محمد عبده يفجرها: زوجتي الأولى نكدية والفرنسية علمتني معنى الحياة..!!

محمد عبده يفجرها: زوجتي الأولى نكدية والفرنسية علمتني معنى الحياة..!!

محمد عبده مع ابنه خالد




09-24-1434 03:55 PM
عاجل (متابعات)-
اعترف الفنان السعودي محمد عبده، أنه كان يشعر بالظلم في تجربة زواجه المرة الأولى، وانتهت بحضانته لأولاده وتربيتهم وتعليمهم.

وقال عبده: أنه "مر بفترات صعبة في زواجه الأول من حيث التعب والإرهاق على المسرح والنكد داخل البيت من زوجته ، لكن زواجه الثاني من السيدة الفرنسية غيّرت حياته، وشعر وكأنه يتزوج وينجب للمرة الأولى في حياته".

وأضاف: "زوجتي الثانية أم خالد أنستني تعب السنين كلها، فالحب بيننا متبادل، وبيننا كيمياء من اللحظة ا?ولى للقائي بها، فهي زوجة وأم وست بيت بكل معنى الكلمة".

وكشف أيضاً "أن أولاده هم من كانوا وراء زواجه من أم خالد، بعدما تعرّفوا عليها ووجدوها سيّدة محترمة تحبهم كثيراً وتهتم بهم

وليه مايكون هو النكدي وهو معاملته كنهه وجهه مع زوجته الاولى
وبعدين هومافيه خير لوفيه خير ماآعلن امام الملآآ عيوب زوجته والله هذي مب مرجلهه
كذا الاغلبييه مع زوجاتهم الاولى معاملتهم غيير ومع الثانيه غير غيروو معاملاتكم واعدلو بينهم وبتتغير زوجاتكم
جد والله انه سسسسسسخيف ومب رجال للاسف

اقتباس: المشاركة الأصلية كتبت بواسطة لميس    وليه مايكون هو النكدي وهو معاملته كنهه وجهه مع زوجته الاولى وبعدين هومافيه خير لوفيه خير ماآعلن امام الملآآ عيوب زوجته والله هذي مب مرجلهه كذا الاغلبييه مع زوجاتهم الاولى معاملتهم غيير ومع الثانيه غير غيروو معاملاتكم واعدلو بينهم وبتتغير زوجاتكم جد والله انه سسسسسسخيف ومب رجال للاسف

ليه نكدي !
يقول حرمته الاولى ماتقدر ظروفة وسهراته الغنائية ،يعني حرمته الاولى تنصحه وتقول استح على وجهك بيتك وعيالك لهم عليك حق !
وانت من تزوجنا وانت لاهي في الغناء والرقص مع الفنانات والمعجبات ،يكفي !!!
راح وخذ الفرنسية لانها متفتحة وديمقراطية ويمكن انها طيبة مانظلمها !
بالنسبة للزواج بالثانية مافيها شي حلال وكل واحد يعرس ،لكن تبين الثانية تجي مثل الاوله ،حتى لو بغينا مانقدر الاوله انتهت صلاحيتها يسد هالسنين اللي راحت !
لكن محمد عبده مهما صار فهو مجرد فنان ولا يقتدى به

شكرا لك ليمس

مااتوقع هذآ كلآمه عن زوجته الاوى وام عياله !!!
مو كل شي نشوفه ونسمعه نصدقه
شكرا ع النقل ..

اقتباس: المشاركة الأصلية كتبت بواسطة الراقيه    مااتوقع هذآ كلآمه عن زوجته الاوى وام عياله !!! مو كل شي نشوفه ونسمعه نصدقه شكرا ع النقل ..

حنا نعلق على خبر منقول على لسانه ،وصورته على الخبر ،وولده على متنه شايله!
وفعلا هو رجال خلوق ومؤدب !غريبة منه

شكرا الراقية على حضورك

من آدآب الطلآق

ألا يفشي سرها لا في الطلاق ولا عند النكاح، فقد روي عن أبي سعيد الخدري –رضي الله عنه- أن النبي –صلى الله عليه وسلم- قال: {إن من شر الناس عند الله منزلة يوم القيامة الرجل يفضي إلى امرأته وتفضي إليه ثم ينشر أحدهما سر صاحبه} رواه مسلم وأبو داود وغيرهما، وروي عن بعض الصالحين أنه أراد طلاق امرأته فقيل له: ما الذي يريبك فيها ؟ فقال: العاقل لا يهتك ستر امرأته، فلما طلقها قيل: لم طلقتها ؟ فقال: مالي لمرأة غيري، وروي أيضاً أن رجلاً طلق زوجته فسأله أحد الناس عن السبب في طلاقها فقال: كنت أصون لساني عند ذكر عيوبها وهي زوجتي فكيف أستبيح ذلك وقد صارت أجنبية عني؟

و بنفس الوقت ..
مآ أتوقع منه يقول هالكلام ..
مهما صآر تبقى أم عيآله ..
ومهما صآر مآيتكلم عليهآ قدآم الملأ
:)

الله يسعدك الكآريبي

اقتباس: المشاركة الأصلية كتبت بواسطة الكاريبي    ليه نكدي ! يقول حرمته الاولى ماتقدر ظروفة وسهراته الغنائية ،يعني حرمته الاولى تنصحه وتقول استح على وجهك بيتك وعيالك لهم عليك حق ! وانت من تزوجنا وانت لاهي في الغناء والرقص مع الفنانات والمعجبات ،يكفي !!! راح وخذ الفرنسية لانها متفتحة وديمقراطية ويمكن انها طيبة مانظلمها ! بالنسبة للزواج بالثانية مافيها شي حلال وكل واحد يعرس ،لكن تبين الثانية تجي مثل الاوله ،حتى لو بغينا مانقدر الاوله انتهت صلاحيتها يسد هالسنين اللي راحت ! لكن محمد عبده مهما صار فهو مجرد فنان ولا يقتدى به شكرا لك ليمس

ايه يمكن وماتنلام والله والحين عرفنا من النكدي مايبي احد ينصحه هو يبي وحده متفتحه وترضى بكل شيء
الزواج بثانيه مافيها شيء للي يعدل ويخاف الله !!! لكن قلة !!!
، وليه انتهت صلاحية زوجته الاولى ؟؟؟؟؟وهو يعني ماتنتهي صلاحيته!!اجل ماينلامون عياله اذا ذبوه بالعجزه لان صلاحيته هو بعد انتهت
كما تدين تدان ومفروض الواحد يتقِ الله في زوجاته ويخاف الله ولا لايتززوج لان الله مراح يرضى بالظلم والاغلبيه وللاسف مايعدلون
وااذ فعلا هو متكلم بزوجته الاولى اذا هوو مب رجال ولاكفوو

إشآَعة يَ أبوي إِششآَعه , هههههههه : )

علشانه موب رجال ولايصون العشرة ولايقدرة

اخاف هو النكدي ومنكد ع حرمته وغربلها

واي ش قال زوجتي الاولى نكديه

خاف الله يوم صبرت عليك وعاشت معك ع المر والذل وسهراتك وطلعاتك وسفرياتك وفي اخر شي تكآفإها به الكلام

راحت المرجله. اذ كان هذا الكلام صحيح

اقتباس: المشاركة الأصلية كتبت بواسطة بوح المشـاعر    من آدآب الطلآق ألا يفشي سرها لا في الطلاق ولا عند النكاح، فقد روي عن أبي سعيد الخدري –رضي الله عنه- أن النبي –صلى الله عليه وسلم- قال: {إن من شر الناس عند الله منزلة يوم القيامة الرجل يفضي إلى امرأته وتفضي إليه ثم ينشر أحدهما سر صاحبه} رواه مسلم وأبو داود وغيرهما، وروي عن بعض الصالحين أنه أراد طلاق امرأته فقيل له: ما الذي يريبك فيها ؟ فقال: العاقل لا يهتك ستر امرأته، فلما طلقها قيل: لم طلقتها ؟ فقال: مالي لمرأة غيري، وروي أيضاً أن رجلاً طلق زوجته فسأله أحد الناس عن السبب في طلاقها فقال: كنت أصون لساني عند ذكر عيوبها وهي زوجتي فكيف أستبيح ذلك وقد صارت أجنبية عني؟ و بنفس الوقت .. مآ أتوقع منه يقول هالكلام .. مهما صآر تبقى أم عيآله .. ومهما صآر مآيتكلم عليهآ قدآم الملأ :) الله يسعدك الكآريبي

شكرا على المداخلة الطيبة والتوجيه الرائع !
بس هو قال الكلام هذا يوم احرجوه وقال خبثت العيشة بيني وبينها وبس ،ماذكر شي يعاب ،وكثير نسمع من الصاحبة عن اسباب الطلاق ويقال خبثت العشرة بيننا وانتهى !!!!!
الرجال طلقها من سبب ولو انها جايزة له ماطلقها ،

شكرا لك على المداخلة الرائعة يامشاعر