مــدرى بكى حـلم مدرى ليلة غبرة.~

السلام عليكم ورحمة الله وبركاته
:
:

مدري بكى حلم ؟ .. مدري ليلةٍ غبْرة
نسيوني أحباب ولاّ ضاعت أخباري ؟

هي إتدبّر ؟ .. أو أقفَت مابها دِبرة
ليت الليالي تقدّر غربة الساري

مدري من اللّي من الثاني نفذ صبره
لا يازمن .. من هو البايع من الشاري ؟

لا الوجه وجهك ولا النبرة هي النبرة
مدري.. ولكن طرا لك يازمن طاري

ماني بجاهل على الشدّات .. تختبره
تشتدّ ياوقت .. وإصراري هو إصراري

بالقلب ما تعرف العبرة من العبرة
وبناظري غيمةٍ ما تمطر أسراري

خلّيت الأحزان بأقصى القلب منثبرة
ياكثر كذبي على نفسي وأنا داري

قم ياقصيدٍ يعزّي لا إنتثر حِبره
إليا حداني زماني تفزع أشعاري

وإن بار فِيَّه رفيقٍ كنت معتبره
أغلى من الروح .. ما نّزلت مقداري

والله لو ردّ هاك الحبّ من قبره
مارِدّ له .. لين تبرد غلّتي .. ثاري

ماكلّ شقٍّ .. مداه السلك والإبرة
وماكلّ عينٍ .. تجامل جرحي العاري

إمّا يقولون .. طاح الضلع .. من كبره
ولاّ يقولون .. ماهو للوطى ضاري

كلٍّ تكلم وكلٍّ خابرٍ خبره
وبكره .. يبين الصحيح .. إن سهّل الباري

البارحة ضقت .. وأثر البارحة غبرة
مدري بكى حلم ؟ ولاّ ضاعت أخباري ؟

رآئعة:مساعد الرشيدي

تحيتي

بالقلب ما تعرف العبرة من العبرة
وبناظري غيمةٍ ما تمطر أسراري
ابداع منقطع النظير
سلامة ذوقك الرائع
تحياتي

ابداع اختي عزوف وذوق جميل

سلمت الانااامل..

قصيدة جميلة
اختيار موفق

يعطيك العافيه على النقل المميز .. ابيات رائعه ..

ابياات راائعهـ

تسسلميين عزوووف على الذوووق الطيييب

آبيآت روعه
سلمتِ يالغلآ وسلم لنآ آختيآرك وآنتقآئك
تقدييري

اقتباس: المشاركة الأصلية كتبت بواسطة العالمي    بالقلب ما تعرف العبرة من العبرة وبناظري غيمةٍ ما تمطر أسراري ابداع منقطع النظير سلامة ذوقك الرائع تحياتي

الله يسلمك على جمال الحضور..

تيار ينبض بالاحاسيس تبدع مع روعة الاختيار تلامس الواقع .... مشكورة

ذآئقة مختلفة , وعزفَ جميلَ لآيجيدة الآَ عزوفَ
لآهنتيّ