرب لعـل السيـل مــا جـاهـا

تسلم السنافي على هذا النقل الرائع وصح لسان قائلها