وينها راحت وانا مازلْت ابيها||

20 / 04 / 2013, 58 : 11 AM

السلام عليكم ..

للوعَد قصّه تَعَنَّى مشْتريها
.......... ما قدر ياصل نهاية محْتواها

البطوله قسْوة ٍ منها وفيها
.......... والعذاب لخافق ٍ يطلب رضاها

وينها راحت وانا مازلْت ابيها
.......... زارها شوقي وْضيّفني جفاها

رَبَّعَت بدْروبي اللي تنْتهيها
.......... وامْحَلَت بالموعد اللي ما نساها

قلبي الليله تضرّم يشْتكيها
.......... وانتهى يشْرح من الفرقا غلاها

وانْطوى يسْأل عن الرعشه يديها
.......... يومها ترْوي يميني من ظماها

هي تمون وتجْرح اللي يهتويها
.......... أو يهون اللي تعذّب في هواها ؟

صفحتي صارت شقا للّي يجيها
.......... حرْفي الصادق بداها وانتهاها

الأيادي ترْجي المولى يْهَديها
.......... والنظر طير ٍ تعلّق في رجاها

بالشوارع خطْوتي تشْره عليها
.......... وينها يوم الهوى حنّ وْبكاها

إمطري يا دمعة اللي يحتريها
.......... وش بقى دام الفرح راح وخذاها ؟

20 / 04 / 2013, 36 : 12 PM

إمطري يا دمعة اللي يحتريها
.......... وش بقى دام الفرح راح وخذاها ؟
لاجديد دائما اختياراتك انيقة
اهنيك

21 / 04 / 2013, 16 : 12 AM

اقتباس:

المشاركة الأصلية كتبت بواسطة العالمي


	إمطري يا دمعة اللي يحتريها .......... وش بقى دام الفرح راح وخذاها ؟ لاجديد دائما اختياراتك انيقة اهنيك