عــامٍ ورا عــام

عــامٍ ورا عــام



نطوي مع الأيام عـام ٍ ورا عـام

وتمر ساعات الفـرح فـي دقايـق

أيام راحت بالعمر مثـل الأحـلام

يوم ٍ بهـا زعـلان وأيـام رايـق

درست من دنياي وأتعبت الأقـدام

وبدلت عن بعض الطرايق طرايـق

وكفخت بأفكاري كما الطير لاحام

وماعاقني عن ماكـر العـز عايـق

ياصاحبي خذني معك سيف وحزام

وياك في وقت الرخـا والظوايـق

أخوك بالفزعات ضـاري وعـزام

يشوقني للطيـب والخيـر شايـق

وترى البشر ياخوك منقسمه أقسام

بين الردى والطيب شفت الحقايق

لقيت من صلى وزكا ومن صـام

ولقيت منهو لأقرب النـاس بايـق

ولقيت من قلبه حقـود ٍ ونمـام

ولقيت من قلبـه يعـز الرفايـق

ولقيت من يبني الأمل فوق الأوهام

واللي يموت ولايعـرف العوايـق

ولقيت من يملك بساتيـن وأنعـام

واللي من الحاجه ينـام أمتضايق

الله خلق هالخلق سـاده وخـدام

ذي دبـرة الرحمـن رب الخلايـق

وآخرك يابن آدم ترى قطعة الخـام

أمـر ٍ أكيـد ومايبيلـه وثايـق

يالله عسى ماكون قطّاع الأرحـام

وعساي من عقب القبر في حدايـق

جاك الكلام وخذ معه بصمة إبهـام

أن العمـر كلـه مجـرد دقايق

يالله عسى ماكون قطّاع الأرحـام

وعساي من عقب القبر في حدايـق
ابداع سلمت يمينك
تحياتي

آبيآت روعه رآقت لي كثييرآ
تسلمين يالغلآ على آختيآرك

إن العمر كله مجرد دقايق

فعلا قصيدة جميله بكل مافيها يعطيك الف عافية

دمتي ودام عطائك

تحياتي

اقتباس: المشاركة الأصلية كتبت بواسطة العالمي    يالله عسى ماكون قطّاع الأرحـام وعساي من عقب القبر في حدايـق ابداع سلمت يمينك تحياتي

الله يسسلمك يـ الطييب من كل سوء
لاخلا ولاعدم

اقتباس: المشاركة الأصلية كتبت بواسطة الراقيه    آبيآت روعه رآقت لي كثييرآ تسلمين يالغلآ على آختيآرك

الله يسسلمك يـ الغلا
والرووعه حضوورك راقيتنا

اقتباس: المشاركة الأصلية كتبت بواسطة دمعة شاعر    إن العمر كله مجرد دقايق فعلا قصيدة جميله بكل مافيها يعطيك الف عافية دمتي ودام عطائك تحياتي

الله يعافيك اخوي
تسسلم ولا عدمنا تواجدك ي الطييب

تسلم ايدينك على النقل الجميل .. دائمآ متميزه ..

تسلم على روعة الانتقاء