( حكاوي رمضانية ) ذكريات الزمن الجميل مع آبو [ المصمم ] محمد بن أبراهيم السعيدآن

السلآم عليكم ورحمة الله وبركآته كل عآم والجميع بخير نعود اليكم مجددآ عبر موضوع حكآوي رمضانيه لنستمتع بحكآوي أبائنا وأجدادنا ولآ يحلو الحديث آلآمعهم لأجدادنا وأبائنا الكثير من الحكايات والمواقف في رمضان فسوالفهم لها طعمها الخاص . والجلوس معهم يذكرك بماضي جميل قلوب بيضاء . ونفس طيبة . وضحكـة لاتفارق المحيا فهم الخير والبركة .. أحببنا هنا في حكاوي رمضانيه أن نلتقي بمجموعة من كبآر السن من آبآء وآمهآت نحاورهم ونتذكر معهم رمضان مابين الماضي والحاضر وحكاويهم معه .. ومعنآ اليوم أبو المصمم ( محمد بن ابراهيم السعيدان ) شيخ فاضل . ورجل محبوب عندما تنظر إليه تتذكر ذلك الزمن الجميل زمن الأباء والأجداد . زمن النفس الطيبه ..والكلمه الصادقه / البطاقه الشخصيه محمد بن ابراهيم السعيدان مستخدم في وزارة الصحة وتقاعدت في عام 1411هـ تقريبا بعد خدمة 33 سنه /كيف تستقبلون إعلان دخول شهر رمضان المبارك . وش كانت مشاعركم بالحاره إذا وصلكم الخبر ؟ كنا نستقبله من الذين يوجد عندهم راديو الذين يعيشون في المدن الكبار . كانت مشاعرنا لاتوصف من الفرحة بدخول هذا الشهر الكريم / كم كان عمرك أول مره صمت وكم يوم صمت في أول رمضان تصومه ؟ لا اتذكر ولكن تقريبا 11 سنه الايام التي صمتها في اول رمضان لااتذكرها ولكنها لا تتعدى العشرة ايام وكيف تعرفون بدخول شهر رمضان ؟ من الذين ياتون من المدن الكبيرة او بمنازل القمر اذكر مره وقد كبرت وصمت رمضان كاملا قد صمنا يوم العيد ونحن لانعلم بالعيد وجاء احدهم من المدينه واخبرنا انه عيد وافطرنا الظهر / كيف كان سحوركم وفطوركم وماهي كانت أشهر المأكولات عندكم ، وهل كنتم تجتمعون على الفطور بالحارة أو بالبيت ؟ كان فطورنا وسحورنا اغلب شي اللبن والتمر والقهوة وبعض المرات المرقوق والجريش كنا نجتمع في البيت ماهي أشهر المواقف اللي حصلت لك في شهر رمضان ولازالت عالقة بذهنك للحين ؟ لا اتذكر موقف وين كنت تصلي التراويح ؟ ومنهم أشهر الأئمة اللي كنت تصلي معهم وهل تتذكر أحد من الجماعة ؟ كنت اصلي التراويح في المسجد الجامع وكان اشهر الائمة هو حسن الخطيب رحمة الله عليه نعم اذكرهم هم غزاي القطيمي ومحمد خريص القطيمي و طفيل المراغة وبندر ابو مالك وغريب البزير وسمير خريص القطيمي الجماعة كثيرون / هل فيه فرق بين رمضان على أيامكم ورمضان الحين ؟ نعم الفرق كبير كان رمضان في السابق نحس بالصيام من الجوع والعطش لأننا كنا نشتغل ولكن الان ينامون من الفجر الي المغرب ويقولون نحن صائمون ولم يحسو بالجوع والعطش / وش اللي فقدته في رمضان زمان والحين غير موجود ؟ الاجتماعات الاسرية انفقدت في هذه الازمان الاخيره / كيف كنتم تستعدون للعشر الأواخر من رمضان ؟ كنا نستعد لها بالعكوف في المسجد / كيف كان يجيكم خبر العيد ؟ وعيدكم منول كيف كنتم تستعدون له وتقضونه ؟. مثل ماقلت في السابق احدهم ياتي من المدينة ويخبرنا وكنا نستعد له باابسط الاشياء ونقضيه بالزيارات بين الجماعة والاقارب /أول عمره لك في رمضان متى كانت ؟ وكيف كان السفر لمكة لأداء العمرة ؟ لا اتذكر في اي عام كانت ولكن كانت مشقة على سيارة ( لوري ) /وش رايك بالتغيرات اللي صارت ليومي الخميس والجمعه انا اصلاً ايامي كلها خميس وجمعة لاني متقاعد ولكن لو ماتغيرت يكون احسن /هل سمعت بمنتديات تمير ؟ وش رايك فيك ؟ سمعت بها من ابني وهو يثني عليها ولاسيما كانت لي احد اللقات فيها في عدد من اعداد مجلة المنتدى اشكر القائمين عليها واقول لهم الى الامام وبالتوفيق قصيده اعجبتك وتحفظها لا احفظ القصيد لغز تحب تشارك الاعضاء بحله اسف جدا ماعندي لغز

في نهآية الحكاوي آشكر آخي المصمم على ترتيب وارسآل الحكاوي جزآه الله خير والله يخلي ويحفظ له الوآلد
ويعطيه الصحه والعآفيه و طولة العمر والعمل الصآلح
وأن يتم عليه والجميع شهر رمضآن المبآرك بصحة وعافية ويجعلنآ فيه من المقبولين ومن عتقائه من النآر.. اللهم آمين..

بسم الله عليه
الله يطول عمره ويخليه لعياله وأهله
ي فديته وياليت من يفطر معه
بسم الله عليه ياحلو ايامهم ♥

يعطيكك العافيهه الراقيه

الله يطول بعمره
ويلبسه ثوب الصحه والعافيه
استمتعنا بحكاويه ومشكله تصوم واذا بقى ع المغرب شويات
قالوا افطروا اليوم عيد بعد الامساك عن المشرب والاكل
شكرا لمصمم ع هذا اللقاء الجميل
وشكر ايضاً لصاحبة الفكره والموضوع

لقااء ممتع مع والد المصمم
الله يخليه لك ويرزقك بره
والله هم حلااة الدنيا الله يطول ب آعمارهم
ومشكورة ي راقيتنا ع لقاائآتك الحلوة والشيقه

لقاء رائع وشيق وتمنيت ان يطول اكثر من كذا !

صراحة مابغيت اللقاء ينتهي

شكرا الراقية على الحكاية الرائعه مع والد المصمم !
وللمعلومية ترى محمدبن سعيدان واهله قبله رجال وفيهم خير وفيهم شجاعة وكرم واهل عمل ولزمة !
الله يمتع بايامة على الطاعة

اقتباس: المشاركة الأصلية كتبت بواسطة هذي انا    بسم الله عليه الله يطول عمره ويخليه لعياله وأهله ي فديته وياليت من يفطر معه بسم الله عليه ياحلو ايامهم ♥ يعطيكك العافيهه الراقيه

اللهم آمين
حياك يالغلآ منوره بحضورك وتعليقك
والله لايحرمنا هذآ الحضور الغالي ..

اقتباس: المشاركة الأصلية كتبت بواسطة الموادع    الله يطول بعمره ويلبسه ثوب الصحه والعافيه استمتعنا بحكاويه ومشكله تصوم واذا بقى ع المغرب شويات قالوا افطروا اليوم عيد بعد الامساك عن المشرب والاكل شكرا لمصمم ع هذا اللقاء الجميل وشكر ايضاً لصاحبة الفكره والموضوع

اللهم آمين
ياهلآ فيك وبحضورك الوآفي ..لآحرمنا الله من هـ الحضور ..

اقتباس: المشاركة الأصلية كتبت بواسطة لميس    لقااء ممتع مع والد المصمم الله يخليه لك ويرزقك بره والله هم حلااة الدنيا الله يطول ب آعمارهم ومشكورة ي راقيتنا ع لقاائآتك الحلوة والشيقه

اللهم آمين احنا بدونهم ولآشي الله يحفظهم يارب
شكرا لميس على حضورك الغالي ..

اقتباس: المشاركة الأصلية كتبت بواسطة الكاريبي    لقاء رائع وشيق وتمنيت ان يطول اكثر من كذا ! صراحة مابغيت اللقاء ينتهي شكرا الراقية على الحكاية الرائعه مع والد المصمم ! وللمعلومية ترى محمدبن سعيدان واهله قبله رجال وفيهم خير وفيهم شجاعة وكرم واهل عمل ولزمة ! الله يمتع بايامة على الطاعة

حكاوي الكبار لاتمل الله يطول بعمرهم
العفو اخوي وحياك الله شكرا لك ولتواجدك ومداخلتك ..