¬ •أقفـىَ وجرحـَه بقلبـيّ ماتشاويـتـهَ ¬› وأقفيتَ والبعدَ جرحٍ ماأقـدر أكنّـهَ ؛

.

قريت صفحات الكتاب ..

يامعرضٍ قلبي على شـيٍ وصولـه مستحيـل
. . . . . . . . . عزيت قلبي من هـواك .. وشيّعـت مراسمـه
ماكنت أظن إنّ الفـراق يغيّـر العقـل الثقيـل
. . . . . . . . . حتـى عرفـت إنّ الربيـع أتغيّـره مواسمـه
حطيت لك بأقصى الحنايا شيّ ؟ ماحطّه نزيـل
. . . . . . . . . وبنيت لك قصرٍ قوامك ؟ فـي علـوّه راسمـه
واكبر دليل إنّك مغيّبني !! وأخـذ منـيّ دليـل
. . . . . . . . . حبّك لحال ؟ ومن جنابك حبّ غيرك ( قاسمه )
عرضتني صبحٍ غثاه ايبين فالصبـر الطويـل
. . . . . . . . . تبدلّـت صلـف الريـاح وضيّقـت مناسمـه
طاوعت طيشك بأنفعالاتـك وسوابـي جميـل
. . . . . . . . . قريت صفحات الكتـاب .. وبيّنـت طلاسمـه
مافيه داعي تعتذر ؟ لأنك مثـل عـذر البخيـل
. . . . . . . . . ماهو بلا داسم ؟ ولانفسـه بعـذره .؟ داسمـه
نفسي منزحها من الهيّن .؟ ومن كسـب القليـل
. . . . . . . . . ولا أرتخي لاشفت للدعـوى مواقـف حاسمـه
عبرة زمن وأنا أعتبره درس ؟؟ والشكر الجزيل
. . . . . . . . . للبسمه اللي فصلت لـي .. بسمتـك ياباسمـه
عزلت من حبّك .؟؟ لأنه من ملف المستحيـل!
. . . . . . . . . تلحق على قلبٍ غرامـه .؟؟ شيّعـت مراسمـه

الوجعه المدميه . .


أتلى العهد فـي فـؤادي يـوم خليتـه
. . . . . . . . . وقفيـت وأعيونـي الثنتيـن يبكـنّـه
شرحت وضعي على صدري وفليتـه
. . . . . . . . . .ولقيت صدري من الليّ صار له حنّه!
أسرف بي الوجد والطـاروق شليتـه
. . . . . . .. . وشعاير الصوت في صدري لها رنّـه
مستاجعٍ مـن يـدي والحـال بريتـه
. . . . . . . . . والوجعـه المدميّـه ماهـي بمنكـنّـه
الله يسامـح صبـي عينـي وراعيتـه
. . . . . . . . . خلانـي أبـدّل السـجّـات فالـونّـه
مايلتفـت لــوّ تعمـدتّـه ولديـتـه
. . . . . . . . .الاّ على اللي تجيب الشبط .. فالكنّـه
عفريـةٍ حبّهـا الـعـذري تقهويـتـه
. . . . . . . . . وكيّفت الأحساس من هيله ومـن بنّـه
كل مادعانـي بعـال الصـوت لبيتـه
. . . . . . . . . وأنقـاد مـن غيـر لافضـلٍ ولامنّـه
أجيـه واليـا وصلـتـه ماتعديـتـه
. . . . . . . . . جيّـة رفيـقٍ رفيقـه مبطـيٍ مـنّـه
أسـج فـي عالـم أسلوبـه وأتاكيتـه
. . . . . . . . . . وأقول من لاعشـق مثلـه ياعنكنّـه ؟
ماذاق ملح القبـال .. اللـيّ تحاليتـه
. . . . . . . . . . ولا أغرتـه كلمـةٍ معسولهـا جـنّـه
أمشاهده .. لا أنكسر خصره ورديتـه
. . . . . . . . . .وميّـل بليـلٍ حريـره يعجبـك فنّـه
ينسيك طعـم الحليـب اللـيّ تغذيتـه
. . . . . . . . . وتسـج مـع عالـمٍ فالحـب منجنّـه
والحـب لـولا متاهـاتـه وتنهيـتـه
. . . . . . . . . .ماصوتـوّ للقلـوب وجـات مستنّـه
قلب الهواوي خضر .. والولف راعيته
. . . . . . . . . ومن حبّها لـه تدكـه رفـق وأتحنّـه
تصبح بشطّانـه .. وتمسـي بزاويتـه
. . . . . . . . . .. وكل عرق ينبض خطا مسئولةٍ عنّه
أقفـو بهـا اللـيّ شببهـم ماترجيتـه
. . . . . . . . . . . وأسلوم الأجواد مثل الفرض والسنّـه
راحت سنه كامله لاجـا .! ولا جيتـه
. . . . . . . . . . . .وحبّه على ظنيّ .. وحبيّ على ظنّـه
أقفـى وجرحـه بقلبـي ماتشاويـتـه
. . . . . . . . . . . وأقفيت .. والبعد جرحٍ ماأقـدر أكنّـه
مايوجع الرجـل .. ويحـرّك تناهيتـه
. . . . . . . . . . الاّ ليـا مـن فقـد لـه قطعـةٍ منّـه

بآقي آلآطلآل . .

يقول الحزين اللي مع الحزن صال وجال
. . . . . . .. . . . . وبدى مرقبي عدّاه قبل المسيّاني
انا كنت اعذل اللي يقول الرجم غربال
. . . . . . . . . . . خرافات بدو مالها قاصي وداني
رقيته بعد مامال فيّ العصير وطال
. . . . . . . . . . ولقيت وجهي للهوى غير ماامداني
تهاوت مراميس المواجع عليّ بالحال
. . . . . . . . . . ولا احتلت فالأول ولا احتلت فالثاني
اكن المواجع وانقل الحمل لامن مال
. . . . . . . . . .ويحس بوجعها واحدي جاه ما جالي
وجودي ليا لديت في باقي الاطلال
. . . . . . . . . وعرض لي من الماضي تشاكيل والواني
تغيّبت من واقع حياتي وانا لازال
. . . . . . . .. على قيدها واظروف وقتي تحداني
تشقويت في قلبي خوافيه ما تنقال
. . . . . . . .وتذريت من عيني تبي بوح وجداني
وشكوى لغير اله عيبي على الرجال
. . . . . .. . . .خصوصي ليا من صار طيّب وله شاني
يحلّ العقود اللي ما يلقالها حلال
. . . . . . . . ولا يتقي لاصار للعلم نيشاني
هاذي والله اللي عللت بي وانا ما أحتال
. . . . . . . . اغير فسلم ابوي واسلوم جداني
ربينا على قوّ العزايم وطيب الفال
. . . . . . . ويلين الحديد وقاسي الراس مالاني
لو ان الزمان ايحدنا والظروف اثقال
. . . . . . . تبسم حدينا كن ما كاينن كاني
تلاميذ مجلس طيب من عادنا جهّال
. . . . . . . . ولا غيرتنا العولمة والتمداني
ولا نقول في هذا ولا في هذاك اجدال
. . . . . . . . . تبسّامنا مطلوب في بعض الاحياني
نساير جميع الناس من مختلف الاشكال
. . . . . . . . . وقناعتنا فعقول ما هيب فلساني
والى صد من بعض المواقف رديّ الخال
. . . . . . . . . نبيّن ولافينا جبانن وخوّاني
تعديبنا الشيمات من مجلس الانذال
. . . . . . . . ولا نتبع المقفي ولا نزعل العاني
نعشق المراجل عشق وايل لبن هذال
. . . . . . . . وانحب الظفر حب الهواجر لقحطاني
جيمع الخصال الطيّبه جات باسترسال
. . . . . . . . على مرقبي مبداه ما هو بيخفاني
بديته حزين وكل ما فيه ضيقة بال
. . . . . . . . . وحوّلت منّه كنّ ما كاينن كاني

لآتخآطبني . .

ودي أجهـل شـيّ ماكنـت أظنّـه ينجهـل
. . . . . . . . . . . وأثر من لا يعرف الشـيّ غصـبٍ يجهلـه
ياعذابـي مابقـى شـيّ فعيونـي سـهـل
. . . . . . . . . . . دام شـيٍ مانسيـتـه ؟ ربـيـت بمدهـلـه
لاتخاطبني ؟ بماذا ؟ وكيف ؟ ومن ؟ وهـل
. . . . . . . . . . . وأنت ؟ لا هذا ؟ ولا ذا ؟ ولا منه ؟ وهلـه
أنت من قـومٍ علـى الضـد مافيهـم مهـل
. . . . . . . . . . . . لابةٍ عاشت على الصعب مـن قبـل أسهلـه
من حلم في قمّة طويق ؟ ما أغـراه السهـل
. . . . . . . . . . .. . السهل له ربـع ؟ وطويـق ربعـه تزهلـه
كيف أشوفك علم يكسـر متاهـات الجهـل
. . . . . . . . . . . . وأنت لا تاريخ باقـي ؟؟ ولا شفـت أجهلـه
غيـر قصّـة راويٍ يحكـي أفعـال الكهـل
. . . . . . . . . . . . كيف أصدقهـا ؟؟ وعـذر الليالـي ممهلـه
لاتقول إني معك ؟ وأنت في حسبـة الأهـل
. . . . . . . . . . . ما أنت بهلٍ لي ؟ وأنا منـك ماجبـت بهلـه
ولا تعذّر والعـذر مـن تضاريسـك ذهـل
. . . . . . . . . . . لاهوى غربي ؟ ولا الديـم نوضـك ياهلّـه
عقب مانـت بخايـع القلـب ديـمٍ يستهـل
. . . . . . . . . . . ربعّت به بهجة العمـر ؟ وأضحـت مبهلـه
صرت من بينك ؟ ومن بين ذكـرٍ يستهـل
. . . . . . . . . . . كلّ مـا مريـت صوبـه ؟ خيالـك يذهلـه
بيّض الله وجه ؟ ماذا ؟ وكيف ؟ ومن ؟ وهل
. . . . . . . . . . . علمتني شيّ خافـي ؟ وأنـا كنـت أجهلـه

السلام عليكم ورحمة الله وبركآته
أربعة قصآيد لشآعر / فآلح بن قشعم الهاجري
أتمنى ترتقي لذآئقتكم

رآئع مَ طرح ههنآ ،
دآئماً مبدعهه يَ آلوفآء ، هنيئاً لكِ ع ذوقكِ آلآنيق ،
كل آلشكر لِ روحكِ آلنقيهه ،

نورتِ يَ الغالية ,

عزلت من حبّك .؟؟ لأنه من ملف المستحيـل!
. . . . . . . . . تلحق على قلبٍ غرامـه .؟؟ شيّعـت مراسمـه
اختيارات قمة في الرعة
لكن كثرتي علينا وانا اخوك
تركتينا مثل قروي حضر عشاء بوفيه مفتوح قال ابا اذوق من كل نوع وفي الاخير اتعشى من النوع اللي يعجبني
يوم جا في نصف الطاولة الا قدشبع وهو يلف على الغسالات
كثر الله خيرك على هالوجبة الشعرية او البوفيه لكن اسمحي لنا نخليها فطور وغداء وعشا
من جمالها اسبوع نصوم عن الشعر
تقبلي شكري ومروري وتحياتي*

شكراً آخيَ بحجمَ السمآءَ ولآتكفيَ لَ أشآدتكَ التيّ أعتزَ بهآ ,
لآهنتَ ,

آختيآرتَ ججميله ححيل ق1

وولي ععوده ههون

يعطيكَ ربي الف الف عافيه يَ لغلا

لاهنتِ

رائعه انتي ايتها الوفاء العذبه

كل قصيده تقول الزين عندي

سلمتي وسلمت ذائقتك الجميله

حطيت لك بأقصى الحنايا شيّ ؟ ماحطّه نزيـل
. . . . . . . . . وبنيت لك قصرٍ قوامك ؟ فـي علـوّه راسمـه
واكبر دليل إنّك مغيّبني !! وأخـذ منـيّ دليـل
. . . . . . . . . حبّك لحال ؟ ومن جنابك حبّ غيرك ( قاسمه )

مشكوره على هذا الذوق الرفيع

تحياتي

ماشاءالله ,, طرح رائع كـ عاادتك
تسسلميين يـ الغلا وتسسلم لنا ذائقتك الراائعهـ
تحياتي لك