هلا يا عيد ..

السلام عليكم ورحمة الله وبركاته


وكل عـــــــام وأنتم بخير


أمل أن ترقى هذه القصيده لذائقتكم مع تقديري لمروركم العذب ،،

يروق العيد بقلوب وقلوبٍ عيدها ماراق=خذاه الحزن من أعيادنا في سكة طعونه
ألا ياعيد كل قلوب ناسك للفرح تشتاق=ولكنّ الظروف أحيان .. تاقف حاجزٍ دونه !!
فلا تعجب لعينٍ في نهارك دمعها دفَّاق=ترى يا عيد مو كل القلوب بضحك مسكونه
هناك قلوب فارقها.. حبيب .. و ما هو أي فراق=عزيزٍ في نهارك أصبحوا للموت ينعونه
غدا ما بينها و بينه من تراب القبور أطباق=قلوبٍ ربي يصبّر صدور اللي يشيلونه
وهناك قلوب غاليها عليه من الحديد وثاق=سجين ومعْه دقات الفرح بالعيد مسجونه
إذا زاروه ضاحكهم .. و خبّى دمعه الخنَّاق=وإذا ما انتهى وقت الزياره فاضت عيونه
وهناك قلوب مذلوله عليها دين ما ينطاق=وديَّانه على بابه .. يهدد .. يطلب ديونه
أنا ما شفت مثل الدين (ذلٍ) يلوي الأعناق=وآخر ذلهم للسجن لو عجزوا يسدونه
و قلوبٍ أتعبت لجلْ التداوي من مرضها الشاق=وعلى كثر التعب هي وين تلقى اللي يداوونه
و هنا قلوبٍ ضناها قاسي و ظالم .. جبان و عاق=رمى أمه و أبوه وهمْ بضعف العمر يرجونه
وهناك قلوب علّة أهلها بس إنهم عشاق=ولكنْ عشقهم ياناس .. بلوى لو تعرفونه
يعاف النوم واحدهم ولو يغفى دقيقه فاق=عسى ربي ما يبلاني بخفّ العشق و جنونه
و هناك قلوب و قلوبٍ ما تكفي وصفها الأوراق=تلاقي كل قلبٍ حاملٍ همه على متونه
تحاول في نهار العيد تكتم لاهبٍ حرَّاق=و تستر عن عيون الناس حزن العين بجفونه
ألا ياعيد سامح هالقلوب وزيدها إشراق=ورجّع فرحةٍ بأرض الألم يا عيد مدفونه
تبي شوفك ولو حوله من آهات الحزن أطواق=وتبقى عيدها اللي به تحارب غازي حزونه
هلا يا عيد لو تنزف قلوب أهلك من الأعماق=تظل بروعة حضورك أنيس الدرب و سكونه
و تبقى رغم أنف أحزاننا عيدٍ لنا وأشواق=و يبقى الحزن وإنْ طوَّل مصير الناس ينسونه
رسالة حب من قلبي لقلبٍ بالفرح ماراق=رسالة صدق من بنتٍ بهم الناس مسكونه
إذا لقلوبنا عهدٍ مَع الله دايم وميثاق=فكلّ أيامنا عيدٍ تجدد خضرة غصونه

الف الف شكر

لك اختي عهوووووووووود

قصيدة رائعه جداااااااااااااااااااا

تصور لنا معاناة قلوب الناس

و هناك قلوب و قلوبٍ ما تكفي وصفهـا الأوراق تلاقي كـل قلـبٍ حامـلٍ همـه علـى متونـه

مشكورررررررررررررررررره

مشكورة على هذا الابداع اختي المتميزة عهود ؛؛؛

و قصيدة اكثر من رائعة

تقبلي تحياتي

صح لساااااااااااااااانك يا عهود

قصيدة جميله معبره

وهي تحكي واقع نعايشه

مشكوووووووووره


سلام

الأخوان



صدى التاريخ

والأستاذ / توأم الجود

والأستاذ هادي




صحت ابدانكم وشكرا جزيلا لمروركم وتشريفكم

دمتم بخير..

عهود الخير

عهود العطاء
صصصصصصصصصصصصح السانك وسلم بنانك

صح بدنك امير

وشكرا لتواصلك

دمتم بخير