(الحلقة الثامنة /صادووة مع النـــــادر)

السلام عليكم ورحمة الله وبركاته مسساء الورد والجوري لجميع آعضاء منتديات تمير راح اطرح اليوم الحلقه الثامنه من برنامج مقالب (صادووه ) وان شالله تعجبكم وبالتوفيق يآآرب (آخليكم مع المقتطفات ) ماني فاضي تبي تتاكد من الصور مرني ولا تكثر الكلام انا الغلطان يوم انصحك وانبهك اسف وانت سوي الي تبي ربي فوقك والله الحرامي والله احسبك صادوه وتستهبل علي انت احد مسلطك علي ولا في راسك شي غريب امرك الصور وعرفتا مصدرها قصرت بس ماتقصر وانت تسرق صورغيرك وهالكلام مايمشيء علي ممنوع الرد نهائيا تمنياتي لكم بقزقزة ممتعه ولاتنسوني من تقيماتكم الحلوة لميس

السلام عليكم ورحمة الله وبركاته مسساء الورد والجوري لجميع آعضاء منتديات تمير راح اطرح اليوم الحلقه الثامنه من برنامج مقالب (صادووه ) وان شالله تعجبكم وبالتوفيق يآآرب اليوم معانا المشرف العام (النــــادر) انا حاولت اسحبه ب آسمي كيلوباترا لكن كثرت الشكاوي علي وهو شك فيني لذلك سجلت باسم جديد وبديت التسسحيب وسرقت موضوعه ومن تصويره وغيرت الحقوق ونزلته بمنتدى ثاني والمنتدى الثاني موجود اسم عضو اسمه النادر قلت خليه يكمل المقلب وبعد مانزلته ارسلت للنادر آخلييكم مع المقلب ، ڰڜ ݥـݪڴ مرحبا يالنادر شلونك ان شالله طيب بسالك الموضوع هذا انت الي مصوره http://www.tumaer.com/vb/showthread.php?t=111111 الصور من تصويرك ..! النادر بخير جعلك بخير نعم هذا من تصويري امر وش بغيت بس ڰڜ ݥـݪڴ اما من تصويرك والله غريبه انا مستغرب انك تنزل صور وتقول من تصويري والله شايفها بمنتدى ثاني ماهقيتها منك يالنادر الي اعرفه انك طيب وخلوق النادر شف اخوي ماعندي وقت عشان اقول ان الصور لي او اني على حق ترى مشغول وماني فاضي تبي تتاكد من الصور مرني ولا تكثر الكلام وحياك الله ڰڜ ݥـݪڴ مشغول ولا فاضي مايهمني بس قلت اعلمك انت القدوة للي في المنتدى شلون تنسب صور غيرك لنفسك حتى انت مسجل بالمنتدى نفسه واسمك موجود وهذا اكبر دليل وببحث عن الموضوع وبرسله لك علشان تصدق كلامي النادر ياليت تعطيني رابط الموضوع والمنتدى!!!! ڰڜ ݥـݪڴ هذارابط الموضوع علشان تصدقني وماتقول كذاب الرابط ......................!! مششفر النادر والله الحرامي والله احسبك صادوه وتستهبل علي على العموم الكاميره موجوده عندي والصور الاصليه ايضا موجوده وراح اسجل بالمنتدى وبتشوف الرد ان شاء الله ولو انت ماجيت هنا وقلت لي كان مادريت عن شي لكن بيض الله وجهك ڰڜ ݥـݪڴ والله انا للحين مستغرب وشلون اخذ الصور؟ بالبدايه شكيت فيك حسبت انت الي سارق الصور منه لكن الحين تاكدت انه لك اي والله حرامي ومايستحي على وجهه لازم توقفه عند حده عيني عينك وكاتب الحقوق عليها بعد ولو ماسويت الاالواجب والله يقويك عليه لازم يتادب النادر بيض الله وجهك يارب واخذت حقي والمشرف على منتداهم كتب تحت التغطيه انها لي بعدين تعال انت ماتشوف التاريخ انا بشهر 4 وهو بنهاية 5 . ومع ذلك ماقصرت ونبهتني والله من تغطيه راحت علينا بس يالله فداهم وهذا رده بالمنتدى الثاني ڰڜ ݥـݪڴ زين بس تبي الجد للحين ماصدقت ليه يسرقها انا الي شككني اكثر اسمك هناك حتى تبع الاداره ، والله مدري عنك يمكن انت الي سويت لها نسخ ولصق ترا الي يسرق ويكذب يجي يوم وينكشف انتبه بس والله يهديكم النادر ايه ربك يعين في الناس اجناس عجب وانت اعجب من رفيقك بمان لله ڰڜ ݥـݪڴ ,وش اعجب كلمه الحق ماتنزعل وانت مدير هناك ولونك احمر وشلون تجي بعقل هذا الي اكد لي هالشيء وانا جيت انصحك سبحان الله الي ينصح في هالزمن يزعلون منه وانا الغلطان يوم انصحك وانبهك اسف وانت سوي الي تبي ربي فوقك النادر انت احد مسلطك علي ولا في راسك شي غريب امرك الصور وعرفتا مصدرها والموضوع اغلق منهم وبعتراف من مديرهم يعني الموضوع انتهى انت وش تدور الحين ڰڜ ݥـݪڴ لاوالله محد مسلطني عليك بس ودي افهم شلون انت مدير هناك اسمك هناك ؟؟ والموضوع منزل هناك باسم واحد ثاني وهنا منزل باسمك شلون تجي هذي علشان كذا انا ارسلت لك ابي منك توضح لي لان وبصراحه ماحب اشوف الغلط واسكت النادر والاسم مكتوب باسمي كل واحد يسمي على كيفه والنادر ماهوب ملك لي اسم مثل باقي الاسماء ياليت يارب تكون فهمت ترى قصرت ومانيب فاضي هالايام ڰڜ ݥـݪڴ قصرت بس ماتقصر وانت تسرق صورغيرك وهالكلام مايمشيء علي اسمك وموجود وبالاحمر بعد والصور موجوده وباسم عضو ثاني الا اذا انت اسمك النيزك بعد وماتبي احد يعرف هذا شيء ثاني واذا انت مشغول كلنا موفاضين بس مايصلح نسكت عن الغلط وانا اخوك النادر انا النيزك بس لاتعلم احد زين ڰڜ ݥـݪڴ وبعد تكذب عيني عينك النيزك اصلا انا كشفتك وتلومني اذا قلت عنك تكذب افا بس ياحبك للكذب يالنادر النادر اقول الله يرحم من جابك انت في راسك شي ولا احد مسلطك الله لايسلطنا تراها وصلت وطالت وشمخت شف انا عمري ما اخطيت على احد ولا ابي اخطي عليك رح في حالك وفكني خلني اشتغل رمضان قريب وعندنا شغل كثير وماني فاضي اصبر الين يخلص رمضان ثم نكمل ڰڜ ݥـݪڴ اووف والله عصبت عادي اغلط علي ماعندي مشكله خلاص بفكك بس عندي طلب خاص حبيت اقولك كل عام وانت بخير ترا كل هذا مقلب وصيده اوكنت ضيف خفيف علينا ببرنامج صادوه مع لميس وان شالله استمتعت معنا واعذرني اذا رفعت ضغطك ويارب يعجبك هالمقلب هع النادر والله كنت شاك في البدايه انها صادوه بس وش لون جتك فكره سرقة الصور لمنتدي اخر يالحراميه هذي خلتني ما اشك انها لعبه لكن ماقول الا عافاك الله والله يبارك لك في شعبان ويبلغك رمضان وانتي باحسن حال ڰڜ ݥـݪڴ أي لازم اشغل المخ ولاكان كفشتني من البدايه الحين طلعت انا الحراميه هههه " ويعاافيك يارب وكل عام وانت بخير ي الطيب ونورت صادوه.. تمنياتي لكم بقزقزة ممتعه ولاتنسوني من تقيماتكم الحلوة لميس

هههههههههههههه
مقلب ولآ احلى منه وفكره جهنميييه يآأم الافكار
والله رحمته النادر يقول تراي قصرت وانتِ شكلك راعية طوويله هههههه

اقتباس: ياليت يارب تكون فهمت ترى قصرت ومانيب فاضي هالايام

تسلمين ع المقلب الحلو ياحلوه وبانتظار مقالبك وصيداتك القادمه ..

ههههههههههههههههههههههههههههه

حركة ما تخطر ع الباال .. كيف جت هالفكرة ف راسك

استمتعنا مع النادر ..

يعطيكم الف عافيهه

ههههههههههههههههههههه

والله قويه يالموس وشلون جبتي هالفكرة تنفعين تكونين ببرنآمج صآدووة

وآلآ النآدر شكله بالبدآيه هآديء مآدرى أن لميس مآرح تخليه لين تطلع النخل في رآسه ههههه

مقلب جدآ رآئع وجميل أبهرتنينآ يآقلبي بآأفكآرك الجهنميه

والله العظيم اني رحمت النادر مسكين مائيستأهل انه ينصاد ههههههه

ومصدق ولا تعال أوريك. الصور في الكاميرا ههههههه حسيته. طلع كاميرته وقام يطالع في الصور هههههههههه
حسبي الله على عدوك يالميس
وين جتك. هالفكرره معه ههههههه شر

اقتباس: النادر والله الحرامي والله احسبك صادوه وتستهبل علي

هههههههههه
والله انك عقب ذا المقلب ينخاف منك
جنيه كيف خطر ع بالك ذا الفكره
والله لحستي مخ النادر متوقع انه مقلب
وخرشتيه بموقع ثاني فيه صور مصروقه
الله يكفينا شرك ياام شوشه منفوشه منتفه بزراديه مصديه
مقلب ممتع مع حبيبنا النادر هههههه

أنا خابرك ذيب
والله تخوووف لميس
وشلووووون ينصاد النادر

اقتباس: المشاركة الأصلية كتبت بواسطة الموادع    هههههههههه والله انك عقب ذا المقلب ينخاف منك جنيه كيف خطر ع بالك ذا الفكره والله لحستي مخ النادر متوقع انه مقلب وخرشتيه بموقع ثاني فيه صور مصروقه الله يكفينا شرك ياام شوشه منفوشه منتفه بزراديه مصديه مقلب ممتع مع حبيبنا النادر هههههه

أنصحك يالموادع لا تفتح الرسائل الخاصة
وضف على معرفك تمير
بصراحة
أوجعني رأسي من مقلب النادر