إقبال محموم على شراء الجراد في "جردة بريدة"

بزعم تقوية المناعة وعلاج السكري والكيس بألف ريال



إقبال محموم على شراء الجراد في "جردة بريدة"





رويترز- بريدة: يشهد سوق الجردة الشعبية بمدينة بريدة في مثل هذا الوقت من العام إقبالاً كبيراً من التجار والمشترين خصوصاً كبار السن الذين يحضرون لشراء الجراد.

وتشهد السوق الصغيرة يومياً خلال الموسم مزادات وعمليات بيع وشراء للجراد الذي يعتقد كثيرون أنه يساعد في علاج مجموعة من الأمراض.
وذكر عبدالعزيز الراشد التاجر بسوق الجردة أن ثمة زيادة مطردة في عدد المشتغلين بصيد الجراد لبيعه.

وقال: "الجراد ييجي أول ما ييجي من إفريقيا. ينعر (يعبر) البحر الأحمر يطب (يصل) على رابغ.. ينبع.. وعلى المدينة وتبدأ العالم بالليل (جمع الجراد).. الجلابة ويسمون الجرادين من أول (في الماضي). وأما الآن لا الشباب يمسكونها بالليل ويعبون خياش (أجولة) وبعد يومين بطريقهم يجون لمنا (يصلون إلينا)".
ويعتقد كثيرون أن الجراد له فوائد غذائية كبيرة لأنه يتغذى بأوراق الأشجار البرية والزهور.

وقال "الراشد" عن الفوائد المزعومة لأكل الجراد: "يقوي المناعة. هذه واحدة. وثاني حاجة للسكر (السكري). ثالث حاجة للقولون.. والله أعلم. الدكاترة والعلم الجديد كله يمدح. ولا هم عندنا بس.. بالدول الأوروبية والآسيوية تأكله الآن لأنهم شافوا فوائده مو بسيطة".

ويتراوح ثمن الكيس المليء بالجراد بين مائتين وألف ريال سعودي (53 و266 دولاراً) لكن بعض المشترين يدفعون أثماناً أكثر من ذلك.

وقال مشتر في سوق الجردة: "أكثر ما يقدمون عليه الشيبان.. يعني كبار السن ويقولون إنه علاج يقدمون عليه ويدفعون عليه دراهم باهظة. الحقيقة هناك مشترٍ هذا الجراد يعني يشترون الخيشة (الجوال) بأربع مئة 500 و600 ريال وأحياناً توصل 1000 ريال".

وحذرت وزارة الزراعة السعودية والمركز الوطني لمكافحة الجراد مراراً من صيد وأكل الجراد، حيث يحتوي الكثير من أجسام تلك الحشرات على مبيدات سامة

اما بآالف ؟؟؟ ووع والله لويعطوني بلاش ماخذته
مدري وشلون ياكلونه النااس شكله يقرف
يعطيك العافيه يالطيب

اقتباس: المشاركة الأصلية كتبت بواسطة لميس    اما بآالف ؟؟؟ ووع والله لويعطوني بلاش ماخذته مدري وشلون ياكلونه النااس شكله يقرف يعطيك العافيه يالطيب

الف ،رخيص ،في القصيم يتناهبونه مناهب

جربيه تراه حلو!!
ينطلون رجليه وراسه ،ويطبخونه في ماء ،ثم يجيك كنه ذره !!
مقرف وبس ،وزود عليه مرشوش بالمبيد !وهذولا ياكلونه ،ماتلاحظين انتشار مرض السرطان ،وباء الكبد كلها من الحركات البايخة جراد وانت ماشي .

شكرا على حضورك

وصلهم جرآد مصر
تصدق والله احسبه بـ 200 الف ريال الكيس انصدمت
وهان علي يوم عرفت سعره الاصلي ..
صدقت كثرة الامراض من اللي ياكلونه هذآ كله مبيدات حشريه
تسلم ع الخبر

اقتباس: المشاركة الأصلية كتبت بواسطة الراقيه    وصلهم جرآد مصر تصدق والله احسبه بـ 200 الف ريال الكيس انصدمت وهان علي يوم عرفت سعره الاصلي .. صدقت كثرة الامراض من اللي ياكلونه هذآ كله مبيدات حشريه تسلم ع الخبر

بالف ريال ،ويحطونه في اكياس بصل وشوي مره تجمعه في يدك !
الان كل مبيد له مدرة تحريم والدول ترش وتنبه انه مرشوش بالمبيدات وحنا ناكله من يطيح عندنا !
الان الاغنام والابل اذا اعطيت تحصين له مدة تحريم ما تاكل لحمه ولا تشرب لبنه ،وحنا مانعترف بالشي هذا ،واللحوم اللي ناكلها يمكن انها مطعمه ويغشون وناكل لحمها وحنا ماندري !
شكرا على حضورك

ليش يجيب الامراض بالعكس الشي اذا طبخوه مايضر

ليت من يروح لمصر واصيد وابيعه لكم فيذا

اقتباس: المشاركة الأصلية كتبت بواسطة توليب2    ليش يجيب الامراض بالعكس الشي اذا طبخوه مايضر ليت من يروح لمصر واصيد وابيعه لكم فيذا

من يقول انه يجيب الامراض؟؟نعم اذا طبخ راح المبيد وكلششششششششششش.
الا عافية وصحي ومقوي للبدن بس ذولا مايبونا ناكله !!!!!!!!
نستورد جراد من مصر فكرة حلوة هههههههههههه

شكرا على حضورك