المصطلحات النجدية السعودية وبالضبط من منطقه القصيم

شوفو هالمصطلحات النجدية السعودية وبالضبط من منطقه القصيم وما رايكم بها

أحبتي ، أبغاكم تفرفشون شوي مع هالمصطلحات النجدية ، آمل أنها تعجبكم


===============================================


" مير "
اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك

" غديه "
وتعني : كوده !! ،، وفسر الماء بعد الجهد بالماء

" ومصع "
دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن

" ياهملالي "
...منتشرة عند النحوتين والنظولين ، مثال : مزنة : مادريتي نورة توظفت ؟ ،، حصة : ياهملالي عنده واسطة ،،، منقهررررة


" واخزياه "
مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق "

" أويق "
هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون

" أعبطه "
أعجنه واسويبه فطاير

" قوه "
كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه

" حوّل "
وراكم طيرتوا عيونكم بي ، ترى منيب بالنجدة ، بس حوّل يعني : انزل

" شنق "
تعني : جهة

" هماه "
وتجي بمعنى " مب كذا - مو "

" نيم "
وتعني : نائم

" تهقى "
تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟

" بوه "
أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي



تحياتــــــــــــــــــــــــــــــــــــــي.....

مصطلحاااااااااااات مفيده جدااااااااااا

والله ليت اللي ما يعرفها من الشباب التالي يسجلها عنده

مشكوووووووووووووور



سلام

هههههههههههههههههههههههههه


تصدق الي الحين وانا اقول لراعي البنزين (اذا كنت كاش ) - امقسه -


؟؟ إمقسه ؟؟

يعني فل ( مليه - كله )

بس انتبه لايفيض .

؟؟ لايفيض ؟؟

لايطلع براااااااااااااااااااا

أقولها وأنا حنز

؟؟ حنز ؟؟

زعلان -منقهر
سلاااااااااااااااااااااااام