موقف طريف مربك وكيف تفاديته

بسم الله الرحمن الرحيم
اول شي احب ارحب بالاعضاء
وعندي اقتراح ان كل واحد يذكر لنا موقف طريف مر عليه ...........

وابدا انا واقول لكم موقفي اللي بغيت انسى اسم امي فيه
وهو:
كنت رايح للحج وعند رمي الجمرات من القراده قلت لازم ارجم في وقت كان زحمه مره المهم وانا عند المرجم ارجم ولا الحصاة تصقع راس ذاك الي وش كبره من جنوب افريقيا اسود وطويل ولا الصلعه تصبصب دم يوم اني حسيت ان هاذي منيتي احتريه يلتفت عشان يحدد لي مصيري جيت انحاش واركض خفت يشوفني ثم اكيد انه اسرع مني ثم يمسكني وياكلني علقه ما حصلت المهم يوم التفت علي وتجيني ذيك الفكره الجهنميه وامسك راسي واجلس اصيح ياحجاج خافوا الله ما يصير فلقتونا ثم يوم شافني التفت على اللي ورا ما درا من اللي فلقه وعدت على سلام .
ارجوا ان يكون الموقف اعجبكم ....
ارجوا التفاعل مع الموضوع وابدا المشاركه ........
ولكم جزيل الشكر

احمد ربك ولا كل مره تسلم الجره

والله موقف طريف من جد والحمد لله على سلامتك

موقفي اني داخل مطعم وشريت اشياء مخصوصة ومتشرط فيها ولا تحط من ذا وحط من ذا وفيه طلب غيرته ما جا على كيفي المهم بعد تدويخ نص ساعه وجيت احاسب والا البوك مهوب معي وضااااااع وجهي وقمت اتعذر واللي فشلني اكثر طلع اطيب منى وقال مو مشكله خذ عشاك وجب الفلوس بعدين والا يوم صرت ما اسوى شي وعقبها استادبت

سلام

علي هذي المشاركه الحلوووووه ,,,,
وعلي هذا الموقف الطريف بصراحه ضحكت مررررره ,,,,
اما موقفي فهو ( مره نزلت السوق في الرياض علشان اشتري بعض الملابس لي وكان السوق كبير مره
وقمت اشتري من كل محل قطعه واقول الي راعي المحل خلها عندك شوي وراجع بعد ماسددت المبلغ وصرت
علي هذي الحاله في كل المحلات اللي شريت منها يوم خلصت رجعت اجمع للي شريته من المحلات ضيعت بعض المحلات اللي شريت منها وقمت الدور في هذا السوق الين داخ راسي ورجعت الي البيت ونصف اللي شريته راح ) واتمني ان يكون الموقف اعجبكم ,,,,,,
وتقبل خالص تحياتي
,,؛؛ مشاعر ؛؛,,

شـكــ وبارك الله فيك ـــرا لك ... لك مني أجمل تحية .