مرثية عبدالرحمن بن مساعد في الامير نايف رحمة الله

قصيده الامير عبدالرحمن للامير نايف الله يرحمه

وش جِمَعْ بين الفواسق والخوارج والمجوس ؟

غير فَرْح بموت نايف لاطِم خشوم العِدا

نحْمِد الله جل شانه عد ما تغْرب شموس

وعد ما تهوي نجوم وعد ما لُبّي نِدا

و للذّي ربّي يقدِّر خاضعة فينا الرؤؤس

مؤمنين بحكم ربّي ونرتجي مِنْه الهُدى

غَطَّت الأرض الكآبه والوطن وجهه عَبوس

والوجوم أضحى ملامح والحزن أمسى رِدا

العَزا يجلي الخواطر يهدم هموم النفوس

إلّا لا مِن جا فْ نايف العَزا يصبح سُدى

عظَّم الله أجرنا بَه عَد ما قَدَّم دروس

في السياسه والرياسه والكياسه والنَّدى

قد أذاق اعدا بِلادَهْ من مرارات الكؤوس

من شبابه بالمهابه والحرابه والفِدا

ماهو لَجْل القافية قلت الفِدا والّا هجوس

فادى بْمحمّد بِلاده واهْلَك الحق الرِّدا

بْفضل ربّي ثم نايفْ كل حَرْب اْمن(ن) ضَروس

ضامنين النصر فيها دام فِعْلَه يُقْتَدى

يا إلهي حب نايفْ في ضمايرنا مْغَروس

و كلِّنا شهودك في أرْضِكْ يوم هو فينا غَدا

قايم بْسنّة نبيِّك ما رضى عَنْها جلوس

إرْحَمَهْ يا غافر لْمن تابْ وامَنْ واهتدى

حِكْمِتَك يا رب فينا تشْرِق وتغْرب شموس

والبِقا ياربْ لِكْ في المنْتَهى والمبْتَدا

الله يرحمه ويغفر له ويسكنه الفردوس الأعلى
صح لسآن سمو آلآمير عبدالرحمن على المرثيه الحزينه
ويعطيك العآفيه آخوي النآدر على الآختيآر

الله يرحمه ويغفر له ويسكنه الفردوس الأعلى
يعطيك الصحه والعآفيهه آخوي النآَدر ّ ، !

كلنا بكينا فقيد الوطن ..
ولانقول إلا مايرضي ربنا :
( إنا لله وإنا إليه راجعون )

الله يرحمه ويغفرله ويسكنه الفردوس الاعلى
تسلم على الاختييار الرائع
لاهنت

الله يرحم فقيد الأمة أسد السنة نايف بن عبدالعزيز-رحمه الله

صح لسان شاعرها

ويعطيك العافية اخوي النادر

الراقيه
شغب كوريه
الباهي
جروح الوفا
دروب الامل

حياكم الله وتوجدكم يعطي للموضوع اهميه اكبر

الله يرحمه ويغفر له ويسكنه جنات الخلد..
صح لسآن سمو آلآمير عبدالرحمن هلى المرثيه
وتسلم وما قصرت آخوي النآدرعلى النقل..

الله يرحمه ويغفر له ويسكنه فسيح جناته يآرب

صح السسآن شآعرهآآ

يعطيك ربي الف عافيه

لاهنتَ

الله يرحمهه ويغفر لهه
وصصح لسآنْْ شآعررههآ _^