(صادوة الحلقه الثالثة مع :~أبوحمـــــــــــد)

السلام عليكم ورحمة الله وبركاته مساء الورد والكآدي لجميع آعضاء منتديات تمير كل عام وانتم بالف خير راح اطرح اليوم الحلقه الثالثة من برنامج مقالب (صادووه ) وان شالله تعجبكم وبالتوفيق يآآرب ~ ~ ** راح نتواجد يوميا معاكم انا وصعبه المنال من الاحد الى الاربعاء ان شاءالله خميس وجمعه والسبت راحه باذن الله (آخليكم مع المقتطفات ) **والمشرف يعني سلعته تروح !! **وهاذي ياطويل العمرايطالية سوبر بنلي متعرفها تطش الطير من السماء **لاااامابعد خرفت توني اذا قلت لك نزلهن اودورت لك احد يشريهن ادر اني خرفت !! **جالس تتطنز فيني الحين انا طالبك تكون لي عون طلعت فرعون اعوذ بالله **فزعت لك وقلت لك بسلفك ماقصرت معك هذا مهيب فزعه!! تمنياتي لكم بقزقزة ممتعه ولاتنسوني من تقيماتكم الحلوة لميس

السلام عليكم ورحمة الله وبركاته مسساء الورد والجوري لجميع آعضاء منتديات تمير راح اطرح اليوم الحلقه الثالثةمن برنامج مقالب (صادووه ) وان شالله تعجبكم وبالتوفيق يآآرب ~ اليوم معانا المشرف المتآلق ~ (أبوحمـــــد) (آخلييكم مع المقلب ) التميراوي عزوز حيا الله ابوحمد شلونك شخبارك ممكن خدمه انا عندي اسلحه وابي ابيهعها ابيك تعرضها بساحتك علشا ن يشترونها وانت مشرف اكيد بيتفاعلون معك اانا ماجيتك الامحتاج وانا كنت عسكري وطردوني من شغلي لاسباب شخصيه وقصرت وانا ادور شغل ثاني مالقيت وعندي عيال يبون مصاريف وماعندي غير هالراتب معيشني الحين انا توهقت لاراتب ولاشيء وعلى الحديده طالبك يابوحمد تساعدني وتنزل الموضوع تكفي ابي فزعتك يالنشمي 　 　 　 ابوحمد وعليكم السلام حياك الله اخووي ليت والله اقدر اساعدك الاسلحه ممنوعه منعا باتا بيعها في المنتديات وليت تدخل هذا الرابط وتشوف http://www.tumaer.com/vb/showthread.php?t=94278 والله يرزقك ويوفقك ويكتب لك الخيران شاء الله ,,, التميراوي عزوز حياك الله وبياك يبوحمد ليه ممنوعه طيب حاول منا ولامنا ولاحطه باي قسم ضروري ابي ابيعها اليوم قبل بكره ولا ارسلهم اعلانات بالرسايل الخاصه تكفا ساعدني الله يرحم والديك عن النار 　 　 　 ابوحمد كيف احطه بأي قسسسم !! ووش الاسلحه الي عندك !! التميراوي عزوز مسدس توكاريف داير11h مسدس ابومحاله ، بندقيه صيد شوزن ، ساكتون فايروخ حطها بقسم البيع اوارسلهم رسايل نشوف من بيشتريه يمكن ياخذون منك لانك مشرف 　 　 ابوحمد والمشرف يعني سلعته تروح !! الشوزل كم حدك فيها ووش صناعتها التميراوي عزوز لاماتروح سلعتك وانا حيي انت بس ساعدني وابشر بسعدك وهاذي ياطويل العمرايطالية سوبر بنلي متعرفها تطش الطير من السماء 4000 هي تسوي 5000 ابوحمد ماشاء الله الله يوفقك ان شاء الله,,,, عندك رصاص شوووزل طيب وعلى كم اذا عندك 　 　التميراوي عزوز الله يجيب الخير لاوالله ماعندي راحت كلها بالصيد ابوحمد　 وووش صيدت السسسنه هذي من الطيور 　 　 　التميراوي عزوز دخل والقميري والحمدالله الخير واجد طيب وش صار بتنزل موضوعي نزله يارجال راس مالها شوزن وانا اخوك وكل الناس تنزل وتبيع مافيها شي 　 　 　 ابوحمد ماشاء الله عليك مااجاوبتني طيب عندك فششق اولا!! التميراوي عزوز لا والله ماعندي خلصت كلها وانت مارديت علي بخصوص الموضوع 　 　 　ابوحمد وشي الي خلصت كلها !! واي موضوع تتكلم عنه انت!! وش السالفه التميراوي عزوز الضاهر كبرت وخرفت يابوحمد انت سالتني عندك رصاص شوزل وانا مرسل لك تنزل اسلحتي بقسمك ابي ابيعها بالمنتدى اشوف الناس تبيع وتشتري هنا واثاريك طلعت منت اتكاله خاف تنكبني وتسحب علي المهم عجل علي متى بتنزله علشان ارسلك صور الاسلحه ابوحمد لاااامابعد خرفت توني اذا قلت لك نزلهن اودورت لك احد يشريهن ادر اني خرفت !! حنا في شهر كم طيب الحين؟ 　 　التميراوي عزوز جالس تتطنز فيني الحين انا طالبك تكون لي عون طلعت فرعون اعوذ بالله هذا بدل ماتساعدني وتفرج علي كربتي افا بس ماهقيتها منك ليه وش تبي بالشهر الله يخلف عليك بس منتهي وخالص ابوحمد لالا مااعاش من يتطنز فيك وانا ووش قلت عاد,, بسسالك يالتميراوي هذي ووش يسمونها بما انك راعي اسلحه واخبر مني الي عليها دوائر بسس 　وانا بفرج كربك وبسسسلفك واذا جاء رمضان وبعت اسلحك ردها لي التميراوي عزوز لا والله انت اخبر مني وماجهلك شيء الضاهر تاخذني علي قد عقلي هذا وشو وهذا وش وش شايفني انا جيتك ابي منك تساعدني وانت مسوي لي اختبار كني بدخل امتحان ومابي مساعدتك انا ابي شيء من عرق جبيني مابي سلف الله لايهينك خلك عن المسخره ونزل موضوعي ولااشتر الاسلحه انت وخلصني ابوحمد صدقني ان قلت وش اساميهم راح اشتري اسسسسلحك هذي وبالسعر الي تبيه تراي توي مقصر وجاي من مشوار ماودي اكثر حكي ووجع راااس التميراوي عزوز لاتشتريها ابد تراك ذليتني خلاص شفتني محتاج خلاص صرت لعبه بين يدينك والله ماهقيتها منك يابوحمد انا الي اعرفه انك راعي فزعه لكن للاسف خاب ضني فيك افا بس افا لاتكثر ولاشيء والايام بيينا راح تتذكر كلامي هذا زين الله يسامحك بس ابوحمد فزعت لك وقلت لك بسلفك ماقصرت معك هذا مهيب فزعه!! وقلت لك من التعليمات وشروط البيع والشراء في الماقفه منع بيع الاسلحه واي ذخيره في المنتديات وهذا من الداخليه مو منا حنا,,, وانت شفت رابطه خلاص لا تزعجنا ترااي بوقفك!! التميراوي عزوز ماشفتك فزعت لي بس كلام شاطر بس ترسل صور وش هذي وش هذي.. وخلاص يابن الحلال عرفت انه ممنوع انا طالبك انت ترسلها بالخاص اوتدور أي صرفه بس شكلك بتوسع صدرك وتطقطق علي وبتذلني كان علمتني من البدايه انك مراح تساعدني وخلصتني قصرت وانا انتظر واراسلك وانت مسوي لي تحقيق واختبار لوصدق راعي فزعه كان من اول رساله ساعدتني وفزعت لي لكن خاب ضني فيك يابوحمد تبي الصدق طحت من عيني تستغل ضعفي وفقري علشان توسع صدرك علي الله يسامحك بس ابوحمد تصدق عااد طقتني البسوووه يوم سمعت كلامك وعيوني دمعت!! وصرت ادورك هنا دوووره وافرح ذا شفتك داخل عشان اطقطق صح عليك باااقي على رمضان الله يلحقنا به ان شاء الله ووقت حلو جدا والله لان الطيور بتجي عقب رمضان وبيغلى الفششق والاسلحه ,, التميراوي عزوز لايكثر بس واحترم نفسك والشرهه علي انا الي اراسلك واطلب منك وانت منت راعي فزعات خساره والله الي يثق فيك ويطلب منك شيء ابوحمد المهم بس انا بغيب لي كم يوم واخاف ترسل وماتلاقيني او ماتلاقيتي يالميس ههههههه تراي كاشفك وحبيت اسبقك اقولها قبل تقولينها لي وتصير الدعوه كلها علي والله ودي اطول معك بس عندي مشوار بعيد واخاف ابطي ما ادخل المنتدى,, 　 التميراوي عزوز قول قسسم هع احلف بالله انك كاشفني من البدايه ؟!! ابوحمد ههههه ايه شكيت فيك بس قلت خل اتأكد بس جبتي اسماء الاسلحه الي بتنزلينها وكن الشك راح شوي قلت اصور لك قطعه من بندقكي واخليك تجاوبين عليها ان عرفتيها شريت اسلحك وامري لله ,, بس صرتي تلفين وتدورين بعدها ايقنت انه انتي يا مجرمه قلت اوسع صدري واطقطق عليك شووووي وهين هههههههه تبين الجد قسسم بالله انك نشبه وترفعين الضغط .. مو كل سنه عااد اكلها ... ماتلاحظين هالسسسنه اني محتسسسس شووووي وماخذ حذري صادوه الاولى مشت وكلتها صادوه الثانيه برضوه مشت الثالثه ....!! الحمد لله مسكت فرامل قبل فوات الاوان ههههه وتعيشين وتاكلين غيرها التميراوي عزوز ههههههههه الله يعافي العم قوقل اخذ منه اسماء الاسلحه والله والله اني توهقت لانك سالتني ماعرف وش اجاوب وجلست الف وادور وزين انك ماكشفتني من اول ردد هذا الاهم هع ونورت ي ابوحمد كنت ضيف خفيف علينا حياك الله دووم :) تمنياتي لكم بقزقزة ممتعه ولاتنسوني من تقيماتكم الحلوة لموووس

ياشين هـ الموقف يالميس والله احراج كان طلعتي اسماء اللي قال عنهم ابو حمد
من قوقل او سألتي احد خليه يتوهق هو هههههههههههههه
مقلب رووعه ولو ان ابو حمد كشفك من نص المقلب
لكن الصيده حلووه والفكره احلى
عوافي لموووس

اقتباس: ياشين هـ الموقف يالميس والله احراج كان طلعتي اسماء اللي قال عنهم ابو حمد من قوقل او سألتي احد خليه يتوهق هو هههههههههههههه مقلب رووعه ولو ان ابو حمد كشفك من نص المقلب لكن الصيده حلووه عوافي لموووس

وش اكتب بالقوقل وش اسم الي عليها دوائر هههه والله احترت مادري وش اسمه

وماجا على بالي اسال لاني كنت مشغوله بالمقالب

وزين انه ماكشفني من البدايه هو بس شاك لكن الي اكد له هالدوائر الله لايعيدها ان شالله

ليت ابوحمد يعلمني وش ااسمها توني اروق ههه

وحياك الله ي الطيبه نورتي :)

اخخخخخ بس لو انك علمتيه باسمائهم .. كان ابو حمد اكل المقلب صحح

ههههههههههههههههههههه

مقلب راائع لمشرف ارووع ..

يعطيك الف عافيهه ،

و بانتظار باقي الصيدات ..

هههههههههههههه
تصدق ياابو حمد ان اسلوبها واضح من أول الرساله
سبحان الله من تشوف الواحد ناشب لك ادر ان عنده علم
والله وطايحه بالاسلحه ياام مساعد ههههه
مقلب حلو امتعتونا

هههههههههههههههه

والله اعرف ابو حمد انه ماياكل المقلب ماشالله عليك ذكي

بس حلوه سحبت فرامل هههههه

كان علمتني اسحب معك فرامل ولايصيدوني

ام ع سالفة الاسلحه موب هينه ابدا ولاافكر فيها انها مقلب ابدا

الراقيه

اقتباس: ياشين هـ الموقف يالميس والله احراج كان طلعتي اسماء اللي قال عنهم ابو حمد من قوقل او سألتي احد خليه يتوهق هو هههههههههههههه مقلب رووعه ولو ان ابو حمد كشفك من نص المقلب لكن الصيده حلووه والفكره احلى عوافي لموووس

ماتقدر تطلعهم صعبه عليها ههههه
ودي مكمل المقلب معها بسس ما كتب
وهلا فيك وحياك الله ,,

لميس

اقتباس: وش اكتب بالقوقل وش اسم الي عليها دوائر هههه والله احترت مادري وش اسمه وماجا على بالي اسال لاني كنت مشغوله بالمقالب وزين انه ماكشفني من البدايه هو بس شاك لكن الي اكد له هالدوائر الله لايعيدها ان شالله ليت ابوحمد يعلمني وش ااسمها توني اروق ههه وحياك الله ي الطيبه نورتي :)

اشو انك مافكرتي كان ماكل المقلب صح هههه

تبين اعلمك بكرتون فشق ههههه

الي فوق النادوس
والي تحت الزناد وبعضهم يسميه الشيطان

PRESTIGE

اقتباس: خخخخخ بس لو انك علمتيه باسمائهم .. كان ابو حمد اكل المقلب صحح ههههههههههههههههههههه مقلب راائع لمشرف ارووع .. يعطيك الف عافيهه ، و بانتظار باقي الصيدات ..

لوها معلمتني بالاسماء كان قد شريت الاسلحه وبحلت بهن ههههه
حضورك اروع واجمل
وحياااك يابرستيج