|..ابشر بعزك لو تبي روح مغليك..|

ابشر بعزك لو تبي روح مغليك
....................في ذمتي تفداك والعمر فاني
سبع البحور ان جات وش قلت ترضيك
..................وان كان ماترضيك خذها ثماني
انت الذي بالكون لو تشر يديك
..................تركع لك حروف القصيد بثواني
اضرب على الكايد معي لايهديك
....................مال القصيد الجزل حد ائتماني
ابكتبك وارسمّك واطرّبك واهديك
.....................لين يتمايل عودك الخيزراني
انت الملاك ومن يفكر يباريك
....................يفقد ثقة نفسه معاك ويعاني
يضيع من يمشي حبيبي حواليك
................. حسنك على كل المخاليق جاني
وانا احبك واعشقك وافتخر فيك
.....................ياحب ماله من جماله مؤاني
لامر ياسيد المزايين طاريك
....................من كثر ماحبك يزلزل كياني
جيتك ابي قربك ولاجيت اسليك
................... يافرحة سنيني وشمعة زماني
اخذ الغلا لك كاش ماهو على شيك
.................ياللي نسيت الكون كله عشاني
كان الغلا لك حدني للتهاليك
.....................الموت واحدمايثنى بثاني
واذا اشتعل بالحب لك قلب مغليك
..................تذوب في صدر القصيد المعاني

راقت لي جدا
لمووس

ابيااات رووووعه ماشاء الله
تسلمي على الاختيار الرائع

آبيآت جميله بجمآل آختيآرك
سلمت ...

جمميل يعطيك الف عافيةة

ربي يسسلمكم يآعسسولين
منورين ي غاليين :)

اختيار رائع
اهتيك

تسلم ي آالعالمي
نورت ..|