الصمان يوم الاثنين 9-3-1434هـ [[ تقرير بسيط ]]

السلام عليكم ورحمة الله وبركاته

بسم الله الرحمن الرحيم

هذا تقرير مصور بسيط لرحلة قمت بها انا واثنان من الاخوة الاعزاء (ع.م - س.د)

انطلقنا من بعد مغرب يوم الاحد وبتنا ليلتنا في احدى الرياض في الصمان وكان بها مخيمات وكانت

تفوح منها رائحة الحرف والنفل شبينا القهوة وجهزنا عشانا واخذنا كم بيالة شاهي وعينا خير

في البداية كانت ليلة دافئة هادئة وجميلة ولكن في منتصف الليل هبت شمال وزادت برودة

نمنا داخل (مراقدنا ) وكانت نومة عميقة وهانئة نومة تغني عن ايام بل اسابيع في جو صافي خالي من الدخان والمنغصات

طبعا قمنا من النوم على الفجرية زينا الحليب بالزنجبيل واعددنا القهوة والافطار

بعدها انطلقنا في رحلة استكشافية للفياض والرياض القريبة حتى استقرينا في احدها وشبينا غدانا وتغدينا وشربنا الشاهي

ووسعنا الصدر ومن ثم شدينا الرحال الى مديتنا العزيزة - تمير -

طبعا وكعادة الرحالة لا بد من توثيق بعض اوقات الرحلة بالصور المعبرة والتي تغني عن كل تفصيل


والان اترككم مع الصور









هذه صور ليلية للروضة اللي تعشينا وامرحنا فيها



























طبعا هذي مع الفجرية وتظهر المراقد على الارض اللي غاط في نومته واللي يتمغط في صندوق السيارة واللي يصور مثلي

الفجرية وشقت النور شيء جميل ويرد الروح












عاد الربع جواعا ( شكله من البرد ) على طول قلبه قلبه بس ما راح اقول لكم وش افطرنا لان هذا سر خخخخ







عموما هذي الروضة اللي امرحنا فيها على الصبحية





وهذولا العمال اللي يشتغلون في الروضة يصبون سميت على المواصير ما بعد خلصوا الله يقويهم








طبعا في الصمان لا يمكن تمر الفياض الخضراء بدون ما تشوف هالمناظر











بدينا برحلة الاستكشاف واخذ لكم هاللقطات



































واستقرينا في هالروضة ونزلنا عفشنا لتجهيز الغدا والشاهي





اثناء تواجدنا في هالروضة بدأ الكشاته بالحضور وهذي صورة لمجموعة كبيرة ماشاء الله نزلوا وطقوا خيمتين في عشر دقايق ماشاء الله شغل قوة








عاد انا ما يحلا لي الجلسة الا بمشروبي المفضل












هذي صور من السدا اعجبني وصورته










ما ادري ليه تذكرت عبارة يرددها البعض للتسلية والسخرية يوم شفت هالمنظر

(قالوا: رحت للبر.. قال: ايه ... قالوا: غرزت .... قال: لا .... قالوا:اجل ما طلعت للبر ) هههههه


عموما في طريق العودة واول ما طلعنا من الصمان بنشر علينا الكفر

والحمد لله راعي السيارة طلع ذيبان ماخذ احتياطه الطرمبة والرقعة ماشاء الله عليه زينا الكفر وكملنا طريق العودة

إيه هذا اللي ينكشت معه موب بعض الناس نص العزبة موب فيه خخخخخخخخ






عموما هذا تقرير مصور مبسط يحكي جزء بسيط من رحلتنا اتمنى ان يحوز على رضاكم

وفي الختام

اللهم اسقنا غيثا مغيثا هنيئا مريئا غدقا مجللا عاما طبقا سحا دائما اللهم اسقنا الغيث ولا تجعلنا من القانطين اللهم إن بالعباد والبلاد والبهائم من اللأواء والجهد والضنك ما لا نشكوه إلا إليك اللهم أنبت لنا الزرع وأدر لنا الضرع واسقنا من بركات السماء وأنبت لنا من بركات الارض اللهم ارفع عنا الجهد والجوع والعري واكشف عنا من البلاء ما لا يكشفه غيرك اللهم إنا نستغفرك إنك كنت غفارا فأرسل السماء علينا مدرارا

مآشآء الله تصوير روعه كل صوره آحلى من الثآنيه والمنآظر خيآليه
أبدعت بالتصوير وبالتقرير
ماشآء الله آعجبتني الصور هذي آبدآع ×آبدآع
تسلم آلآيآدي

يعطيك العآفيه والله يرزقنا بـ آلأمطآر يآرب

تصويرك روعه اخوي وكل صوره احلى من الي قبلها تسلم اديك وعدستك

ماشاء الله

يعطيك العافية يالراسي وكفيت ووفيت

ما شاء الله عليك يالراااسي تصوير جميل ومميز ومحترف ,,
تسسلم اديك على روعه التقرير وماقصرت يالغالي,,
وان شاء الله نشوف لك تقارير اخرى وتجديد للمواضيع

كل الشكر لك ونتظلع الى كل جديدك..

ماشاءالله عليكم
تصوير روووعه اخووي
تسسلم اخووي على التقرير المميز
كل الشكر لك

اقتباس: المشاركة الأصلية كتبت بواسطة الراقيه    مآشآء الله تصوير روعه كل صوره آحلى من الثآنيه والمنآظر خيآليه أبدعت بالتصوير وبالتقرير ماشآء الله آعجبتني الصور هذي آبدآع ×آبدآع تسلم آلآيآدي يعطيك العآفيه والله يرزقنا بـ آلأمطآر يآرب

الروعة هي تشريفكم للموضوع وثنائكم العطر لي

كل الشكر لك

اقتباس: المشاركة الأصلية كتبت بواسطة روح طفله    تصويرك روعه اخوي وكل صوره احلى من الي قبلها تسلم اديك وعدستك

اشكر لك تشريفي لموضوعي المتواضع وعلى الاطراء الجميل لشخصي البسيط

اقتباس: المشاركة الأصلية كتبت بواسطة كلاش تمير    ماشاء الله يعطيك العافية يالراسي وكفيت ووفيت

ويعافيك يا كلاش واتمنىفعلا اني كفيت ووفيت

كل الشكر لك

اقتباس: المشاركة الأصلية كتبت بواسطة أبـوحـمـد    ما شاء الله عليك يالراااسي تصوير جميل ومميز ومحترف ,, تسسلم اديك على روعه التقرير وماقصرت يالغالي,, وان شاء الله نشوف لك تقارير اخرى وتجديد للمواضيع كل الشكر لك ونتظلع الى كل جديدك..

كل الشكر لك يا استاذنا ابو حمد منكم نتعلم

وباذن الله ترون الجديد

((( لن اوفيك حقك )))