البنك إلى متى ؟

السلام عليكم ورحمه الله وبركاته

أنا أكتب لكم هنا لعلي أرى في كتابتي حلاً !

جميع البنوك هنا لاتعمل ما عدى الراجحي ولما أدخل وأصرف

يجيني الرد ( معليش اختي مافي حاريم معليش اختي هنا رجال بس معليش اختي الخ ؟ )

لدرجه اني اضطر أنتظر ساعه برى الى ان يخلصون بعدها أدخل

ياليت يكون فيه قسم خاص لنساء في بعيد عن الإحراجات !

انا اضم صوتي لصوتك المفروض يفتحون قسم نسائي وهذا راح يحل مشاكل الحسابات الخاصه بالنساء والشي الثاني راح يوفر فرص وظيفيه لبنات تمير

مصلى عيد ماسويتوه تبون قسم نسائي في بنك

الــراجحي شركــه إستثماريه يهمها الــربح لــذ لايمكن أن يقدم خــدمه لايرى فيها مصلحــه لكن أين الرجـال لماذا لاتتم المطالبه بقسم لنساء او مقاطعة الفرع

انا اضم صوتي لصوتك صراحه الرجال فيهم قله احترام مو طبيعيه (مو الكل)
لدرجه الحرمه تنتظر دورها وبكل برود يجي واحد ويدخل قبلها ......!
ليه لهدرجه مالها اي اهميه ...؟!
انا اقترح بما ان في محلات مسكره عند القيصريه القديمه ولا لها فايده يحطون صرافه وتكون خاصه للنساء
وصللى الله وبارك ..

لو فيه بديل وهنا بتمير بنك غير الرااجحي والله ان تشووف المقاااطعه صح وانا اولهم..

واتمنى انهم يحطووون صرافه للنساء اذا شفت حرمه تنتظر دورها عشااان تدخل والله اني اخجل

من الي في الصرافه وداخلين ولا همهم بل الي في السرى اقل شي يخليها تتفضل ..

البنك ان شاء الله مااراح يقصر بسسس يبي مطالبه من الاهااالي..

ننتظر المطالبه من أهالي تمير , الحال مايرضي احد نجلس ساعه برى على بال احد يقدر ويخلينا ندخل

الحل تحويل الوحيد تحويل الراتب لبنك اخر واذاقال لك بنك الراجحي ماهو السبب قل لهم نبي مصرف لنساء وبعد يوم ارسل احد اصدقاك يسوي مثل مافعلت

في الجنه ان شالله

ليت فيه قسم نسائي