لحدن ٍيحاكيني

لحدن ٍيحاكيني ترى الخاطر أقصاه

والدمع يا قلب العنا مايطيبك

حتى لو أبكي وش ورى دمعي و ماه

ويلي على أدري ويش قلبي يبي بك

تطري علي والقلب ماجاه كفّاه

غايب لكن غيبتك ماتغيبك

خذيت تلفوني القديم أتقرّاه

ألين فاحت شاشته ريح طيبك

رقمك مسجاتك وصوتك و طرياه

كن الطيوف اقبال عيني أتجيبك

لأبوك يالتلفون ماتسمع الآآآه

في ذمتي أنك صدق ضيعتني بك

متعومس الخاطر وياقلب ويلاه

ماقد ذبحني إلا سكوتك و طيبك

وإلا أنت يا لاهي ولا أدري وش ألهاه

طف ِبوصالك مابقى من لهيبك

ياحبك لقطع المواصيل حباه

قطعت قلبي منك لا قطع صيبك

وسويت في اللي سواتك ماسواه

وأتحملك مهما جرى و أرتضي بك

يا ذابحي ياصبر ذا القلب صبراه

ذبحته بكفك وهو ملتجي بك

بتروح..؟ روح و دربك الله يرعاه

لو أبغى أجيبك أعرف وشلون أجيبك

در في ثرى الدنيا و مثلي ما تلقاه

تبطي عظم ماشفت زولٍ يذيبك

حظ الهوا اللي أتعيش به بس حظاه

لأنه الوحيد الي قدر يختلي بك

أدرى عليك من الهوا و أتحاشاه

وأروف بك و أهيم بك و أعتني بك

لأنك سحاوي و السحى يكسر اجباه

وشلون ماتبغى الهوا يستحي بك

عيبي أحبك لو غرامك معاناه

وأنت الغياب اللي بلا عذر عيبك

أضيق من جفواك و أجرها آآآه

أخاف من غدر الزمان يغدي بك

لو أنك تدري خاطري عقبك أيش جاه

يمكن تنوح الليل و أتطر جيبك

أشره على الحب اللي عطيتك إياه

ملعون حظ ٍ حط ْحبي نصيبك

هملتني بين الأمل و المحاتاه

مدري عدوك صرت وإلا حبيبك ؟

يا ذابحي ياصبر ذا القلب صبراه

...................ذبحته بكفك وهو ملتجي بك

آبيآت جميلهْ وفي نفسَ الوقت آليمهْ
صح ذوقكًُ وآختيآرك الرآئعْ ..

حتى لو أبكي وش ورى دمعي و ماه
ويلي على أدري ويش قلبي يبي بك
تطري علي والقلب ماجاه كفّاه
غايب لكن غيبتك ماتغيبك

إبيات جججميله و ذوق منك
يسلم لنا شاعرها و لا هنت أخوي النادر ع النقل المميز منك ?

اقتباس: المشاركة الأصلية كتبت بواسطة الراقيه    يا ذابحي ياصبر ذا القلب صبراه ...................ذبحته بكفك وهو ملتجي بك آبيآت جميلهْ وفي نفسَ الوقت آليمهْ صح ذوقكًُ وآختيآرك الرآئعْ ..

مرحبا بالراقيه شكرا لحضورك وتشريفك
وبارك الله لك هالجهود والتواجد

اقتباس: المشاركة الأصلية كتبت بواسطة moketa    حتى لو أبكي وش ورى دمعي و ماه ويلي على أدري ويش قلبي يبي بك تطري علي والقلب ماجاه كفّاه غايب لكن غيبتك ماتغيبك إبيات جججميله و ذوق منك يسلم لنا شاعرها و لا هنت أخوي النادر ع النقل المميز منك ?

على الرحب والسعه اختي moketa
شكرا لحضورك وماقصرتي

خذيت تلفوني القديم أتقرّاه

ألين فاحت شاشته ريح طيبك

رقمك مسجاتك وصوتك و طرياه

كن الطيوف اقبال عيني أتجيبك

كل بيت اجمل من الي بعده
قصيده جميله يالنادر
تسسسلم وماقصرت

عيبي أحبك لو غرامك معاناه
وأنت الغياب اللي بلا عذر عيبك

الله الله يَ جمالَ هـ البيت ،
لاهنت ،