(صادووة الحلقة الآولى مع النادر )

السلام عليكم ورحمة الله وبركاته مساء الورد والكآدي لجميع آعضاء منتديات تمير كل عام وانتم بالف خير راح اطرح اليوم الحلقه الاولي من برنامج مقالب (صادووه ) وان شالله تعجبكم وبالتوفيق يآآرب ~ ** راح نتواجد يوميا معاكم انا وصعبه المنال من السبت الى الاربعاء ان شاءالله خميس وجمعه راحه باذن الله **السنه هذي غيير المقالب للاسف قليله والسبب عدم دخول الاعضاء اوالبعض الله يهديهم خربوعلي المقالب وقالو انها صادوه وهذي من اهم الاسباب تمنيت ان نكون متعاونين مع بعض بس للاسف ماعندي شيء اقوله الاالله يهدي الجميع (آخليكم مع المقتطفات ) *والله لو عندي حساب في التويتر ابشر لكن والله ماعندي حساب *وعندي عيال يبون مصاريف وماعندي غير هالراتب معيشني الحين انا توهقت *اذا انت محتاج ابشر بالمساعد والي اقدر عليه *لولاالحاجه مارسلتلك وطلبتك مابي منك الا توقف معي وتفرج علي.. *شف احرج لك على عزبة ولا على سيارة يمكن اما سلاح توكل على الله تمنياتي لكم بقزقزة ممتعه ولاتنسوني من تقيماتكم الحلوة لميس ..

السلام عليكم ورحمة الله وبركاته مسساء الورد والجوري لجميع آعضاء منتديات تمير راح اطرح اليوم الحلقه الأولى من برنامج مقالب (صادووه ) وان شالله تعجبكم وبالتوفيق يآآرب ~ اليوم معانا المشرف العام (النــــادر) (آخلييكم مع المقلب ) التميراوي عزوز شلونك يالنادر بدخل بالموضوع على طول انا نزلت موضوع بساحه الببيع عندي اسلحه مرخصه ونظيفه وابوحمد حذفها وحذرني انزلها مره ثانيه وانا ماجيتك الا ابي فرعتك والي اعرف منك انك طيب وراعي فزعات واناعندي اسلحه وابي ابيعها ابيك تقنع ابوحمد يوافق انزلها بساحته علشان يشترونهاانا ماجيتك الامحتاج وانا كنت عسكري وطردوني من شغلي لاسباب شخصيه وقصرت وانا ادور شغل ثاني مالقيت وعندي عيال يبون مصاريف وماعندي غير هالراتب معيشني الحين انا توهقت لاراتب ولاشيء وعلى الحديده طالبك يالنادر تساعدني تكفي ابي فزعتك يالنشمي النادر هلا وغلا بك اخوي عزيز وغالي لكن المنع ليس من مشرف الساحه ولا من المسئول عن المنتدى بل هذه تعليمات تلقيتها شخصيا من محافظ محافظة المجمعه بمنع تداول بيع الاسلحه باي شكل من الاشكال لكن ما فيه الا عن طريق برامج التواصل الاجتماع مثل الوتساب والتويتر وغيره وربي يرزقك فالدنيا والاخره وياليت اقدر اساعدك التميراوي عزوز افاا والحل انا لاعندي لاواتساب ولاتويتر ولاغيره حتى جوالي عادي مافيه هالبرامج يبي له ميزانيه لحاله وانا رجال على قد حالي طيب انت ارسل للاعضاء بالخاص شوف فيه احد يبي يشتري اكيد بياخذون منك لانك مديرهم ولا انشره بسحابك بالتويتر وانا عارفك راعي فزعات وماتقصر الله يفرج عليك بالدنيا والاخره 　 النادر والله لو عندي حساب في التويتر ابشر لكن والله ماعندي حساب والله يرزقك من واسع فضلة التميراوي عزوز طيب بالمنتدى اعرضه للبيع ولاارسلهم خاص اكيد بيتفاعلون معك انت المدير واكيد بياخذون منك اوقصرت وانا احرج عليه مافي احد يبي يشتري النادر سلاح بعدنا عنه وفكنا وخلنا فالسليم واذا انت محتاج ابشر بالمساعد والي اقدر عليه 　 　التميراوي عزوز السلاح مرخص عليه لاتخاف لاانا ماجيتك اشحذ انا ابي اترزق الله واتكسب من ورا هالاسلحه هذا الي ابيه الرزق الحلال من عرق جبيني انا ماخليت احد لكن للاسف مالقيت وماجيت المنتدى الابعد ماتسكرت كل الابواب بوجهي وشفت تفاعل بساحه الماقفه هذا الي شجعني قلت اعرضها بالساحه 　التميراوي عزوز السلام عليكم اخوي ادري اني ازعجتك لولاالحاجه مارسلتلك وطلبتك مابي منك الا توقف معي وتفرج علي الله يفرج عليك انشره بحسابك بالتويتر اوشوف احد بيشتري النــــادر والله مدري وش اقولك عرض السلاح ممنوع خصوصا بعد الاحداث الي مرت بها المملكة ومايحتاج اعلمك عنها . وصعب وضع مواضيع السلاح بالمنتدى وياليت تشوف طريقة ثانيه غير المنتدى ومثل ماقلت لك شبكات التواصل الاخرى كفيلة بان تكون انسب طريقة واسرع . والله يرزقك الحلال 　 التميراوي عزوز ايه ادري وعارف عن الاحداث الي تصير وانا كل قصدي اترزق الله هذا مقصدي وشفت التفاعل بالمنتدى قلت اجرب حظي .. طيب انا قلت لك ارسلها لهم خاص يمكن احد يوافق ويشتري ولاانا اذا ارسلته محد بيشتري وبرا المنتدى امالقيت احد وماعندي برامج تواصل لاتويتر ولاغيره ماعرف لهم انت حاول تساعدني وتبيعه لي وابشر بالي تبي بس ابيعه وباقرب وقت النادر شف احرج لك على عزبة ولا على سيارة يمكن اما سلاح توكل على الله وشف لك طريقة ثانيه غير المنتدى وهذا اخر ماعندي ومثل ماقلت لك انا لا املك اي حساب لا في التويتر ولا الفيس بوك ولا اي شي فقط وتساب ويمكن الغيه بعد التميراوي عزوز افا ماهقيتها منك يالنادرالسلاح مثله مثل غيره لو اني قايل لك بيع لي حبوب ومخدرات لاسمح الله شكلك تحسب اني ارهابي ولاالسلاح مامعه ترخيص بس والله ماتوقعتها منك ابد انا جيتك ابيك تساعدني وانت مافزعت لي ايه الله يعيين وتعرف من تساعد وتفزع له ولاانا وغيري الضعوف تسلك لهم وبس كان علمتني من الاول وماخلتيني اذل نفسي عندك 　 النــــادر الله يصلحك وش مخدرات بدينا نخربط بعين وش تذل وما تذل ما عاش من يذلك ولا يذل غيرك بس موضوع السلاح معروف موقفنا منه حتى لو هو مصرح نشر اي شي بخصوص السلاح ممنوع والمنع من فوق . تشرفت بمعرفتك وانا على استعداد بمساعدتك بما تراه مناسب لك ولكن فكنا من السلاح وطاري المخدرات 　 التميراوي عزوز انا كل الي اقصده اني ماسويت شيء غلط بس طلبت منك تبيع لي سلاح وانت رفضت وسويت لي مشكله علشان كذا قلت الي يشوفني ابيع مخدرات كل الي ابغى منك ترسلهم بالرسايل الخاصه يمكن تلقا احد يشتري وانا قصرت وانا اترجاك وانا مابي منك الاتساعدني في موضوع السلاح وانت مدير الممنتدى وتصرف التميراوي عزوز ليه ماترد علي وش صار علي الي قلتلك بترسلهم ولالا ترا تعبت وانا انتظرر ماصارت النــــادر مانيب مرسل شي ارتح ولاتزعج المشرفين برسايلك واذا كررت الرسائل بوقفك التميراوي عزوز افاا بس وش فيك علي يالنادر انا وش سويت وخلاص ماعاد مرسل شيء ارتاح وانا مارسلت لاحد ومازعجت المشرفين مثل ماتقول وشكرا على حسن معاملتكم معي وانا لي الله ماينساني ** للاسف ماعاد رد علي واضطريت اعترف له التميراوي عزوز النادر اذا دخلت رد علي ابيك ضروري ضروري حبيت اسلم علييك واقولك حياك الله كنت ضيف معنا بصادوووه مع لمووس هههه , ودي اطول معك بس خفت تشطبني النــــادر حسبي الله عليك انا اشطبك ولا اوقفك والله مايكفي كنت ماخذ حذري هالسنه بس موضوع السلاح قويه وين جتك هالفكره والله شكيت بالامر بس الي خلاني اصدق فصلك من العمل الصدق تعاطفت معه واجد على العموم عافاك الله وجهودك رائعه . 　 　التميراوي عزوز ههههههههههههههههههه اشطبني احس حل هع والله مدري انا اشوف الممنوعات بالمنتدى واخلي المقلب فيها علشان اقدر اصيدكم ههههههههههه انا ماسكه قلبي قلت الله يستر لايكفشني بس الحمدالله عدت ع خير الله يعاافيك ويخليك ي الطيب تمنياتي لكم بقزقزة ممتعه ولاتنسوني من تقيماتكم الحلوة لموووس

هههههههههههههههه
قويه والله الاسلحه وصيده اقوى
والله الواحد مايتوقع انها صادوه لانك منزله صورة الاسلحه ومجهزه شغلك ع آلآخر
عوآفي ع المقلب بجد رووعه وبأنتظار الصيدآت الثآنيه

هههههههههههههاي

قويه لموسه احرجتي النادر....

موضوع مميز كتميز تواجدك

اقتباس: هههههههههههههههه قويه والله الاسلحه وصيده اقوى والله الواحد مايتوقع انها صادوه لانك منزله صورة الاسلحه ومجهزه شغلك ع آلآخر عوآفي ع المقلب بجد رووعه وبأنتظار الصيدآت الثآنيه

مليت مالقيت مقلب بيصدقه النادر الابهالطريقه

ههه أي لازم يكون عندي الدليل

الرووعه طلتك حياك الله قلبو

اقتباس: هههههههههههههاي قويه لموسه احرجتي النادر.... موضوع مميز كتميز تواجدك

هههه والله انه انسان طيب يبي يساعدني بس مايبغاني ابيع سلاح
والله لواحد ثاني كان قلعتك انت وسلاحك ووظيفتك ازعجتنا هع
بس ماشالله عليه طويل بال الله يسعده
وحياك الله عزووف نورتي ي عسسوله

هههههههههههههههههههههه
والله مقلبتي بالنادر مقلبه
والله الضعيف راح فيها الخوف مليح
ومن خاف سلم الرجال عنده عيال تبينه يروح للحاير
الله يعين الي بعده مقلبتي بالمنتدى
تسلمي على الموضوع المميز والممتع الله يسعدك

خخخخخ ياحليلك يا لنادر الخوف مليح يسلموو لموس

الف شكر لك ولجهودك وصادوه كل سنه وأضحه مره يعني المفروض تغييرين فيه

احسن لك

اهم شي بَ النادر انه ماسك أعصابه ماشآء الله عليه
لو اني منه طيرته ازعاج صراحه هههههههه !
لميس ما قصرتي بطولةة البال أهنيك
عوافي ع المقلب و الجهود 💕

واحلى صيده يالنادروزين انك ماكفشتها من اول شي لانها عرفت كيف
تلعبها صح يرحم التميراوي عزوز من كثر ما يلح عليك ودك تتصدق عليه وتفتك منه هههههه