تجارب لاولين .... كلمات ونصائح من ذهب

على حسب مامرني ومن تجارب لاولين
وجهة نظر ويجوز فيها الاختلاف مع الوئام

اترك مسافه كافيه بينك وبين الاخرين
بعض البشر ودك حدود المعرفه معهم سلام


اصمت ولاتحرص على كثرالكلام الصمت زين
اللي سكوته ساتره يمكن يعريه الكلام


واذا تكلمت احذر تكون اطول المتكلمين
السالفه لاطولت يضعف معاها الاهتمام


وامزح ومزحٍ باللسان اخير من مزح اليدين
مزح الرجال العاقله على حدود الاحترام


واضحك ولاتضحك برفع الصوت رفع الصوت شين
من الادب والذوق عند الضحك ضحكٍ بإبتسام


واكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام


واحلم ولا تعجل ولا تغضب ولا تشري بدين
وشاور ولو رايك معك لا شرت عداك الملام


واذا شريت بدين لاتبطي على المتجملين
كلٍ حلاله غاليٍ عنده لو انه مايسام


ولاجاك مديونك معه بعض الوفى وبعضه لحين
فأستد باللي جاك وش دراك لله الدوام


وترى التغافل فيه لذه وانشد المتغافلين
وان جات كلمه توجع اطلقها مع سرب الحمام


وارضى ليا جاك الرضى لو العذر ماهو سمين
وترى التسامح ميزة الساده رفيعين المقام


وصادق واذا صادقت ماجربت ماصادقت لين
اما يطول بك السهر والا يطيب لك المنام


واصدق مع نفسك وتلقى نفسك من الصادقين
والنفس خيل ابليس لاتعطيه نفسك واللجام


وليانصحت انصح خفى لاتفضحه فالحاضرين
ترى الرجال يقودها لين الحكي قود الخطام


ولا تواضع في حضور العالم المتكبرين
تكلم بنفس الطريقه معهم ونفس النظام


واخلاقك وتواضعك عامل بها المتواضعين
ونصف الادب مجامله جامل ولاتجامل لئام


ولا تسولف عن طموحاتك مع المتفرغين
كنك تسولف للنصارى فالحلال و فالحرام


والعمر ماهو فرصةٍ وحده ولاهو بفرصتين
مع كل مطلع شمس لك فرصه وخطوه للامام


هذا ولازلنا تعلمنا الليالي والسنين
والعلم اخير من الجهل والنور جلاي الظلام

حكم ونصآئح جميله
صح لسآن شآعرها وسلمت آخي النآدر ع آلآختيآر ..

رآئع هذآ الآختيآر
آحترآمي

اقتباس: المشاركة الأصلية كتبت بواسطة الراقيه    حكم ونصآئح جميله صح لسآن شآعرها وسلمت آخي النآدر ع آلآختيآر ..

على الرحب والسعه يالراقيه والله يسلمك من النار

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    رآئع هذآ الآختيآر آحترآمي

الرائع تواجدك وعلى الرحب والسعه

اختيااار جدا راائع
تسلم الايااااادي ويعطييك العافييه

يعطيك العافيه على النصائح

ابدعت الانتقاء خيو

يسلموا ع هيك قصيييد

ابيات جميله
يعطيك العافيه

واذا تكلمت احذر تكون اطول المتكلمين
السالفه لاطولت يضعف معاها الاهتمام


هذا ليس بيت شعر فقط ؛ انما حكمة و المفروض تصير ( قانون ) ؛ كثير من امورنا تعطى وقت اكثر اكثر من اللازم ( مثل الندوات و الاجتماعات و الدورات التدريبيه ) حتى جلسات عقب العصر خذت وقت اكثر من حقها


اختيار موفق اخوي النادر ؛ ننتظر دائما تميزك

تحياتي