مضيق الموق

مضيق الموق

السلام عليكم
.. .. .. مساءء الخيـر



لو شكاك البعد ... بعيوني وطن
في مضيق الموق ترسي لك سفينه

شف بحور العين ..! كم فيها سفن
وشف هنوف الليل وملوك المدينه.

من حضارات .! ومشاعر في مدن
لَمّها قلبي ... وحاكمها ... ضنينه.

لو تسافر مع غيابك ...! لا تظن
اني اسلا عنك.! والذكرى سجينه.

بطلق الذكرى.! واغني لك واحن
لو عزف ضلعي على قلبي ونينه.

من لحون الحزن يشفع لك لحن
غنّته ذكراك ....! ببيوت ٍ ثمينه.

في شفاتك لو ضحك سن الزمن
النفس..! عطّر شهوره مع سنينه.

ماملا عيني ...! ولا حتى سكن
غير قلبك..! لو هجر حبي عرينه.

باقيه بالقلب .. لو حبك طعن
يكفي ان الروح .... تملكها يمينه.

اغسلي وجه الغياب اللي فتن
روح شاعر صفحة الخفاق عينه.

لو تروح بعيد .! ببقى لك وطن
ينتظر قلب ٍ ...! يرده له حنينه.

مايبيد الحب .... لو باد البدن
لو يفوح الشوق وجروح ٍ دفينه.

ما يموت الود ...! في قلبي كفن
ولا يغيب الطيف بعيون ٍ حزينه.

بكتبك بالشعر لو دمي ثمن
ينطقه وقتي ..... ولحنه تسمعينه.

ياغياب ٍ ...! فك في جوفي حزن
سَنّ سكينه ..! وذكّى له سكينه.

مابقى بالقلب من كثر الشجن
غير تغريدة أمل ..! في فم وينه.؟

للشاعر: صالح بن عمآر

آبيآت جميله
صح لسآن شآعرهآ وسلمتِ على آلآختيآر

اقتباس: لو تسافر مع غيابك ...! لا تظن اني اسلا عنك.! والذكرى سجينه. بطلق الذكرى.! واغني لك واحن لو عزف ضلعي على قلبي ونينه.

رآئعه إلى حد الثماله
أبدعتيّ يَ انيقه
لاهنتِ

الله الله
ابيات جميله جدآ ,
كلَ الشكرَ يَ الغالية ,

آبيآت قمهه في آلجمآل ,
يعطيك آلعآفيهه ,

بكتبك بالشعر لو دمي ثمن
ينطقه وقتي ..... ولحنه تسمعينه.

ياغياب ٍ ...! فك في جوفي حزن
سَنّ سكينه ..! وذكّى له سكينه.
اختيار ينم عن ذوق باذخ
تسلم يمينك
تحياتي

ابيات جميله
عافاك الله عزوفه
م قصرتي

اقتباس: المشاركة الأصلية كتبت بواسطة الراقيه    آبيآت جميله صح لسآن شآعرهآ وسلمتِ على آلآختيآر

حياك الله ومنورة بتواجدك

تسلمين على هالذووق الحلو
الله يعطيك الف عاافيه
ودي ووردي ..|

تسلمين على النقل المميز والكلمات الجميله ..