عيون المولع

البرق لعيون المولع مناديب
.. .. .. .. والبيد لأقدام الخلاوي ركايب

وأرواحنا لهموم بقعاء معازيب
.. .. .. .. ومعزب الأرواح قبر ونصايب

سبحان من يخفي عن العالم الغيب
.. .... .. وخلّ الوعد مع نازع الروح غايب

كلن يسوق الرجل ويروح ويجيب
.. .. .. .. أحدن يجيب بسلم واحدن نهايب

أحدن يجيب الفود والعز والطيب
.. .. .. .. واحدن يذله كل ماكان جايب

ومن لاستر وجهه عن الذل والعيب
.. .. .. .. ماعاد يلقى لذل وجهه طبايب

ومن لاحمى وجهه قبل طلعة الشيب
.. .. .. .. محدن يعوضه وجه لاصار شايب

ولاصار ذكرك فوق روس المراقيب
. .. .. خلك على دربك ترى الدرب صايب

اتصير في عيون النشاما كما الذيب
... .. .. وفعيون عدوانك عطيب الضرايب

موت الفتى بالمرهفات المحاديب
.. .... .. أخيـيـر من حين مع الناس خايب

موتن تباكى له عيون الأجانيب
.. .... .. ولا عيشتن تدعي عليها القرايب

ولّي نـفـوسن ماتروم المواجيب
.. .. .. .. ولّي يدينن ماتسد النوايب

عذر الردي ماكل من يجهد مصيب
.. .. .. .. عود الحماطه كاسرته الهبايب

مايخلف الهقوه اطوال الأشانيب
.. .. .. .. صحيح من قال المراجل وهايب

يربى على الشاهوب عكف المخاليب
.. .. .. .. والا الوطى يرباه بوم الخرايب

من راقب العالم يشوف التعاجيب
.. .. .. ومن طاول الدنيا يشوف الغرايب

غير النبي محدن بليا عذاريب
.. .. .. .. وكلن على الثاني سيوله جذايب

ما كامل إلا وجه جزل التواهيب
.. .... .. ولا رابح إلا اللي من الذنب تايب

كلن ذنوبه تغرق الكم و الجيب
.. .. .. .. وكلن عليه امن الليالي مصايب

ليه الحسد والغل والشك والريب
.. .. .. .. وليه القطيعة واندلاع الحرايب

يولد الأحقاد شذب العراقيب
.. .. .. .. والحقد سمٍ فالمعاليق ذايب

شرارةٍ من ملحقين المشاهيب
.. .. .. .. من ناشته خلت ضلوعه حطايب

يومون بالأمواس مثل القصاصيب
.. .. .. .. ذنبن يوقف منه قطر السحايب

لعل من يفرح بشيل المشاعيب
.. .. .. ويصير في فرقى الرفاقه سبايب

تقطع عراويه من الرزق والصيب
.. .. .. .. ويموت ماتنظر عيونه حبايب

وتصفى النفوس ويركدن المشاريب
.. .. .. .. لا به ذنب عقرب ولا به نشايب

هذا بعض ما علمتني التجاريب
.. .. .. .. اللي من الأيام جتني جلايب

لا كامل إلا وجه من يعلم الغيب
.. .. .. .. ولارابح إلا اللي عن الذنب تايب

موتن تباكى له عيون الأجانيب
.. .... .. ولا عيشتن تدعي عليها القرايب

الله الله ,
قصيدة تكتبِ بـ مآء الذهبِ ,
جعل يدكَ تسلم بـ هالحضور المميز , والذائقه الأروع ,

لك الشكر والتقدير
لآهنت ,

موت الفتى بالمرهفات المحاديب
.. .... .. أخيـيـر من حين مع الناس خايب


حينما يكون للابداع مقر
فهنا مقره
وحينما يبلغ الحرف منتهى الروعه
فهنا منتهاه
سلمت ع الاختيار الجميل .. ()

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    موتن تباكى له عيون الأجانيب .. .... .. ولا عيشتن تدعي عليها القرايب الله الله , قصيدة تكتبِ بـ مآء الذهبِ , جعل يدكَ تسلم بـ هالحضور المميز , والذائقه الأروع , لك الشكر والتقدير لآهنت ,

عافاك الله اختي الوفاء حضورك هو الجميل
وفقك لله لكل خير وشكرا على الاطراء

اقتباس: المشاركة الأصلية كتبت بواسطة moketa    موت الفتى بالمرهفات المحاديب .. .... .. أخيـيـر من حين مع الناس خايب حينما يكون للابداع مقر فهنا مقره وحينما يبلغ الحرف منتهى الروعه فهنا منتهاه سلمت ع الاختيار الجميل .. ()

على الرحب والسعه اختي moketa شكرا على هذا الحضور والاطراء
وفقك لله

كلمات رائعه وأسلوب شاعر متمكن ومبدع ..
تسلم النادر .. على حسن الاختيار والنقل المميز

أحدن يجيب الفود والعز والطيب
.. .. .. .. واحدن يذله كل ماكان جايب


ومن لاستر وجهه عن الذل والعيب
.. .. .. .. ماعاد يلقى لذل وجهه طبايب

.....
من راقب العالم يشوف التعاجيب
.. .. ....... ومن طاول الدنيا يشوف الغرايب

آبيآت قويه و جميله بجمآل آختيآرك
آهنيك ع الذآئقه المميزه
سلمت يدآك ..

اقتباس: المشاركة الأصلية كتبت بواسطة الباهي    كلمات رائعه وأسلوب شاعر متمكن ومبدع .. تسلم النادر .. على حسن الاختيار والنقل المميز

حيالله اخي الباهي شكرا لحضورك وتشريفك
والمميز تواجدك

اقتباس: المشاركة الأصلية كتبت بواسطة الراقيه    أحدن يجيب الفود والعز والطيب .. .. .. .. واحدن يذله كل ماكان جايب ومن لاستر وجهه عن الذل والعيب .. .. .. .. ماعاد يلقى لذل وجهه طبايب ..... من راقب العالم يشوف التعاجيب .. .. ....... ومن طاول الدنيا يشوف الغرايب آبيآت قويه و جميله بجمآل آختيآرك آهنيك ع الذآئقه المميزه سلمت يدآك ..

على الرحب والسعه اختي الراقيه ويسلم غاليك
شاكر لك هالتواجد والاطراء والله يوفقك

ابيات في قمة الابداع

قصييده مميزه ورائعه

أبدعت الاختيار خيو