رساله للبلديه

مرحبا بالاعضاء

هذي رساله لبلديه تمير

اخوننا ي البلديه نتمنى منكم الاهتمام بمنظر تمير فاليوم رحت للمحل الجديد تمير مول والا الموقع الي حوله وحول مطعم المتميز كله تربات وحوسه وما فيه اهتمام ليش ما يزفلت والله ان العربيه وقفتها عند المحل وقمت اروح احط الاغراض وارجع اخذ باقي الاغراض فالعربيه ما تمشي في الموقع رمل وتربات وجروف يا ليت تهتمون فالمنظر فهذا يعكس الصوره عنكم

فعلا والوضع مخزى والدعوى كلها كم متر من الازفلت

لقد اسمعت اذ ناديت حيا ولكن ﻻحياة لمن تنادي

الديره في تطور وتقدم ماشاء الله تبارك الرحمن ... وباذن الله ينظر في هذا الامر .

بلديه ما تهتم الا في امور تخصها




هذي منظر لاكبر سوق بهذي الشكل والمطعم مثله
فضيحه ومنظر مخزي

ملاحـظه جـديرهـ بالأهتمــام ، وإن كان حسب علمي وعملي في البلديات سابقاً أن المسئول عن السفلته هـو صاحب المشروع فكيف سمح له
بإفتتاح المحلات قبل القيام بالسفلته ثم إن مدخل السوق سئ وخطر وسبق أن تكلمت مع أحد المسئولين في السوق وأعطيته مقترح بأن
يكون وسط المدخل عباره عن درج والجوانب تكون مسطحه لخروج العربات ..

اقتباس: المشاركة الأصلية كتبت بواسطة ابوعبدالرحمن11    ملاحـظه جـديرهـ بالأهتمــام ، وإن كان حسب علمي وعملي في البلديات سابقاً أن المسئول عن السفلته هـو صاحب المشروع فكيف سمح له بإفتتاح المحلات قبل القيام بالسفلته ثم إن مدخل السوق سئ وخطر وسبق أن تكلمت مع أحد المسئولين في السوق وأعطيته مقترح بأن يكون وسط المدخل عباره عن درج والجوانب تكون مسطحه لخروج العربات ..

في كل الحالتين هنالك خطا وتجاوز

والله يبو عبدالرحمن المكان سيئ تاخذ اغراضك وماتقدر توصل العربيه للسياره وتظطر تشيل وتوديهن للسيلره عدت مرات
الوضع سيبه للاسف عندنا

بالهون يا اهلي اهل تمير....البلدية على قدم وساق لتطوير مدينتنا ومهما كان التسيب فهو لا يمثل إلا الشيء القليل فيما تقدمة

انا لا ادافع عنها ولكن الاشياء الثانوية علينا الصبر وإذا لم يتم التجاوب حينها لكل حادث حديث.

إذا قارنت مدينتنا بالنسبة للغير وخاصة في سدير.....لعرفت قيمتها

لكل جهة مساوئ ولكننا الاقل

تم الموفقه