طريقة عمل الكاساديا

طريقة الكاساديا

المقادير // ( طبعا الكميه حسب عدد الاشخاص ممكن تنقص او تزيد )

صدور دجاج

بصل احمر مقطع جوانح

جبن تشيدر مبشور

هلابينو مقطع قطع خشنه

كزبره خضرا مفرومه

ساور كريم

خبز تورتيلا

الطريقه //

اول شي لطبخ الدجاج عندك طريقتين ولك حرية الاختيار

الاولى انك تجيبين قطعة الدجاج وتخلينها رقيقه وتبهريها خفيف وتشوينها بالشوايه واذا خلصت تقطعينها شرايح وخلينها ع جنب ..

الطريقه الثانيه ( طريقتي ) تجيبين الدجاج وتقطعينه شرايح طويله وتتبلينه بـ

( كزبره ناشفه - فلفل اسود - ملح - م خل - م زيت - م صويا صوص -وثوم مطحون فص صغير ) بس اهم شي لا نكثر بهارات نبغى نكهه خفيفه .. كيذا تخلينها ابو ساعه ع جنب

تجهزي المقلاه او القدر وتضيفي الدجاج وتحركيه بدون اضافة زيت ١٠ د ، بعدين تضيفين البصل المقطع وتقلبينهم دقيقتين (( اهم شي مانبي البصل يذبل )) بس عشان نخفف حدته

خلاص جهزنا الدجاج نجي الحين للحشوه وراح نحتاج ..

ناخذ واحد من التورتيلا ونبدا نحشيها بذا الشكل ..

اول شي نحط جبن شيدر ( بسخاء ) وفوقها خلطة الدجاج بعدين هلابينو بعدها رشة كزبره

اخر شي والسر هنا تحطي فوق الحشوه ملعقتين اكل ساور كريم توزعينها ع الحشو ( انا مالقيت ساور كريم استعملت ويبنق كريم يؤدي الغرض ) .

اخر شوي نطبقها من النص يسير شكلها منقله ونسخن طاوه مسطحه ونحط فيها ملعقة زيت

ناخذ الساندوتش وعلى الطاوه نقلبه من الجهتين عشان يتحمر وياخذ ويسير كرانشي ( مقرمش ) من برى وتأكدي ان النار وسط مو عاليه عشان لا تنحرق من برى ،، لا خليها وسط عشان تذوب الجبنه وتصير طريه من داخل

بالنهايه بعد ماتحمرت من برى خذيها وقطعيها مثلثات وانتبهو لحد يحرق اصبعه

وصحتين >> كرانشي من برا وجوسي من جوا

بالنسبه للسلطه الجانبه ،،

اللي ع اليمين عباره عن ( فاصوليا حمرا ، طماطم مفرومه ، كزبره خضرا مفرومه ، ذره ، هلابينو مقطع ، ملح ، فلفل اسود وليمون وممكن تضيفي لها تباسكو عشان تطلع حاره اكثر ..

اللي ع اليسار ( ذره ، هلابينو ، كزبره مفرومه ، رشة فلفل اسود ، ملح ، رشة نعناع ، ليمون )

وبالعافيه

شكلها مشهووووي والله

شكرا يالرااقيه

تسلمي ع الطريقه
يعطيك العافييه

شكراً لك والله يعافيك ،،

ياهلآ فيكم منورين بتواجدكم الجمييل ..

سلمتي راقيتنا وماقصرتي ,,

الله يسسعدك حبيبتي ع تواجدك وياهلا فيك

عوآفي

ياهلا فيك منوره

موضوع رائع كروعة حضوورك