عهدي بها قدام تلبس عباية

عهدي بهـا قـدام تلبـس عبايـه
وانا بعد قبل ألبس شمـاغ وعقـال


طفلين نتهجّـى حـروف الهجايـه
الله ياماجمـل سواليـف الاطـفـال


كانت لنا فـي كـل شـارع حكايـه
وكنا نقـول علـوم ماهيـب تنقـال


وكنـت اتقاسـم مامعاهـا معـايـه
من(اسكريم) التوت للعلك ابوريـال


وكانت بعكسي شاطره فـي القرايـه
تقرأ جـزء عـمّ وطـه والانفـال


وأنا لك الله مـن مـواري غبايـه
مدري ابو النقطه هو الـدال او ذال


وكانت لاابوي تشتكي مـن شقايـه
وتعلّمه كيف اربـط البـاب بحبـال


ياما على ظهري كسر من عصايـه
يقول لي : خلّك وأنا ابـوك رجّـال


وامي تقول : ادع لولـدك الهدايـه
خوفي يصيبه كثرة الضرب بهبـال


لاشفتهـا مـع اول الـدرب جايـه
مدري أنا اللي ملت ولاّ الوطا مـال


احسّ قلبي يرتجـف فـي حشايـه
ماكنّـه الاّ الضيـف لاهـزّ فنجـال


ياما عن "ام السعف" تخبّت ورايـه
لاخوفوها فيـه ثـم شافـت ظـلال


تقول : خلّـك يـا(محـمد ) معايـه
واسّتأنس العب عندها دور الابطـال


وآغار حتّى من عيـون اصدقايـه
لا طالعوها قلت : (( تكفووووون ياعيال))

.........

للإستماع للشيلهـ
http://www.safeshare.tv/w/gZAJeVBycx

شيله رووعه

تسسلمين يآلغغلا ع الططرح الرووعه

لاهنتِ

راااائعه الشيله يا درووووب

تسلم الانااامل يا مبدعه...

اقتباس: المشاركة الأصلية كتبت بواسطة همس الجفاء    شيله رووعه تسسلمين يآلغغلا ع الططرح الرووعه لاهنتِ

الله يسلمك يـ الغاليهـ
والله لايهيينك

يعطيك العآفيه على الانتقاء

آختيآر رآئع
تسلمن على الآختيآر والذآئقه
تقديري

اقتباس: المشاركة الأصلية كتبت بواسطة أبـوحـمـد    راااائعه الشيله يا درووووب تسلم الانااامل يا مبدعه...

تسسلم يـ ابوحمد
والرووعه تواجدك يـ الطييب

اقتباس: المشاركة الأصلية كتبت بواسطة عَ ـزَوـوفْ ..(~    يعطيك العآفيه على الانتقاء

الله يعافيك يـ الغلا
لاخلا ولاعدم

آيبآت جمميلهه جداً ،
آهنيك ع ذوقك آلرآئع ، شكراً لكِ جزيل آلشكر ،

ي الله
جميله جداً
شكراً ي الغلا ..