لك رب ما يخذْلـك .. لـو يخذلونـك

لك رب ما يخذْلـك .. لـو يخذلونـك



ما راح من عمر التعـب مـا يكفّيـك ؟
ما هزتك طيحـة هقاويـك .. دونـك؟
*
يا "باعث" قبـور الحـزن فـي محانيـك
لو مـا رجعـت لْدفنهـا .. يدفنونـك
*
هذا الحزن لـو مانتهـى بـك بينهيـك
خاوى تفاصيلك .. وعـوّد بدونـك !
*
شف شيبك اللي من همومك عثى فيـك
وكيف التجاعيد عْبثت فـي جفونـك !
*
جسمك تهـاوى مـن عنـاك وتعنّيـك
ونبـرات صوتـك غالبتهـا شجونـك
*
لأْنك تنفسـت الشقـا فـي مساريـك
شف كيف صدرك مختنق من طعونـك!
*
بعت المنـام لعيـن مـن نـام ناسيـك
حتى غـدى ليـل السهـارى زبونـك
*
لا تنتظـر مـن خانـك إنـه يواسيـك
لـو هـو يحبـك مـا تجـرأ يخونـك !
*
قلبـك تعلّـق فـي مخاليـق تشقـيـك
ونسيت حب الخالق اللـي يصونـك !
*
الناس في عونـك ، إذا الحـظ يعطيـك
وان شح حظـك؟ قالـوا: الله بعونـك!
*
ارقى عـن أسبـاب الزعـل لا تخليـك
عبد لهمومـك كـل مـا يزعلونـك !
*
دنياك حلوه .. لـو تلفّـت حواليـك؟
تلقـى مـن بعـاد البشـر ينصفونـك
*
لو شفتها بعين الرضـا هـي تراضيـك
ولو بالكدر ؟ مـا خالفتـك بظنونـك!
*
افرد جناحيـن الفـرح فـوق ماضيـك
حلّق عن الذكـرى ومـن يجرحونـك
*
غيّر مـن الواقـع إذا كـان عاصيـك
جدد من الأحلام .. مـارس جنونـك!
*
ازرع فيافي الصـدر بأخضـر طواريـك
الكون كله ساعـة رضـاك .. كونـك
*
الليل تسهـر مـع نجومـه .. تناجيـك
وتبـادر طيـور الصبـاح بلحـونـك
*
بـث الجمـال بكـل رسـم لمعانيـك
خلّ الطبيعـه تاخـذ احسـاس لونـك
*
خذ من خطاك اللي يصحـح خطاويـك
لاتشيـل مـا لا تستطيعـه متـونـك
*
وان ضقت.. أو ضاق الزمن؟ ارفع ايديك
لك رب ما يخذْلـك .. لـو يخذلونـك

اتمنى تروق لذائقتكم الجميله
..كما راقت لي

لا تنتظـر مـن خانـك إنـه يواسيـك
لـو هـو يحبـك مـا تجـرأ يخونـك !
*
قلبـك تعلّـق فـي مخاليـق تشقـيـك
ونسيت حب الخالق اللـي يصونـك !

ططرح رآق لي آيضآً
تسسلم يديكَ يآلغغلا

لاهنتِ

اقتباس: المشاركة الأصلية كتبت بواسطة همس الجفاء    لا تنتظـر مـن خانـك إنـه يواسيـك لـو هـو يحبـك مـا تجـرأ يخونـك ! * قلبـك تعلّـق فـي مخاليـق تشقـيـك ونسيت حب الخالق اللـي يصونـك ! ططرح رآق لي آيضآً تسسلم يديكَ يآلغغلا لاهنتِ

ربي يسسلمكِِ يََ قممر_^
ممنووورهـ ع الآخخر

كلمآت روعه
يعطيك العآفيه على روعة آختيآرك

اقتباس: المشاركة الأصلية كتبت بواسطة الراقيه    كلمآت روعه يعطيك العآفيه على روعة آختيآرك

رووعهه طلتكِِ
ربيي يعافيكِِ

ابياات رائعه
تسلم على الاختياار

اقتباس: المشاركة الأصلية كتبت بواسطة دروب الامل    ابياات رائعه تسلم على الاختياار

شُُكراًً
ربيي يسلممككـ

..يعطيك العآفيه على جمال الطرح..

اقتباس: المشاركة الأصلية كتبت بواسطة عَ ـزَوـوفْ ..(~    ..يعطيك العآفيه على جمال الطرح..

رربيي يعآآأفيك _^
مممنووره