أمانة منطقة الرياض تغلق مطعم "البحصلي" على طريق الملك عبدالله

لمخالفة اشتراطات صحة البيئة.. وعلقت لوحة على بوابته الرئيسة



أمانة منطقة الرياض تغلق مطعم "البحصلي" على طريق الملك عبدالله




عبدالله البرقاوي - سبق - الرياض: أغلقت أمانة منطقة الرياض أمس الاثنين مطعم "البحصلي" على طريق الملك عبدالله؛ لمخالفة اشتراطات صحة البيئة، وعلقت على بوابته الرئيسية لوحة بذلك.

"سبق" التي رصدت عدستها لوحات الأمانة على بوابة المطعم الرئيسية مساء أمس ستتابع مسببات الإغلاق، وتنشرها فور الحصول عليها.

وكانت أمانة منطقة الرياض، ممثلة في بلدياتها الفرعية، قد أغلقت خلال الفترة الماضية عدداً من المطاعم الشهيرة؛ لمخالفتها الاشتراطات الصحية.

ومن أحدثها إغلاق مطعمين شهيرين في العليا، ضمن الجولات المستمرة من البلدية ورقابتها للمطاعم.

وأكدت البلدية أنها ستعمل على تطبيق الإجراءات النظامية والمخالفات بحدها الأقصى تجاه أي مطعم مخالف، حفاظاً على سلامة المواطنين والمقيمين.

عسآهم على القوه والى آلآمام وصحة الموآطن فوق كل شي
ليكون عظه وعبره لغييره
تسلم على الخبر الجمييل ..

اقتباس: المشاركة الأصلية كتبت بواسطة الراقيه    عسآهم على القوه والى آلآمام وصحة الموآطن فوق كل شي ليكون عظه وعبره لغييره تسلم على الخبر الجمييل ..

امين يارب

التشهير طيب ،وخصوصا اللي يهم صحة المجتمع

شكرا لك على الحضور الطيب

اقتباس: عدداً من المطاعم الشهيرة؛ لمخالفتها الاشتراطات الصحية.

ووين الناس الي تاكل منها تجي وتشوووف
تقول هذا مطعم مشهور ومافيه اي مخالفااات

وليت يتم فضح وذكر اسم كل مطعم عشاان يكون غيره عظه وعبره,,

افا وش جاهم على مطعمنا عاد هو المفضل عندي
لكن حقه وما جاه مزدين فيه وجعلهم على القوة
عافاك الله اخوي الكاريبي على النقل

هذا الشغل ..

وش جنينا من هالمطاعم إلا السخاين والبدانة ..

أبو عثمان وش السالفة
البحصلي مطعمك المفضل وصكوه ..

ومخاوي تمير مطعمه المفضل عمه حمزة وفضحوه ..

والكاريبي مطعمه المفضل ماريز وما خلوه ..

أي مطعم تأكلون منه علمونا نجنبه ..

ابرك والله ومزديين فيهم
عوافي على الخبر

اقتباس: المشاركة الأصلية كتبت بواسطة أبـوحـمـد    ووين الناس الي تاكل منها تجي وتشوووف تقول هذا مطعم مشهور ومافيه اي مخالفااات وليت يتم فضح وذكر اسم كل مطعم عشاان يكون غيره عظه وعبره,,

حقيقة انه مطعم محترم لكن مدري وش جاه يوم وسعوه ،او قال ابسوي مثل غيري ابستغل هالشعب المغفل، والبلدية الواعية !!!!!!!!!!!!!!
خلاص مافيه الا تشهير يابوحمد

شكرا على حضورك

الله يقويهم على كل مقصر ومفسد
المطاعم شر لابد منه والله يحفظنا وياكم من كل شر

اقتباس: المشاركة الأصلية كتبت بواسطة النادر    افا وش جاهم على مطعمنا عاد هو المفضل عندي لكن حقه وما جاه مزدين فيه وجعلهم على القوة عافاك الله اخوي الكاريبي على النقل

اشتهر وقام يتنعفك علينا ،
لكن نبحث عن البديل يابوعثمان ،مالك الا شغل منول خذ الحافظة وملها جريش والاقرصان واقرب كبري حدره وبس ،وش حدا ما بدا يوم تكبرت على المرقوق وتدور البحصلي !!!!
الله عليك مطعمنا!!!!!

شكرا لك ولحضورك