هل هذه دار تحفيظ

السلام عليكم ...


واحنا مارين بالصدفه من دار تحفيظ القران بالعزيزيه للآولاد ,انصدمت الصراحه من منظر المبنى ماتوقعته ابد ابد يكون كذا ...



هذي اللوحه اللي اتوقع لها 100 الف سنه موجوده , والشمس حارقه ابو ابو جدها حتى الكلام موب واضح وجودها وعدمها واحد ..





هذا الدار من برا , شوفو شكلها كيف مهلله ومتقشعه وحالتها حاله . وهذا يسبب خطر على طلابنا لاقدر الله يمكن المبنى يطيح عليهم في غمضه عين . واذا جاء المطر اتوقع بيخرب كله ويهلهل..

ب الله عليكم هذا دار تحفيظ قرآن كريم , دار يعم بكتاب وقراءة وحفظ كتاب الله ,

وين المسؤؤلين عنه , وين الامانه ,لو يحصل لي دخلت جوى الدار وشفت شكلها وصورة لكم .. ف اذا شكلها من برا كذا هالكه ولو ارجفها طاحت فكيف يكون شكلها من جوى ...





مع احترامي لو عندي هذي الدار لحطيتها حظيره غنم وليس دار تحفيظ ...





* انا اتمنى اني اكون غلطان ويجي احد يقول ان هذي دار تحفيظ قديمه محد يستخدمها ,مع اني عارف انها تستخدم, او يجي احد ويقول الدار الجديده للتحفيظ على وشك الانتهاء منها

الله يجزاك خير

من حقه ينتقد ليه تردون عليه بالشكل ذا
وين مسئول الجمعيه مايرد
انت صادق اخوي اكيد مبني مستاجر ليه مايدورون مبنى ازين من ذا واجد
الله يجزاك الله خير

اقتباس: المشاركة الأصلية كتبت بواسطة ريح الندى    تبرع بدار ولا زينها وغير اللوحة بدل الانتقاد ولا خل ولدك عندك احمد ربك ضافينه عنك العصر كان تبلش به وتجلس عنده كل عصريه

الحكومه ماقصرت لو المسؤؤلين المختصين بهذا الشي مطالبين كان استاجرو او بنو ممبني لهم ازين وازين .. ثاني شي انا طالب يعني لاراتب يمشي لي عشان اروح اتبرع لهم ,, وثالث شي لو عندي ولد اسجله بتحفيظ الخالديه احسن من هذي على الاقل تتهيى نفسه للقراءه والحفظ اذا شاف شي زين ,,ورابع شي تفكيرك اللهم لاشماته , ايش ضافينه , يعني عيال الناس مالهم بيوت يجلسون فيها وبنظرك كل اللي يدرسون فيها اهلهم حاطينهم علشان لايبلشون فيهم ! ... واللي مايبي يبلش بعياله لايجيب عيال من الاساس

اقتباس: المشاركة الأصلية كتبت بواسطة التميميه.    من حقه ينتقد ليه تردون عليه بالشكل ذا وين مسئول الجمعيه مايرد انت صادق اخوي اكيد مبني مستاجر ليه مايدورون مبنى ازين من ذا واجد الله يجزاك الله خير

ناس مريضه تبي تنتقد وبس , بدال لايطالبون ينتقدون

,,,

صدقتي احنا ننتظر المسؤؤل عن هذا الشي يجي يرد لنا ويوضح كل شي ولا تجلس الدار بهذا الشكل استغفر الله ..

لو انها منتزه ولا شي كان الكل طالب وتعدلت بسرعه


مشكوره على الرد

رغم قناعتي التامه ان ايجاد مبنى امر صعب جدا ؛ او حتى مقر ؛؛؛ الا اني لا ارى هناك مشكله في ان ينتقد اي شخص في تمير عملا يراه غير مناسب باسلوب جيد ؛ و للجهة المنتقده حق الرد ؛؛ و منتديات تمير تعطي المساحة الكاملة للنقد الهادف و الرد للجهة صاحبة الحق في ذلك ؛؛

بالتوفيق للجميع

تحياتي

الشق اكبر من الرقعه

ليتها توقف على مبنى

اتمنى من رجال الاعمال بتمير
ان يلتفتوا الى هذا المبنى ويقمون بترميمه او هدمه وبناء مبنى
يليق بجمعية القران الكريم
ولايخفى عليكم الاجر وخاصه انه مبنى لحفظ القران
وان يجعل في موضوعك هذا فرصه لرجل اعمال يقوم ببناء مبنى
ويكتب لك اجره يارب ..