لا تنشد القلب وش عناه وش .. رده

لا تنشد القلب وش عناه وش .. رده
إن قـلت أدلـك يقول الـوقت لـي غادي


عيّت ظروفك رخا .. وش عاد بالشده
خـل المشــاريه لــون المسأله ســادي


اتعـبت الــقلب وهـــو وده ولا وده
مــعذور ما دام بــك موتـــي وميلادي


اجيك ضامي غــلا وانــا على عـــده
واي والله ارجع وانا ما احصل مرادي


اجاملك والوله عــندي وصــل حــده
ياليت تدري بغلاك اغــلى من فــؤادي


واجد بهالوقت اشوف قــلوب مرتده
وان جيت ابا ارتد معهم ردني منادي


من علمك هالجفا من شار... بالصده
هو ما درى انه طفا بي شمـعة ودادي


من شافني قال هالمغرور مــن قــده
مايدري اني سببك اصارع رقـــادي


اخذت مـــنك جـــروح مـــقبله مــصـدّه
وش حدني لك سوى الاصرار وعنادي


من برد صدرك حرقت وجيــه منهدّه
تعبت ابا ادفى واخاف اولــع شدادي


البحر الاحمر سبب لونه ســهم جـــدّه
ومن كثر عشقه لــها متهيجن هـــادي


ما همّه صدودها مـــا شــح فــي مــدّه
ما اختار رغم القسى وما اختار له وادي


بسلامة اللي سهــر وايــده على خـــده
العب ما دام الهوى ســيّد مــن اسيادي


ايه اعشقك والغــلا مــلعون ابــو جــده
ان قلت عادي حشــى والله مـــو عادي


عرفت هالــقلب وش عنـــاه وش رده
مــعذور ما دام بــك موتـــي وميلادي


.. حمد السعيد ..

اخذت مـــنك جـــروح مـــقبله مــصـدّه
وش حدني لك سوى الاصرار وعنادي

في قمه الأبدآعَ ,
اعجبتني هالقصيدة لـ شآعرها الكبير , حمد السعيد
لاهنتي ي الغاليهه

قصيده جد رووعه
تسلمي يا الغلا ع الانتقااءالرائع
يعطيك العافيه

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    اخذت مـــنك جـــروح مـــقبله مــصـدّه وش حدني لك سوى الاصرار وعنادي في قمه الأبدآعَ , اعجبتني هالقصيدة لـ شآعرها الكبير , حمد السعيد لاهنتي ي الغاليهه

اسعدني كثيرا انها نالت من اعجابك غاليتي الوفاء

شاكره وممتنه لك حظورك الجميل

اختيار موفق

شكرا قصائد

يآسلآم ع رووعة آلآبيآت
صح لسآن شاعرها وسلمتِ يالحبيبه على آلآختيآر الرآئع ..

بسلامة اللي سهــر وايــده على خـــده
العب ما دام الهوى ســيّد مــن اسيادي


ايه اعشقك والغــلا مــلعون ابــو جــده
ان قلت عادي حشــى والله مـــو عادي

ابيات جميله جدا عافاك الله قصائد على جمال الاختيار

اقتباس: المشاركة الأصلية كتبت بواسطة جروح الوفا*    قصيده جد رووعه تسلمي يا الغلا ع الانتقااءالرائع يعطيك العافيه

الله يسلمك ياالغلا

جميل هو مرورك العطر ياجروحه

شاكره لك حبيبتي

اقتباس: المشاركة الأصلية كتبت بواسطة كلاش تمير    اختيار موفق شكرا قصائد

مرحبا بك اخي الفاضل

اسعدني مرورك الكريم شكرا لك

من علمك هالجفا من شار... بالصده
هو ما درى انه طفا بي شمـعة ودادي
البحر الاحمر سبب لونه ســهم جـــدّه
ومن كثر عشقه لــها متهيجن هـــادي
ما همّه صدودها مـــا شــح فــي مــدّه
ما اختار رغم القسى وما اختار له وادي

نقل رائع ومميز ..
قصيدة جميلة جداً ومعـبره .. تسلمي قصائد .