والمجامل بعض الاحيان مايقضي لزوم

واهني الصخرة اللي ما يحرقها سموم=الزمان اللي يهـد العـزم مـا هدهـا
الزمان اللـي تحـدا قوييـن العـزوم=لين مشاهـا علـى ود ماهـو ودهـا
والمجامل بعض الاحيان ما يقضي لزوم=لابو النفس الضعيفـه ولابـو جدهـا
مير تجبرنا العوايد و تجبرنا السلـوم=نكتم الاسـرار ياليـن تاصـل حدهـا
الردي لا طاح جعله يطيـح ولا يقـوم=باح سده والنشاما مـا باحـت سدهـا
كل ما كبرت وضاقت على عيال الرخوم=نحتزم لاكبـر مصيبـه وناطـا خدهـا
جعل قسمي عند ربي من خيار القسوم=واحـد يعطـي العطايـا ولا يرتدهـا
يا عيال ادم وحوا تراهـا مـا تـدوم=دورة الايــام لابـدهــا .. لابـدهــا
وانت يا حلم حلمته غير عن كل الحلـوم=يا ضحية مزح الاحلام مـدري جدهـا
ويا ضميري لايهمك من الدنيا همـوم=الصعيبـه حلهـا والبسيطـه عـدهـا
جات في سد الشوارب وفي سد الخشوم=كبر الضيفه وعش الضيـوف وغدهـا
والمراجل ماتوفـى بضافيـة الهـدوم=كود بسيوف يشـوق النواظـر حدهـا
والردي لو دِرس المرجله في كل يـوم=المراجل عنـد اهلهـا يذعـذع ندهـا
يعتبر قسمه مثل قسم زاهيـة الرقـوم=يوم تكحل رمشهـا والقـرون تكدهـا
ما كسبت إلارضا اهل النمايم والعلـوم=يارسول الحكي هـات العلـوم وودهـا
الصفوف اثنين هذا دفـاع وذا هجـوم=وانت اظنك لانت معها ولاانت بضدهـا
شرهة الطيب تعداك للغـوج العـزوم=وانت صلفات المشاريه ماانت بقدهـا
وانت في سود الاظله تريـح ومخـدوم=وإن ذبحك الجوع كد التكاسـي كدهـا

مختارات عهود

تسلم يمينك اللي خطت هالحروووووووووووووف

ولا تحرمنا من كل جديد عندك

وصح لسانك ولسان الشاعر

وصدقتي المجامل يقتل في بعض الاموووووووووور

مشكوووووووووووووووووره عهود



سلام

جعل قسمي عند ربي من خيار القسوم
........................واحـد يعطـي العطايـا ولا يرتـدهـا
يا عيال ادم وحـوى تراهـا مـا تـدوم
............................ دورة الايــام لابـدهـا .. لابـدهـا

شكرا ً للأخت على هذا الاختيار الجيد

جعل قسمي عند ربي من خيار القسوم
واحـد يعطـي العطايـا ولا يرتـدهـا
يا عيال ادم وحـوا تراهـا مـا تـدوم
دورة الايــام لابـدهـا .. لابـدهـا

مشكووووووووووووووووور

اختيار راقي ورائع

شكرا لكي

وصح لسان من قالها.. ونتمنى ان نعرفه