(الحلقة الآولى /صادوووة مع الكـــآريبي)

السلام عليكم ورحمة الله وبركاته مسساء الورد والجوري لجميع آعضاء منتديات تمير ومبآرك علييكم الشهررر وكل عام وانتم الى الله اقرب راح اكمل معاكم السنه هذي صادوة الجزء الثالث وان شالله راح انزلها كل يوم بعدصلاه التراويح وان شالله تعجبكم وبالتوفيق يآآرب (آخليكم مع المقتطفات ) *اقول الله يعين امك عليك ! اتركي عجوزك في حالها *مانعرف نسويه حتى امي ماتعرف تسوي هذي الاكلات * لعنبو بليسك وش اعلمك به!!؟...هو صناعه صاروخ *هذااللي ضيعكم مغير ركض وراء الاكل وشحوم الوحده منكم كنها غساله البابطين * تسلم عليك امي تقول هذا انتم يالرجاجيل انانيين جعلك تطيح بحرمه قشرا ممنوع الرد نهائيا تمنياتي لكم بقزقزة ممتعه ولاتنسوني من تقيماتكم الحلوة لموووس

السلام عليكم ورحمة الله وبركاته ** قبل كل شيء حبيت اقول اني خليت ردودي اخطاء املائيه علشان مايشك انه مقلب وهيك لذلك كل كلامي اغلااط المايك مع ضيفتكم كليوباترا..♥ اخوي الكاريبي انا شفت صوره حطيته مراصيع امي شفته واعجبه تقولي اساليه وش الطريقه بتسويه بعد بكرا عندي طبق مفتوح تكفي لاتفشلني ارسل طريقه الحين الكاريبي تبين الصحيح والله ماعرف كليوباترا..♥ يوه والله قهر طيب اسال الي مسويه يمكن عنده الطريقه تكفي الله يعافيك الكاريبي وشو؟؟؟؟؟؟؟؟ وش دراك عن الرسالة ؟ ** هنا طارت عيونه هههه لاني غيرت اسمي من كيلوبترا الادروب بالامل وبعدين تعرفون السالفه كليوباترا..♥ انا كيلوبترا غيرت اسمي تكفي ارسل انتظرك الكاريبي يابنت الحلال هذا صبيب ،هو فيه مقادير!؟ طحين وماء،الله لو انه طبخ قعود = كليوباترا..♥ يالله بسرعه عطني الطريقه الحين بالتفصيل ماعرف كذا الكاريبي اقول الله يعين امك عليك !اتركي عجوزك في حالها وتركيني ! انتي عقوبة علي والا وش عندك ؟ انتي صاحية والا مهبولة انا راعي صبيب ؟عيب عليك لا يدري عني احد ثم ينقد علي ! اجل انا خبير صبيب؟ شوفي حدا الشباب اللي يدور من يحاكيه تراهم يعرفون كليوباترا..♥ امي موعجوزه توها ترا بعلمه ليه انت الي منزل الصوره عجبتني وامي تقول بنجربه وشفيك زعلان انا ابي تعطين يالطريقه بس وش فيه حرام وش قلت انا الكاريبي لا تعلمينها الا بنت ماشاء الله عليها ! ههههههههه يابنت الحلال تراه صبيب وانتي لا ذقتيه حتى تنشدين عن مقاديره !ماينشد الا واحد قد جرب الشي ! لعنبو هالصبيب اللي انشبني ، اقول روحي الله يصلحك ونشدي حقين الطبخ كليوباترا..♥ انا معرف اطبخ شيء شفته صورته وبوكره عندنا طبق شعبي وهذا ينفع مانعرف نسويه حتى امي ماتعرف تسوي هذي الاكلات طيب من الي يعرف من اسال تكفي ساعدني الله يعفيك الكاريبي احمد ربك وارقدي لا تروحين مافيه حصص !يوم مفتوح هو لا زم تحضرين ؟ وبعدين انا وش دخلني ؟الله لو اني ابحضر معك .وش ملقفك تدورين شي ماتعرفينه ؟ مانيب اعرف احد ولا نيب جار لحد ولا نيب اكلم احد !ولا ودي اعرف احد بعد قال ايش قال يوم مفتوح اشغلتينا من امس ! شوفي لا عاد اشوفك مرسلة رسالة خلصنا عاد شوفي لا عاد اشوفك مرسلة رسالة خلصنا عاد كليوباترا..♥ ياويللي من المدرسه بوكره قلت لها بجيب شعبي وش اسوي انا الكاريبي قولي ماطاع الكاريبي كليوباترا..♥ والله تقهر وش يضرك لوتعلمن علمني وبفك من شري بقوله ابوي عييا اسوي شيء والله بتفشل عند صديقاتي الكاريبي لعنبو بليسك وش اعلمك به !؟ صبيب !هو صناعة صاروخ . وهالمعلمة ان حكت والا قالت شي اتفلي في وجهه ،قال ايش قال تبي صبيب! مدرسة ماهيب طبخ واكل زهذا اللي ضيعكم مغير ركض وراء الاكل وشحوم الوحده منكم كنها غسالة البابطين ! لا عاد تاكلون جعلكم الاكله . وانتي استحي على وجهك ونقلعي خلصنا صبيب صبيب صبيب =كليوباترا..♥\ اتفل بوجهه كان اعيد سنه وبسم الله تروع انا خلاص بكذب على امي الصبح بقوله تعبانه وبغيب كله منك ضيقت صدري وخربت جمعتنا بوكره مع صديقات الكاريبي اللي عنده دراسة ومهتم ما يقعد الى هالحين مانام ! كله مني انا ؟ والله البلوى كليوباترا..♥ انا نمت وقمت بس خلاص بغيب الله يعيني على امي بوكره وتسلم عليك امي تقول هذا انتم يالرجاجيل انانين وتقولك جعلك تطيح بحرمه قشرا علشان ترد على الناس وتساعدهم لاطلبومنك شي هذي رساله امي وصلته لك وليت تغير اسلوبك مع الناس وتحترم شوي الكاريبي عليك وعليها السلام ! ماتقول هالحكي امك ابد لانها اجودية ! ابوك حي والا ميت ؟ كليوباترا..♥ لا ماتقوله انا الي قلته ابوي حي الله يخليه الكاريبي افا ،انا احسبة ميت ! خابر امك ماتقول هالحكي ،الله يعين اهلك عليك كليوباترا..♥ ليه تبيه يموت بسم الله عليه ويعين هلك عليك بعد الكاريبي الله يخليه لكم لكن مصائب قوم عند قوم فوائد! وش في يعين اهلي علي ؟وش حليلي وطيبي لكن انتي نشبتي في لك اليوم رابع كليوباترا..♥ .لانك تقهر وانت قهرتني برفع ضغطك كله منك مارحت مدرسه اليوم علشاني ماسويت الطبق الي واعدتهم به وانت السبب الكاريبي اوه! هالحين انا اللي ماخليتك تروحين للمدرسة عشان صبيب ! وش يلقفك تقولين ابسوي صبيب علميني ، وبعدين لو اني داري ان هالصبيب يبي يسوي هالشي ماحطيته ابد !معد هوب صبيب صار نشبه ! جايب صورة ابتنومس معكم وصارت شر علي والله احس ان الدعوى مقلب ! كليوباترا..♥ مشكلتك تحطه وتقهرنا وحنا مانعرف نسويه وش نسوي توب لاعاد تنزل شيء وريح راسك الكاريبي خلاص توبة ،توبة هو يحصل نخلص بس =كليوباترا..♥ ووف قصصرت ايه الحين خلاص خلصنا وحياك الله بصادوه مع لمووس كنت ضيف خفيف علينا ههههه واصص لاتعلم احد جاري تسحيب الاعضاء الكاريبي لحظة لميس اول رسالة صراحة قلت هذا ناقد علي ويستهتر والله ! لكن بعدها نشدت وقالوا قلها المقادير واخلص !ويوم شفت الرد كذا دريت ان فيه شي شكل غيرك يدري ! واسم كيلوبترا ماحبه والله مشبوه هو اللي ضيق صدري في البداية كليوباترا..♥ هههههه الحمدالله اهم شيء ماكفشتني من البدايه والله وصرت ارهابيه وانا مدري هع ع العموم حياك الله ونورت يالطيب المايك لكم تمنياتي لكم بقزقزة ممتعه ولاتنسوني من تقيماتكم الحلوة لموووس

روعه والله لا والكاريبي مرسل لي يقول ذبحتني تبي مقادير الصبيب قلت له عطها المقادير وتريح منها لاتزعجك
قال انا مااعرف المقادير قلت قول لها طحين ومويه هو يبي شي هههههههههههههه
تسلمين لمووس ع المقلب الروعه ويعيش الكاريبي وياخذ غيره ..

اقتباس: المشاركة الأصلية كتبت بواسطة الراقيه    روعه والله لا والكاريبي مرسل لي يقول ذبحتني تبي مقادير الصبيب قلت له عطها المقادير وتريح منها لاتزعجك قال انا مااعرف المقادير قلت قول لها طحين ومويه هو يبي شي هههههههههههههه تسلمين لمووس ع المقلب الروعه ويعيش الكاريبي وياخذ غيره ..

ههههههه ادري انه يعرف الطريقه بس مايبي يعلمني نذاله
قلت بنشب له نشبه خليه يعصب ويكرهه عمره والحمدالله انه ماكشفني الابالاخير

ومششكورة ع تشريفك ي حلووة منورتني

خخخخخخخ مت من الضحك اجل ياويلك من ربك



مدرسة ماهيب طبخ واكل زهذا اللي ضيعكم مغير ركض وراء الاكل وشحوم الوحده منكم كنها غسالة البابطين د


رهيب هههههههههه عوافي لموس وماقصرتي كان مقلب روعه مع الاخ القدير خخخخ

هههههههههه

ياحليلك يالكاريبي اجل نشبت فيك لزقة عنزروت

بس ضحكتني يوم قلت لو يبيلها صنعة صارووخ

ولميس لزقه ماتنفك بسهووولة خخخخخخخخخ
كان عطيتها المقادير وبس وارتحت وخليتها ترووح للمدرسه
تعيش وتاكل غيرة يالكاريبي
ومشكووورة حبيبتي لموس ع هالمقلب الحلووو

مقلب رهيب والله ، مسكين الكاريبي توههق معكك لميس ،
نشبتي له نشبه بيحرم ينزل صور اكل مرآ ثانيهه وربي رحمتهه ،
بس والله آنآني الكاريبي ليهه ماعطيتهآ آلطريقهه آلضعيفهه ههههههههههه ،
يالله تعيش وتآكل غيرههآ ، يعطيك آلعآفيهه لميس ع آلمقلب آلجميل ،

لميس ,
والله ان كلّي قلب وذهانه مار هالمرة جاني شي مدري وشو؟؟
جاب الله لك واحد ضعيّف وقمتي تلعبين عليه

هههههههههههههههه
يَ حيآه الششقىَ وربيَ رحمتَ الكآريبي حده تنرفز منكَ يآلموسسَ
والصدز والله انكك نشبههَ ممآتخلينَ آحدَ بحآلهَ إلآ وآنتي مشيبه برآسسه

اقتباس: مانيب اعرف احد ولا نيب جار لحد ولا نيب اكلم احد !ولا ودي اعرف احد بعد

عجبتني وخآصه تكرآر كلمه آحد هههه
تسلمونَ يَ لموس والكآريبي
يعطيك العافيه ولاهنتِ

اقتباس: المشاركة الأصلية كتبت بواسطة الراقيه    روعه والله لا والكاريبي مرسل لي يقول ذبحتني تبي مقادير الصبيب قلت له عطها المقادير وتريح منها لاتزعجك قال انا مااعرف المقادير قلت قول لها طحين ومويه هو يبي شي هههههههههههههه تسلمين لمووس ع المقلب الروعه ويعيش الكاريبي وياخذ غيره ..

عاد هو نفع يوم قلت ماء وطحين ؟؟؟؟؟؟؟
المشكلة هالحين والله معد ندري من اللي صادق من اللي يمزح !!
قامت تخوف الرسائل ننصح واثره يضحك
الراقية ترى يوم انشدك وانا مثل اللي داخل عليك ابي الفكة منها لكن صرتي متعاونة