عزي لحالي والديار خلي عقب الراحلين

عزي لحالي والديار خلي عقب الراحلين
........ اللي مضوا درب السفر والبعد طالت مدته


أقفوا وخلوني وقلبي مجزعه كثر الونين
........وخلو فراغ فالعمر كل البشر مـا سدته


خلوني أبكي بعدهم والهم فـي قلبي دفين
........صكت على قلبي غرابيل الزمان وهدتـه


صرت أتبع الهوجاس وأسري لا ذكرت الغايبين
..........كني يتيم مالقـا امه راح يتلي جدتـه


ويلاه يا وجدي عليهم وجـد مظلوم سجين
........خلوه ربعه يوم ضرب الوقت زادت شدتـه


خلوه يصرخ ويتطلب مالقـا قلب يلين
.........ضدوه واقفوا دون رحمه والصوادف ضدته


أو وجد عود ذره بنيات مـا جالـه بنين
......... خارت قواه وطاح معتل وعجـز عن كدته


اليا فتح عينه وإلى هن من يسار ومن يمين
.........هن مالهن غيره وهو كف المنايـا لدتـه


القلب قطعه البكا ونياطه أبلاها الحنيـن
.......يسري ويهرب عن همومه والمصايب ردته


يا طول ليلي بعدهم يا جور دورات السنين
........يا ويل قلبي دام سيف الوقت زادت حدته


وعزي لحالي والديار خلي عقب الراحلين
........ اللي مضوا درب السفر والبعد طالت مدته

للشـــاعر / مرزوق الروقي




http://www.safeshare.tv/w/CuUqcLijGk

صرت أتبع الهوجاس وأسري لا ذكرت الغايبين
..........كني يتيم مالقـا امه راح يتلي جدتـه
اختيار رائع
يسلم كفك وذوقك
تحياتي

يعطيك العافية على الذؤق المميز

آبيآت جميله
صح لسآن شآعرهآ وسلمت يآقلبي ع آلآختيآر

اقتباس: المشاركة الأصلية كتبت بواسطة العالمي    صرت أتبع الهوجاس وأسري لا ذكرت الغايبين ..........كني يتيم مالقـا امه راح يتلي جدتـه اختيار رائع يسلم كفك وذوقك تحياتي

ربي يسلمك ويسلم غااليك اخووي
منوورنا بطلتك الغااليه

اقتباس: المشاركة الأصلية كتبت بواسطة عَ ـزَوـوفْ ..(~    يعطيك العافية على الذؤق المميز

الله يعاافيك يالغلا

مشكووره عزووفه على المروور الغاالي ..

اقتباس: المشاركة الأصلية كتبت بواسطة الراقيه    آبيآت جميله صح لسآن شآعرهآ وسلمت يآقلبي ع آلآختيآر

الله يسلمك يالحبيبه من كل شر
والجمييل حضوورك رااقيتنا ..
كل الشكر لك

ابيات جميله وممتازه ,,
صح لسان قايلها ,,
ويعيك الف عافيه ..

كلمات رائعه دروووب وبنتظار جديدك

مؤلمة...مؤثرة
بوركتِ ودام العطاء
تقديري